|
|
· Ana səhifə· Rəsmi· Heydər Əliyev Fondu· Əmrlər, sərəncamlar· Təhsil Nazirliyində· Xəbərlər· Pedaqoji yazılar· Məktəblərimiz· Bizimlə əlaqə
|
"Prezident İlham Əliyev və Azərbaycanda təhsilin inkişafı - 2003-2008" kitabının təqdimatı Sentyabrın
12-də "Gülüstan" sarayında təhsil naziri Misir
Mərdanovun rəhbərliyi altında hazırlanıb
nəfis şəkildə çapdan buraxılmış
"Prezident İlham Əliyev və Azərbaycanda
təhsilin inkişafı - 2003-2008" kitabının
təqdimat mərasimi keçirildi. Mərasimdə
Azərbaycan Respublikası Prezidentinin İcra Aparatından,
Nazirlər Kabinetindən nümayəndələr,
nazirlər, millət vəkilləri, təhsil nazirinin müavinləri,
nazirliyin aparatının rəhbəri və nazirliyin
struktur bölmə rəhbərləri, ali
məktəblərin rektorları, orta ixtisas
məktəblərinin, Təhsil Nazirliyinə tabe gimnaziya
və liseylərin direktorları, tanınmış ziyalılar
və KİV işçiləri iştirak edirdilər. Salonda
yeni çapdan çıxmış kitabdan nümunələr qoyulmuşdu. Mərasimi Azərbaycan Respublikası
Prezidenti İcra Aparatının Humanitar siyasət
məsələləri şöbəsinin müdiri Fatma
Abdullazadə açaraq salona toplaşanları salamladı. çox
nəfis şəkildə hazırlanmış
kitabı son 5 ildə Azərbaycanın təhsil həyatının
salnaməsi kimi dəyərləndirən F.Abdullazadə
təqdimat mərasimində çıxış edəcək
natiqlərin onun məziyyətləri haqqında geniş
danışacaqlarına ümidvar olduğunu bildirdi. Təqdimat mərasimində söz alan YAP-ın
icra katibi, millət vəkili Əli Əhmədov, Milli
Məclis sədrinin müavini Bahar Muradova, Bakı Slavyan
Universitetinin rektoru, professor, AMEA-nın müxbir üzvü Kamal
Abdullayev, Azərbaycan Tibb Universitetinin rektoru, professor,
AMEA-nın həqiqi üzvü Əhliman Əmiraslanov, Bülbül
adına Orta İxtisas Musiqi Məktəbinin direktoru,
professor Nigar Cərulla qızı, akademik Zərifə
Əliyeva adına orta məktəbin direktoru
Məhəbbət Vəliyeva, Bakı Avropa Liseyinin direktor
müavini Aygün Məcidova rəsmi sənədlər əsasında
tərtib olunmuş kitabın təhsilimizin son 5 ildəki
mənzərəsinə aydınlıq gətirmək,
onda baş verən prosesləri əks etdirmək, dövlətin
təhsilə və təhsil işçilərinə göstərdiyi
qayğını nümayiş etdirmək baxımından mühüm
əhəmiyyət kəsb etdiyini bildirdilər, onun
məziyyətlərindən danışdılar,
tərtibçilərin ünvanına minnətdarlıq ifadə
etdilər. Azərbaycan Respublikasının təhsil
naziri Misir Mərdanov təqdimat mərasimində çıxış
edərək buraxılışına məsul olduğu
kitabın hansı məram və
məqsədlərdən irəli gəldiyini, tərtib
zamanı hansı prinsiplərin gözləndiyini açıqladı,
kitab haqqında söylənən yüksək rəy və
fikirlərə görə çıxış
edənlərə minnətdarlıq etdi. (çıxışlar aşağıda
ixtisarla dərc olunur). Fatma Abdullazadə (Azərbaycan
Respublikası Prezidenti İcra Aparatı Humanitar siyasət
məsələləri şöbəsinin müdiri): -
Hörmətli mərasim iştirakçıları. Bu kitabın
xüsusiyyətləri haqqında çox danışmaq olar.
Mən əminəm ki, bugünkü natiqlər bu xüsusiyyətləri,
məziyyətləri lazım olduğu qədər açıqlayacaqlar.
Bu kitabın ən önəmli cəhəti ondan ibarətdir
ki, o, rəsmi sənədlərə, imzalanmış
sərəncamlara, təsdiq olunmuş dövlət proqramlarına
istinad edilərək sənədlər toplusu kimi çox
nəfis şəkildə hazırlanıb. Kitabla bağlı
bir neçə məqama toxunmaq istəyərdim. Bu beş
ildə keçdiyimiz yola nəzər salsaq görərik ki,
Azərbaycanda 3 ali məktəb yaradılıb. ölkə
başçısının sərəncamı ilə 2006-cı
il martın 6-da Xarici İşlər Nazirliyinin Diplomatiya
Akademiyasının yaradılması qərara alınıb.
2007-ci il iyunun 12-də Dövlət Sərhəd Xidmətinin
Akademiyası yaradılıb. Nəhayət, bu il yanvarın
15-də M.V.Lomonosov adına Moskva Dövlət Universitetinin
Bakı filialının açılması haqqında
sərəncam imzalanıb. Bu kitabın səhifələrini
vərəqlədikcə aydın olur ki, ölkə başçısının
təhsil sahəsində həyata keçirdiyi siyasət
hər bir azərbaycanlıya, hər bir təhsil işçisinə,
təhsil müəssisəsinə ünvanlanmış
siyasətdir. Bu siyasətin beynəlxalq tutumu da kifayət
qədər sanballıdır. 2004-cü il ərzində
Azərbaycan Respublikasının Prezidenti İlham Əliyev
Qazaxıstan Dövlət Avrasiya Universitetinin və Bilkənd
Universitetinin, 2005-ci ildə Bolqarıstan Milli və Dünya
Təsərrüfatı Universitetinin, 2007-ci ildə Koreyanın
Kyunq He Universitetinin, 2007-ci il iyulun 29-da İordaniya
Universitetinin, 2008-ci il
fevralın 18-də Macarıstanın Korvinus Universitetinin
fəxri doktoru adlarını alıb. 2008-ci ilin fevralında
Prezident İlham Əliyevə M.V.Lomonosov adına Moskva Dövlət
Universitetinin fəxri professoru adı verilib. 2008-ci il mayın
22-də Taras Şevçenko adına Kiyev Milli Universitetinin
fəxri doktoru diplomu təqdim edilib. Əgər biz dövlət başçısının
müxtəlif ölkələrin universitetlərindəki çıxışlarına
nəzər salsaq görərik ki, 2004-cü ilin sentyabrında
ölkə Prezidenti Amerika Birləşmiş Ştatlarının
Kolumbiya Universitetində görüş keçirib və orada çıxış
edib. Həmin ilin oktyabrında Moskva Dövlət Beynəlxalq
Münasibətlər Universitetində görüş keçirib, bu
universitetin fəxri doktoru adını alıb. 2005-ci ilin
martında Moskva Dövlət Universitetində görüşü
olub. 2006-cı il mayın 6-da Misirin Əzhari-Şərif
Universitetinin rektoru ilə görüşüb. 2006-cı ilin
oktyabrın 4-də Prezident Latviya Universitetində olub
və görüş keçirib. 2007-ci il sentyabrın 23-də Macarıstanda
olub və bundan sonra Rumıniyanın Ployeşti Neft və
Qaz Universitetində görüş keçirərək burada çıxış
edib. Bütün bu səfərlər, görüşlər,
çıxışlar, fəxri adlar əslində ölkə başçısının
təhsil sahəsində yeritdiyi siyasətə
beynəlxalq aləmdə bu və ya digər vasitə
ilə verilən qiymətdir. Kitabdan 3 sənədə diqqəti cəlb
etmək istərdim. Onlardan biri 2004-cü ilin yanvarında
imzalanan sərəncamdır. O, belə səslənir:
"Azərbaycan dilində latın qrafikası ilə kütləvi
nəşrlərin həyata keçirilməsi haqqında".
Bu sərəncama əsasən ümumi tirajı 6 milyon 600
min nüsxə olan 158 adda 262 kitab çap olunub. Onlar həm
Azərbaycan, həm də dünya klassikasını
əhatə edən əsərlərdir. Hər bir
əsər 25 min nüsxə tirajla çap olunaraq Azərbaycanın
məktəblərinə, məktəb kitabxanalarına
və kütləvi kitabxanalarına verilmişdir. Başqa bir sərəncama diqqət
yetirək. Bu sərəncam "2005-2006-cı
illərdə Azərbaycan dilində latın qrafikası
ilə çapı nəzərdə tutulan
əsərlərin siyahısının təsdiq
edilməsi haqqında" adlanır. 2004-cü ildə
imzalanmış həmin sərəncam da yerinə
yetirilərək 75 adda 250 kitab, təxminən 2 milyon nüsxə
tirajla çap olunaraq məktəb kitabxanalarına və kütləvi
kitabxanalara çatdırılıb. Nəhayət, 2007-ci il
dekabrın 30-da imzalanan "Dünya ədəbiyyatı
kitabxanasına daxil olmuş əsərlərin siyahısının
təsdiq edilməsi haqqında" sərəncam üzərində
indi iş gedir. Burada 138 adda 153 kitabın çap olunması
nəzərdə tutulur ki, bunların da 40-ı Nobel mükafatları
laureatlarının kitablarıdır. Təhsilin maddi-texniki bazası ilə bağlı burada nümayiş
etdirilən kadrlara yəqin hamınız diqqət
yetirirsiniz. Bakı şəhərində,
Gəncədə, respublikamızın hər bir bölgəsində
ucaldılan yeni məktəblərin təzə binalarına
tamaşa etmək imkanı var. Bu kitaba əlavə olunan xüsusi
disk vasitəsi ilə həyata keçirilir. Bu disk həm
də kitabın elektron variantının olmasından
xəbər verir. Bu isə ölkə Prezidentinin
təhsildə informasiya texnologiyalarının gerçəkləşdirilməsi
ilə bağlı sərəncamının nə
dərəcədə həyata keçirildiyini göstərir. Kitabda təhsilin maddi-texniiki bazası
ilə bağlı olan xeyli Prezident sərəncamı yer
alıb. Bu baxımdan 2007-2008-ci illərdə imzalanan
"Qəza vəziyyətində olan ümumtəhsil
məktəbləri üçün yeni binaların tikilməsi
və bir sıra məktəblərin əsaslı
təmiri, ali təhsil müəssisələrinin maddi-texniki
bazasının möhkəmləndirilməsi", "Bakı
Musiqi Akademiyasının maddi-texniki bazasının yaxşılaşdırılması"
və nəhayət, "Bakı Dövlət Universitetinin
yeni korpusunun tikintisi ilə bağlı bəzi
məsələlər haqqında" və s.
sərəncamları xüsusi qeyd etmək istərdim. Bu,
sərəncamlar sırasında 2-si xüsusi yer tutur.
2006-2008-ci illərdə imzalanmış
həmin sərəncamlar Azərbaycan Tibb Universitetinin
tədris-terapevtik və tədris-cərrahiyyə klinikalarının
yaradılmasını nəzərdə tutur.
Beləliklə, Tibb Universitetinin illərlə arzu etdiyi
baza məhz bu sərəncamlar əsasında yaradılır. Kitabda işıq üzü görən bəzi
sərəncamlar nəinki Təhsil Nazirliyi, bir sıra başqa
nazirliklərlə də müştərək işlərin
həyata keçirilməsini nəzərdə tutur. ümumtəhsil
məktəblərinin İKT ilə təminatı Dövlət
Proqramının təsdiq olunması haqqında 2004-cü
ildə imzalanmış sərəncam buna misal ola
bilər. Həmin proqramın həyata keçirilməsini
təkcə bu fakt təsdiq edir ki, bu il Azərbaycanın
ali və orta ixtisas məktəblərinə qəbul yalnız
İnternet vasitəsi ilə həyata keçirilmişdir. Müştərək həyata keçirilən
proqramlardan biri də 2006-cı ildə təsdiq olunmuş
xüsusi istedada malik olan uşaqların yaradıcılıq
potensialının inkişafı üzrə Dövlət proqramıdır. Bu proqrama əsasən demək olar ki,
hər il istedadlara xüsusi təqaüdlərin ayrılması
ilə bağlı sərəncamlar imzalanır. Kitabda öz
əksini tapmış bu sərəncamlar içərisində
2008-ci il iyulun 28-də imzalanmış sərəncamı
xüsusilə qeyd etmək istərdim. Bu, Dövlət Uşaq
Filarmoniyası nəzdində Uşaq Gənclər Simfonik
Orkestrinin və Bülbül adına Orta İxtisas Musiqi
Məktəbinin Uşaq Xor Kapellasının
solistlərinin xüsusi təqaüdə layiq görülməsi
barədə sərəncamdır. Biz hamımız canlı
şahidiyik ki, Parisdə, Strasburqda, Avropanın başqa
mədəniyyət, parlamentarizm və siyasi
mərkəzlərində bu uşaq gənclər simfonik
orkestri hansı uğurlar qazanıb. Kitabın bir çox səhifəsi
bilavasitə təhsil işçilərinin sosial durumu,
əməkhaqları ilə, aspirantların və
tələbələrin əməkhaqları ilə
və s. tədbirlərlə bağlıdır. Bu
səhifələrdən aydın olur ki, demək olar,
Azərbaycanda elə bir il olmur ki, təhsil müəssisəsində
çalışanlar təltif olunmasın, onların
əməyi dövlət başçısı
tərəfindən qiymətləndirilməsin. ölkə
Prezidentinin 2004-cü il 21 avqustunda verdiyi sərəncamı xüsusilə
qeyd etmək lazımdır. Bildiyiniz kimi, iqlim şəraitinə
görə Azərbaycanda uzun illərdir ki, dərslərin
sentyabrın 1-də deyil, 15-də başlanması
barədə müzakirələr gedirdi. Məhz bu
sərəncamla Azərbaycanın bütün təhsil müəssisələrində
dərslərin sentyabrın 15-də başlanması
ilə bağlı qərar verilmiş, 15 sentyabr "Bilik
günü" elan olunmuşdur. Əlbəttə, kitabın
məziyyətləri çoxdur və çıxış
edənlər yəqin ki, yeri gəldikcə onlardan
bəhs edəcəklər. Əli Əhmədov (YAP-ın icra katibi,
millət vəkili): - İcazə verin, yeni dərs ili münasibəti
ilə Azərbaycanın bütün təhsil işçilərini,
təhsillə bağlı olan bütün Azərbaycan
vətəndaşlarını təbrik edim. ümidvar olduğumu
bildirim ki, növbəti tədris ili Azərbaycanın
təhsil alanları və təhsil verənləri üçün
uğurlu olacaq. Hörmətli tədbir iştirakçıları!
Liderlərin və onların tarixi inkişafa təkan
verən fəaliyyətlərinin təsvir olunması,
onların haqqında kitablar yazılması tarixin
dərinliklərinə gedən xoşniyyətli
ənənədir. Əlamətdar haldır ki, bu
ənənə dövrümüzə qədər gəlib çatıbdır.
Bu gün müzakirəsinə toplaşdığımız
"Prezident İlham Əliyev və Azərbaycanda
təhsilin inkişafı - 2003-2008" kitabı da bu xoşməramlı
ənənənin Azərbaycanda yaşadığını
bilavasitə əks etdirir. Məqsəd aydındır:
Liderlər, onların fəaliyyətləri və
nəticələrinin tarixin yaddaşına əbədi
olaraq həkk olunması və gələcək
nəsillərə çatdırılması. Bu gün nəfis
şəkildə tərtib olunmuş və Azərbaycan
oxucularına təqdim olunan "Prezident İlham Əliyev
və Azərbaycanda təhsilin inkişafı -
2003-2008" kitabı bu nəcib niyyətə xidmət
etməkdədir. Fikrimizcə, kitabın ən başlıca
məziyyəti Azərbaycanın təhsil
sahəsindəki gerçəkliyini əyani şəkildə
əks etdirməsidir. Bu baxımdan o, Azərbaycan
təhsilinin 5 illik inkişafının salnaməsi adlandırılmağa
layiqdir. Kitab
Azərbaycanın təhsil gerçəkliklərini geniş
və əhatəli şəkildə əks
etdirməklə bugünkü inkişafımız haqqında
gələcək nəsillərdə əyani
təəssüratların yaranması vəzifəsinə
xidmət edəcəkdir. Kitabla tanış olarkən onun müəlliflərinin
öz qarşılarına bir neçə vəzifə qoyduqları
haqda fikir söyləmək mümkündür. Bunlardan birincisi bu
həqiqəti etiraf etməkdən ibarətdir ki,
Azərbaycanda təhsilin inkişafının əsasında
dayanan həqiqət və gerçəklik İlham Əliyev
şəxsiyyəti, İlham Əliyev fenomeni ilə
bilavasitə əlaqədardır. Bu həqiqət kitabın
adında da əksini tapmışdır. Əlbəttə,
bu kontekstdə mən o həqiqəti də qeyd etmək
istərdim ki, indi Azərbaycanın bütün vətəndaşları
Azərbaycandakı inkişafı bilavasitə Prezident
İlham Əliyevin şəxsiyyəti ilə
əlaqələndirirlər. Hər kəs Azərbaycanda
inkişaf, tərəqqi, yüksəliş haqqında
fikirləşərkən qeyri-ixtiyari olaraq Prezident İlham
Əliyev, onun fəaliyyəti, onun həyata keçirdiyi
siyasəti göz önünə gətirir və
dəyərləndirir. Eyni ilə də Prezident İlham Əliyev
və onun həyata keçirdiyi siyasət haqqında düşünərkən
yenə də Azərbaycandakı inkişaf,
tərəqqi, irəliləyiş göz önünə gəlir
və dəyərləndirilir. Kitabın müəlliflərinin öz qarşılarına
qoyduqları digər çox fundamental bir vəzifə
Azərbaycan Prezidenti İlham Əliyevin rəhbərliyi
altında təhsil sahəsində əldə olunan möhtəşəm
uğurların mənzərəsinin əhatəli şəkildə
kitabda əks etdirməkdən ibarətdir. Təhsil
sahəsindəki vəzifələrimizin nə
qədər möhtəşəm olduğunu təsəvvür
etmək üçün kitabda kifayət qədər faktlar sadalanıb.
Dövlət başçısı İlham Əliyev
prezidentlik fəaliyyətinə başlayarkən qeyd edirdi
ki, əzəmətli vəzifələrin qarşıya
qoyulması nəticəsində biz əzəmətli
nailiyyətlər əldə edə bilərik. Prezidentin
təhsil sahəsində qarşıya qoyduğu
vəzifələrin əzəməti əzəmətli
uğurların da qazanılmasına gətirib çıxarıbdır
və kitabda bu gerçəkliyi aydın şəkildə
təsəvvür etmək mümkündür. Mən
burada oturanların hər birinin bildiyi bir faktı
diqqətə çatdırmaqla Prezident İlham Əliyevin
təhsil sahəsində həyata keçirdiyi siyasətin
nə qədər möhtəşəm uğura gətirib
çıxardığını bir daha təsdiqləmək
istəyirəm: Azərbaycanda 5 il ərzində 1360-dan
yuxarı (mən kitabda
gətirilən rəqəmə istinad edirəm və
demək istəyirəm ki, indi bu rəqəm bir az da çoxalıb)
yeni məktəb binası tikilib istifadəyə verilmişdir.
İndi Azərbaycanda 5000 məktəb var. Azərbaycanın
məktəb fondu 70 il ərzində formalaşıb. 70-80
il ərzində formalaşan 5 minə yaxın
məktəb fondunun təxminən üçdə biri - 1360-ı
son beş il ərzində inşa edilən və
istifadəyə verilən məktəblərdir. Ancaq, eyni zamanda etiraf etmək lazımdır
ki, təhsil sahəsində əldə olunan uğurlar
təkcə məktəblərin maddi bazasının möhkəmləndirilməsi
ilə məhdudlaşmır. ölkəmizdə təhsil
islahatlarının həyata keçirilməsi
istiqamətində atılan addımlar təhsillə bağlı
dəyərlərin yeniləşdirilməsi, müasirləşdirilməsi
və beləliklə, Azərbaycan cəmiyyətinin
keyfiyyətcə yeniləşməsi üçün təhsil
faktorundan istifadə edilməsi istiqamətində
həyata keçirilən islahatlar, mən hesab edirəm ki,
Prezident İlham Əliyevin Azərbaycan təhsilinin inkişafına
verdiyi böyük töhfədir. Nəhayət, tərtibçilər
kitabı elə tərtib ediblər ki, onunla tanış
olanlar Prezident İlham Əliyevin təhsillə
əlaqədar həyata keçirdiyi siyasətin mahiyyəti,
məzmunu və əsas istiqamətləri haqqında aydın
təsəvvür alsınlar. Prezident İlham Əliyevin bu kitabda
yerləşdirilmiş təhsillə bağlı çıxışları,
sərəncamları və digər rəsmi
sənədlər mahiyyətindən ortaya çıxan gerçəklik
ondan ibarətdir ki, Azərbaycan cəmiyyətinin uzunmüddətli
inkişafının təminatı Azərbaycanda
təhsilə verilən önəm, dəyər,
qiymətlə dövlət siyasətində təhsilin
strateji istiqamət kimi müəyyənləşməsi
ilə bilavasitə əlaqədardır. Kitabla tanış olarkən onun tərtibçilərinin
İlham Əliyevə böyük hörməti,
məhəbbəti və ehtiramını aydın şəkildə
görmək mümkündür. Kitabın hər
səhifəsində İlham Əliyevə təhsil işçilərinin
böyük minnətdarlıq hissləri və duyğuları
öz əksini tapıb. Mən hesab edirəm ki, bu
minnətdarlıq duyğuları, hissləri İlham
Əliyevin Azərbaycanın təhsilinin inkişafına
böyük diqqət və qayğısı ilə
əlaqədardır. çıxışımın sonunda bu
qədər əzəmətli, gözəl və fundamental
bir kitabın hazırlanması üçün böyük zəhmət
çəkmiş kollektivə öz minnətdarlığımı
bildirmək istəyirəm. Kitabı Azərbaycan ziyalılarına,
bütövlükdə təhsil tarixinə böyük töhfə hesab
edirəm və ümidvar olduğumu bildirmək
istəyirəm ki, Azərbaycanın təhsil işçiləri
Prezident İlham Əliyevin Azərbaycanda təhsilin inkişafına
göstərdiyi qayğıya daim layiq olmağa çalışacaqlar.
Bahar Muradova (Azərbaycan Respublikası Milli
Məclisinin sədr müavini): - Hörmətli mərasim iştirakçıları,
xanımlar və cənablar! Heydər Əliyev "Millətin
gələcəyi ölkənin müstəqilliyinin
təməlidir" söyləmiş və bu fikri
həqiqətə çevirmək üçün bütün şüurlu
həyatını sərf etmişdi. Böyük öndər bu işin
görülməsi üçün xalqı, onun önündə gedən ziyalıları,
elm-mədəniyyət xadimlərini və siyasi
xadimləri ətrafına səfərbər etmişdi. Bu
gün Azərbaycanda uğur adına nə varsa, onun hər
birinin altında mərhum Heydər Əliyevin imzası
var. ölkədə görülən işlər heç də
birdən-birə meydana gəlmir, özündən əvvəl
mövcud olan təməl üzərində inkişaf edir.
Azərbaycanın da həyatının bütün
sahələri məhz Heydər Əliyev
tərəfindən yaradılmış təməl üzərində
inkişaf etməkdədir. Təhsil sahəsi də bu baxımdan
istisna deyil. ötən əsrdə bu istiqamətdə görülmüş
işlər, Azərbaycanın müstəqillik dövründə
atılmış addımlar möhtərəm Prezidentimiz
İlham Əliyev tərəfindən davam etdirilir.
Təhsildə qazanılan uğurların söykəndiyi
təməllərdən biri də, əlbəttə, bu
sahədə işləyən, təhsilin inkişafı
üçün həyatını sərf edən təhsil işçiləridir.
Mən bu günü təkcə tədris ilinin başlanması
ilə yox, həm də bu sahənin uğurlarını
özündə əks etdirən bu kitabın ərsəyə
gəlməsi ilə əlamətdar hesab edirəm. Kitab çox orijinal bir şəkildə
tərtib olunub. Əlbəttə, Əli müəllim burada
onun bir çox məziyyətlərini qeyd elədi və qarşıya
qoyulmuş vəzifələrin maksimum yerinə
yetirilməsini faktlarla əsaslandırdı. Mən onu
demək istəyirəm ki, bu kitabı tərtib
edənlər, doğrudan da, həm Heydər Əliyev
irsinə, siyasi kursuna məhəbbətlərini, həm
də bu kursun layiqli davamçısı İlham Əliyevə,
onun fəaliyyətinə verdikləri qiyməti və münasibəti
kitabda əks etdiriblər. Kitab Misir Mərdanovun ön sözü
ilə başlayır. İnanılmaz
dərəcədə geniş bir fəaliyyətin
əksini tapdığı bu ön sözdə gətirilən
rəqəmlər, həmin rəqəmlərin
ildən-ilə sürətlə dəyişməsi göstərir
ki, təhsil Azərbaycan Prezidenti üçün nə qədər
əhəmiyyətli sahədir, bu istiqamətdə nə
qədər ciddi addımlar atılmışdır. Mövcud vəziyyəti bilməyən,
tikilən məktəbləri görməyən adam yəqin
ki, bu rəqəmlərə baxıb təəccüb
edər, qısa bir müddətdə bu qədər iş görmək
mümkündürmü? Amma həm kitabda gətirilən sitatlar,
həm də real həyat göstərir ki, mümkündür və
Azərbaycanda bunu reallaşdırmaq mümkün olmuşdur. Kitabın ön səhifələrindən
İlham Əliyevin 2003-cü ildə Prezident seçildikdən
sonra andiçmə mərasimindəki qısa nitqi yerləşdirilmişdir.
Bu nitq qısa, lakonik olduğu qədər də geniş
və əhatəlidir. Burada qarşıdakı 5 ildə
təkcə Prezident kimi İlham Əliyevin deyil,
Azərbaycan xalqının və dövlətinin qarşısında
duran vəzifələrin qısa tezisləri verilmişdir.
Bunlara nəzər salarkən Azərbaycan həyatının
bütün istiqamətlərində İlham Əliyevin bir
prezident kimi görəcəyi işlər, həyata keçirəcəyi
fəaliyyət haqqında məlumat almaq mümkündür. Prezident İlham Əliyevin çıxışında
həm iqtisadiyyatın, həm mədəniyyətin,
həm də sosial həyatın, o cümlədən
təhsil sahəsinin inkişafı üçün Azərbaycanın
zəngin təbii sərvətlərindən istifadə
və bu istifadədən əldə olunan gəlirin hara yönəldiləcəyi
barədə fikirlər səsləndirilir. Kitabda çox
nəfis şəkildə yerləşdirilmiş və görülən
işləri əyani şəkildə əks etdirən
şəkillərdən də aydın görünür ki,
Azərbaycanın təbii sərvətləri doğrudan
da İlham Əliyevin səyləri nəticəsində
Azərbaycanın təhsilinin, deməli Azərbaycanın
gələcəyinin təmin olunmasına yönəldilib. Bu mənada mən İlham Əliyevin
inauqurasiya mərasimindəki olan nitqinin kitaba salınmasını
çox əhəmiyyətli hesab edirəm. Təkcə
təhsil sahəsində əldə edilmiş uğurları
görmək kifayətdir ki, İlham Əliyevin digər
istiqamətlərdə də verdiyi vədə, dediyi sözə
əməl edən bir şəxsiyyət olduğunu
təsəvvür edəsən. O, təkcə bu vədi
verməmişdi, həm də vədini yerinə yetirmişdir.
O, Azərbaycan xalqı üçün yaxşı Prezident olacağı
vədini, "Azərbaycan müəllimləri yaxşı
məktəblərdə işləməlidirlər və
Azərbaycan şagirdləri yaxşı
məktəblərdə oxumalıdırlar" fikrini
sonrakı fəaliyyətində daha da möhkəmləndirmişdir.
çünki təhsil hər kəsə, hər bir
ailəyə, evə yaxın
olan bir sahədir və bu sahədə qazanılan uğurlar
bütövlükdə xalqa xidmətin bariz nümunəsi deməkdir.
Bir neçə rəqəm gətirmək
istəyirəm. 2003-cü illə 2008-ci ildə Azərbaycanın
Dövlət büdcəsində təhsilə ayrılan
vəsaiti müqayisə etdikdə biz ölkədə nə
qədər inkişaf getdiyinin şahidi oluruq. 2003-cü
ildə təhsil sahəsinə cəmi 243 milyon manat
vəsait qoyulmuşdu. Cəmi 5 il ərzində bu
rəqəm 1,5 milyard manata çatdırıldı. Bu
sahəyə qoyulan vəsaitin miqdarı təxminən 5
dəfə artıb. Prezidentin dəstəyi, bilavasitə
verdiyi sərəncamlarla orta təhsilin inkişafı
üçün 14 proqram təsdiq olunub və həyata keçirilməkdədir.
Təhsilimiz beynəlxalq aləmdə gedən
proseslərə inteqrasiya edir. ötən 5 il ərzində
30 ölkə ilə təhsil sahəsində müqavilələr
imzalanmışdır. Birləşmiş Millətlər
Təşkilatının, digər beynəlxalq təşkilatların
dəstəyi ilə 70-dək proqram və layihə
həyata keçirilmişdir. İnformasiya və kommunikasiya texnologiyalarının
tətbiqi, "Elektron məktəb" layihəsi,
təhsil işçilərinin ixtisas səviyyəsinin yüksəldilməsi,
kadr hazırlığı, təhsilin idarə olunması
üçün atılan addımlar, biliyin
qiymətləndirilməsi istiqamətində həyata keçirilən
layihələr buna misal ola bilər. Kitabla tanışlıq göstərir ki,
tərtibçilər kifayət qədər sanballı bir
nəşr ortaya qoya biliblər. Misir müəllim başda olmaqla, təhsil işçilərinin
və təhsil sahəsi ilə bağlı bütün insanları
bu kitabın işıq üzü görməsi münasibəti
ilə təbrik edirəm. Kamal Abdullayev (Bakı Slavyan Universitetinin
rektoru, AMEA-nın müxbir üzvü): -
öz oxucusu ilə sənədlərin
dilində danışan bu kitabı maraqla
vərəqlədikcə, oxucunun gözü qarşısında
bu sənədlərin arxasında bu
sənədlərlə səsləşən gərgin
fəaliyyət diqqəti cəlb etməyə bilmir. İlk
növbədə adamın fikrinə o gəlir ki,
nəzərdən keçirilən dövrü - möhtərəm
Prezident İlham Əliyevin fəaliyyətini əks
etdirən bir dövrü, ondan əvvəlki dövrdən,
Heydər Əliyevin tədrisə münasibətindən,
onun kontekstindən ayrı götürmək mümkün deyil. çünki
məhz o dövrdə bugünkü tədrisin geniş panoramı
öz bünövrəsini, mayasını tapmışdır.
Heydər Əliyevin tədrisə, təhsilə qayğı
və diqqətini təkcə orta
məktəblərlə, auditoriyalarla, ali
məktəblərlə məhdudlaşdırmaq düzgün
olmazdı. Keçirilən bütün dövlət
əhəmiyyətli tədbirlərin hamısı -
yubileylər, mərasimlər, yazıçıların, böyük
söz-sənət ustalarının anılması - bunların
hamısı əslində bütün xalqın
maariflənməsi yolunda atılan möhtəşəm addımlardır.
Bu gün biz təhsil sistemimizin nailiyyətlərindən danışarkən,
təbii ki, o dövrü indiki dövrün başlanğıcı
kimi qəbul etməliyik. Bu gün Azərbaycan təhsilinin doğrudan
da geniş panoramda, səpələnmiş problemləri
var. Bu problemlərin bir çoxu ali təhsil sisteminin kredit
sisteminə keçməsi ilə bağlıdır. Boloniya
sistemi və ümumiyyətlə Qərb təhsil sisteminin özünün
bu gün rastlaşdığı çətinliklər var. Biz o
çətinliklərdən yan keçməyi elə bu gündən
müəyyənləşdirməliyik. Problemlərdən danışarkən
təhsilimizdəki nailiyyətləri görməyən
və yaxud görmək istəməyən bir sıra adamların
diqqətinə təhsilin bir çox problemlərinin çox zaman
onun özündən asılı olmadığını çatdırmaq
istərdim. Yəni təhsildə problemlər var, xüsusən
də insanlararası münasibətlərdə, müəllim-tələbə
münasibətlərində, müəllim-müəllim münasibətlərində
və s. Təhsil cəmiyyətin güzgüsüdür,
cəmiyyətdə də müəyyən problemlər var.
Amma bütün bunları təhsilin problemləri kimi təqdim
edənlər, mənə elə gəlir ki, yanılırlar.
Azərbaycan təhsilinin bugünkü
mənzərəsi bu kitabda yığcam, lakonik şəkildə
qeyd olunub. Prezident İlham Əliyevin sistemləşdirici
mahiyyət kəsb edən, bir-birini tamamlayan qərarları
bu gün Azərbaycanın rayonlarında həm hökumət
tərəfindən, həm Heydər Əliyev Fondu
tərəfindən inşa edilməkdə olan
məktəb binaları, tədris mərkəzləri,
təmir edilmiş müəssisələrdə özünü real
şəkildə göstərir. Bizim universitetimiz də
həmin sənədlərdən birinin obyekti olub və
mən Prezidentimizə buradan bir daha minnətdarlıq hissi
ilə bildirmək istərdim ki, Prezidentimizin bizə göstərdiyi
diqqət və qayğı nəticəsində ayrılmış
maliyyə vəsaitinin köməyi ilə biz bir sıra
problemlərimizi həll etdik, universitetimizin binasını
yenidən qurduq, avadanlığını, ləvazimatını
dəyişdik və güman edirəm ki, bütün bunlar
tədrisin mahiyyətinə,
məzmununa da böyük kömək göstərəcəkdir. Doğrudan da gözəl tərtib olunmuş
kitabın arxasında gərgin zəhmət və
Prezidentin qarşısında böyük məsuliyyət hissi
durur. Mən güman edirəm və inanıram ki, bizim
təhsil sistemimizin bütün sahələrində bu
məsuliyyət hissini çox dəqiq anlayırlar və biz
hamımız çalışacağıq ki, xalqımız,
ölkəmizin Prezidenti qarşısındakı
məsuliyyətimizi ləyaqətlə yerinə
yetirək. Kitab haqqında burada çox gözəl sözlər
deyildi. Güman edirəm ki, insanlarla sənədlərin
dilində danışan, dəqiq faktlar əsasında söhbət
aparan bu kitabın bütövlükdə təhsil sistemimiz, onun bugünkü,
strateji inkişaf yollarını öyrənən alimlər
üçün, təhsilin tarixi ilə məşğul olan mütəxəssislər
üçün böyük əhəmiyyəti olacaq.
Əhliman Əmiraslanov (Azərbaycan Tibb
Universitetinin rektoru, AMEA-nın həqiqi üzvü): - Hörmətli mərasim iştirakçıları.
Bu gün təqdimat mərasiminə toplaşdığımız
"Prezident İlham Əliyev və Azərbaycanda
təhsilin inkişafı - 2003-2008" kitabını
mən Azərbaycan
təhsil ictimaiyyətinin həyatında çox mühüm bir
hadisə hesab edirəm. Kitabla tanış olduqda elə
rəqəmlərə rast gəlirsən ki, doğrudan da
böyük qürur hissi keçirirsən. Bu rəqəmlər
Azərbaycanda təhsilin 5 il ərzində necə sürətlə
inkişaf etməsindən xəbər verir. Kitabın
əsas məziyyətlərindən biri də ondan
ibarətdir ki, o, konkret sənədlər əsasında
hazırlanıb, burada təhsilimizin inkişafının
konkret xronologiyası öz əksini tapıbdır. Burada məktəb tikintisi ilə bağlı
rəqəm səsləndi. Mən inanmıram ki, dünyanın
hər hansı bir ölkəsində beş il ərzində
1361 yeni məktəb inşa edilsin, müasir avadanlıqla
təmin olunsun və istifadəyə verilsin. Və yaxud
300-dən artıq tədris müəssisəsi yenidən
qurulsun, əsaslı təmir olunsun, istifadəyə
verilsin. Bu il 161 yeni məktəb istifadəyə
veriləcək. Doğrudan da, bu rəqəmlər möhtərəm
Prezidentimiz İlham Əliyev cənablarının
diqqət və qayğısı sayəsində
təhsilimizin çox böyük nailiyyətlər əldə
etməsindən xəbər verir. Mən bir neçə kəlmə bu
illərdə universitetlərimizdə əldə olunmuş
nailiyyətlər, inkişaf haqqında hörmətli toplantı
iştirakçılarına məlumat vermək istərdim. Son illər elə bir universitet tapmaq olmaz
ki, orada yeni bir tədris binası tikilib istifadəyə
verilməsin, müasir avadanlıqlarla təchiz olunmasın. Universitetlərimizdə təhsilin
keyfiyyətini yüksəltmək üçün müasir texnologiyalar
tətbiq olunmağa başlayıb. Elektron kitabxanalar,
elektron dərsliklər fəaliyyət göstərir. Demək olar ki, bütün universitetlərimizin
əsas fakültələri kredit sisteminə keçib. O cümlədən
Tibb Universitetinin 3 fakültəsi kredit sistemi ilə
fəaliyyət göstərir. Universitetlərimizin Avropa
təhsil birliyinə inteqrasiyası sahəsində də
çox böyük işlər görülüb. Bu gün universitetlərimiz dünyanın
ən nüfuzlu ali məktəbləri birliklərinin üzvləridir.
Böyük qürur hissi ilə qeyd etmək istəyirəm ki, bu
illər ərzində Tibb Universiteti başqa beynəlxalq
qurumlarla bərabər, dünya ali təhsil müəssisələri
reyestrinə daxil olub. Bu, universitetimizin beynəlxalq miqyasda
tanınmasından, nüfuzundan xəbər verir. Ali məktəblərimizin nüfuzunun artması
sayəsində son illər universitetlərimizə xarici
vətəndaşların axını da artıbdır.
Təkcə Tibb Universitetində bu gün 17 ölkədən
gəlmiş 600-dən çox xarici vətəndaş
təhsil alır. Universitetlərimizin beynəlxalq
əlaqələri də genişlənib və bu
sahədə çox böyük işlər görülüb. İndi isə mən kitabda öz əksini
tapmış 2 sərəncam haqqında fikirlərimi
toplantı iştirakçılarına çatdırmaq
istərdim. Möhtərəm
Prezidentimiz 2007-ci il sentyabrın 11-də imzaladığı
sərəncamla Tibb Universitetinin fəaliyyətə başladığı
gündən arzusunda olduğu universitet klinikalarının
yaradılması barədə olan planı həyata keçirdi. 2007-ci il sentyabrın 18-də möhtərəm
Prezidentimiz özü bu tədris-terapevtik klinikasının
təməlqoyma mərasimində iştirak etdi. Artıq bu klinikada tikinti-quraşdırma işləri
tamamlanmaq üzrədir. 450 çarpayılıq bu tədris
klinikasında gələcəkdə universitetimizin
əsas terapevtik yönlü 17 kafedrası yerləşəcək.
Məhz bu qayğıya, diqqətə görə biz möhtərəm
Prezidentimizə öz təşəkkürümüzü bildiririk. Bu il martın 13-də möhtərəm
Prezidentimiz digər bir sərəncam imzaladı:
"Azərbaycan Tibb Universitetinin tədris
cərrahiyyə klinikasının yaradılması haqqında".
Bu sərəncamı həyata keçirmək üçün biz çox böyük
çətinliklərlə rastlaşdıq. Yer problemi var idi.
Səhiyyə Nazirliyi bu işdə bizə yaxından kömək
etdi. Bu gün Tibb Universitetinin 3 cərrahi profilli klinikasının
yerləşəcəyi binanın tikintisi uğurla davam
edir. Biz əminik ki, bu yaxınlarda bu klinika da
istifadəyə veriləcək. Universitetlərimizin məzunlarının
çox böyük müvəffəqiyyətləri var. Bu gün
universitet bitirən mütəxəssislərin tək
Azərbaycandan yox, dünyanın bir çox ölkələrindən
sorağı gəlir. Təkcə Tibb Universitetini
bitirən məzunların hər il 100-dən çoxu Amerikanın
və Avropanın inkişaf etmiş ölkələrində
imtahan verib diplomlarını təsdiq etdirir və yüksək
ixtisaslı mütəxəssis kimi fəaliyyət göstərirlər.
Bu da universitetlərimizdə olan inkişafdan xəbər
verir. Mən əminəm ki, təqdimatını
keçirdiyimiz kitab istər mətbuatımız,
istərsə də ictimaiyyət tərəfindən çox
yüksək dəyərləndiriləcək.
Nigar Cərulla qızı
(Bülbül adına Orta İxtisas Musiqi Məktəbinin
direktoru, professor): - Hörmətli xanımlar və cənablar! Hörmətli
təqdimat iştirakçıları! Təqdimatına toplaşdığımız
"Prezident İlham Əliyev və Azərbaycanda
təhsilin inkişafı - 2003-2008" kitabı sözün
həqiqi mənasında 5 illik siyasi ömrün sənədli
salnaməsidir. 692 səhifəlik salnamənin mən yalnız
bir neçə səhifəsinə diqqətinizi cəlb
etmək istəyirəm. 2006-cı ilin aprelin 17-də
Prezident İlham Əliyev "Xüsusi istedada malik olan uşaqların
(gənclərin) yaradıcılıq potensialının
inkişafı üzrə Dövlət Proqramı (2006-2010-cu
illər)"nın təsdiq edilməsi haqqında"
sərəncam imzalamışdır. 14 iyun 2007-ci il tarixli sərəncamı
ilə Azərbaycan üzrə musiqi sahəsində xüsusi
istedadı olan 11 gəncin adı "Qızıl
kitab"a yazılaraq onlar Prezidentin xüsusi təqaüdünə
layiq görülüblər. Bu uşaqlar Mehriban xanım Əliyeva
ilə Fransa və Amerikaya səfər etmiş, Ağ
evdə senatorların toplandığı məclisdə
çıxış edərək böyük müvəffəqiyyət
qazanmışlar. Mehriban xanımın məhz istedadlı
uşaqları özü ilə aparması təsadüfi deyildi. Sülhməramlı
birinci ledimiz məhz istedadlı uşaqların siyasi
xadimlərə təsvir vasitəsini psixoloq həssaslığı
ilə duymuşdur. Az sonra - 27 iyun 2007-ci il tarixli
sərəncamla Milli Konservatoriyanın nəzdində
İncəsənət gimnaziyasının daha 2 şagirdi
Prezidentin xüsusi təqaüdünə layiq görüldülər. Prezidentin 8 yanvar 2008-ci il tarixli
sərəncamı ilə daha 8 istedadlı uşaq və
bunların içərisində məktəbimizin 1 şagirdi
Prezident təqaüdünə layiq görülüb. 5 mart 2008-ci il tarixli sərəncamı
ilə Prezident "Muğam 2005" və "Muğam
2007" müsabiqəsi qaliblərini Prezident təqaüdünə
layiq görüb. Qeyd edim ki, Heydər Əliyev Fondunun prezidenti,
YUNESKO və İSESKO-nun xoşməramlı səfiri
Mehriban xanım Əliyevanın muğama verdiyi qiymət
bu gün bütün xalqımız tərəfindən yüksək
qiymətləndirilir. Elə bir televiziya verilişi,
elə bir sənətkar məclisi, elə bir toy-büsat
yoxdur ki, ora dəvət almış xanəndələr
bu məqamı, bu sayğını alqışlamasın.
Milli Konservatoriyanın nəzdində Musiqi
kolleci muğam məktəbinin beşiyidir, desəm yanılmaram.
Həmin sərəncamla təltif olunanlar arasında bu
təhsil ocağının 2 tələbəsi,
Azərbaycan Dövlət Mədəniyyət və İncəsənət
Universitetinin tələbəsi, Heydər Əliyev adına
Müasir təhsil kompleksinin şagirdi və digər
istedadların adları vardı. Nəhayət, istedadlı balalarımıza
verilən növbəti qiymət Prezidentin 31 iyul 2008-ci il
tarixli sərəncamında öz əksini tapdı. Sərəncamla 17 nəfər istedadlı
uşağa Prezidentin xüsusi təqaüdü təsis edildi. Dövlət Uşaq Filarmoniyası
nəzdində Uşaq Gənclər Simfonik Orkestri ilə
Bülbül adına Orta İxtisas Musiqi Məktəbinin Uşaq
Xor Kapellası Mehriban xanım Əliyeva ilə
"Azərbaycanın xoşməramlı
mələkləri" proqramı çərçivəsində
Avropanın 3 şəhərində - Paris, Strasburq və
Brüsseldə konsert proqramı ilə çıxış
etdilər. YUNESKO-da Azərbaycanı 112 istedadlı uşaq
təmsil edirdi. Onların 52-si məktəbimizin şagirdi
idi. Uşaqların səyahətdən aldıqları
təəssüratları söz ilə ifadə etmək qeyri-mümkündür.
Mehriban xanım uşaqlara bu səyahətdə Disney
Lendin bir gününü hədiyyə etmişdi. Bu günə kimi keçirilən
konsertlər haqda xoş təəssüratlı fikirlər dünyanın
müxtəlif yerlərindən ünvanımıza
səslənir və bizi şad edir. Azərbaycan Respublikasının
sülhməramlı siyasətini nümayiş etdirmək üçün
bu, ən təsirli vasitələrdən biri idi. Bu gün təqdimatına toplandığımız
"Prezident İlham Əliyev və Azərbaycanda
təhsilin inkişafı - 2003-2008" kitabı həm
ideya, həm məzmun, həm poliqrafik tərtibat, həm
estetik görüm baxımından, sözün həqiqi mənasında,
yüksək dəyəri olan bir kitabdır. Kitabda Prezident
İlham Əliyevin yalnız təhsil sahəsində
fəaliyyəti açıqlanmışdır. Mən bu
səhifələrin yalnız yeddisinə toxundum. Hər
sərəncamın, hər görüşün, Azərbaycanın
rayonlarına, kəndlərinə edilən
səfərlərin arxasında o bölgələrin abadlaşdırılması,
orada təhsil ocaqlarının tikilməsi, hər bir
təhsil ocağının maddi-texniki bazasının möhkəmlənməsi,
tədris-təhsil sistemində yeni metodlardan istifadə
edilməsi, əməkhaqlarının ilbəil artırılması
dayanır. Dövlət başçısının
Vətənə məhəbbəti, xalqına qayğısı
və bütövlükdə bu illər ərzində gördüyü
titanik əmək dayanır. Kitabın ərsəyə çıxarılmasında
zəhməti olan təhsil işçilərinə
minnətdarlığımızı bildirirəm.
Məhəbbət Vəliyeva (akademik
Zərifə Əliyeva adına məktəbin direktoru): - Hörmətli tədbir iştirakçıları,
əziz müəllimlər! Bu gün bu möhtəşəm salonda yeni
dərs ili ərəfəsində çox əlamətdar
hadisə ilə əlaqədar - dövlətimizin başçısının
son 5 il ərzində təhsil sahəsində həyata keçirdiyi
uğurlu siyasətin nəticələrini özündə
əks etdirən, ölkənin təhsil tarixində özünəməxsus
yeri olacaq bir kitabın təqdimat mərasiminə yığışmışıq. ölkə ictimaiyyətinə təqdim olunan
bu kitabla tanış olduqca dövlət başçımızın
təhsilin forma və məzmununa yeni yanaşma mövqeyini
və bunun nəticəsində təhsilin dünyanın
qabaqcıl ölkələrinin təhsil
səviyyəsinə yüksəldilməsinə böyük
diqqət və qayğı göstərdiyini, təhsili dövlət
siyasətinin əsas prioritetlərindən biri kimi daim
diqqətdə saxladığını görürük. 2008-ci il aprelin 28-i görkəmli oftalmoloq alim,
nəcib insan Zərifə xanım Əliyevanın anadan
olmasının 85 illik yubileyi kimi yadda qaldı. Həmin gün
Zərifə xanımın adını daşıyan yeni
məktəbin açılış mərasimi oldu.
Məktəbin açılışında cənab Prezidentin
şəxsən iştirak etməsi təbii ki, bizi ürəkdən
sevindirdi. 840 şagird yerlik bu məktəbdə
Azərbaycan və rus bölmələri üzrə IX-XI sinif
şagirdlərinin yüksək səviyyəli təhsil
almaları üçün müasir standartlara cavab verən ən
zəruri şərait yaradılmışdır. Məktəbimizdə "Elektron
məktəb" layihəsinin tətbiq edilməsi çevik
idarəetməyə, valideyn-məktəb
əlaqələrinin möhkəmləndirilməsinə,
məktəblərarası elektron əlaqələrin genişləndirilməsinə
və ümumilikdə şagirdlərin davamiyyəti və
nailiyyətləri haqqında dərhal məlumat almaq
üçün zəmin yaradır. Bu kitabın səhifələrində
Prezidentin müxtəlif tədbirlərdə söylədiyi çox
dəyərli fikirlər var. İnkişafın
istənilən sahəsinə aid olan çıxışlarında
cənab Prezident maddi dəyərlərin insan kapitalına
çevrilməsinin vacibliyini dönə-dönə vurğlayır.
Kitabda son illər ərzində şərəfli
əməyi dövlətimiz tərəfindən yüksək
qiymətləndirilərək orden, medal, fəxri adlar almış
təhsil işçilərinin siyahısı da təqdim
edilmişdir. Bu prosesin davamı kimi müəllimlərin
əməkhaqqının artırılması dövlət
başçısının təhsil sahəsində çalışan
insanlara göstərdiyi qayğıdır. Aygün Məcidova
(Bakı Avropa Liseyinin direktor müavini): - Hörmətli xanımlar və cənablar! Qeyd etmək istərdim ki, bu gün mənim
həyatımda əlamətdar bir gündür. Möhtəşəm
bir kitabın təqdimatında çıxış etmək
mənə nəsib olmuş və göstərilən bu
etimadı mən şərəflə gələcək
fəaliyyətimdə doğrultmağa söz verirəm. "Prezident İlham Əliyev və
Azərbaycanda təhsilin inkişafı - 2003-2008" adlı
bu kitabı vərəqləyərkən, kiçik bir zaman müddətində
- 5 il ərzində təhsilimizdə baş verən böyük
dəyişikliklərə görə qürur hissi duydum. Kitabda
Azərbaycanın dövlət başçısı cənab
İlham Əliyevin 2003-2008-ci illərdə təhsillə
bağlı tədbirlərdə iştirakı, çıxışları
və nitqləri, fərman və sərəncamları
xronoloji ardıcıllıqla verilmişdir. 5 il əvvələ nəzər salaq.
Təhsildə gedən böyük dəyişiklikləri öncədən
həyata keçirən Bakı Avropa Liseyi (BAL) yenə də
novator məktəb kimi öz axtarışlarını davam
etdirir. Təhsildə başlayan irimiqyaslı islahat addımları
da liseyin elmi və pedaqoji fəaliyyətində bir sıcrayış
yaratdı. Daima müəllimlərin maddi rifahını yüksəltmək
naminə atılan addımlar onları yeni
nailiyyətlər axtarışında olmağa,
təhsilin keyfiyyətini yüksəltməyə ruhlandırdı. "ümumi təhsil sitsemində dərslik
siyasəti" təsdiq edildi. BAL müəllimləri
dərsliklərin hazırlanmasında iştirak etdi,
dərsliklərin qiymətləndirilməsi şurasına
üzv seçildilər, müəllimlərimiz tərəfindən
didaktik materiallar, dərs vəsaitləri və
məqalələr dərc olundu. I siniflər üçün hazırlanmış
"Ana dili" dərsliyinin, müəllim üçün metodik
vəsaitin və iş dəftərinin müəlliflərindən
oldular. Böyük fəxrlə qeyd edim ki, mən özüm də bu
dərsliklərin hazırlanmasında yaxından iştirak
edərək yeni tipli "Ana dili" dərsliyinin müəlliflərindən
biriyəm. Qeyd etmək istəyirəm ki, bu gün
təqdim olunan "Prezident İlham Əliyev və
Azərbaycanda təhsilin inkişafı - 2003-2008" adlı
kitab Azərbaycan təhsil sisteminin 2003-2008-ci illər
ərzində dinamik inkişafını, möhtərəm
Prezidentimiz İlham Əliyevin təhsilə göstərdiyi
böyük qayğısını əks etdirən sanballı
nəşrdir.
Misir Mərdanov (Azərbaycan Respublikasının
təhsil naziri): - Hörmətli mərasim iştirakçıları.
Mən, ilk növbədə, bu mərasimdə iştirak
edənlərin hər birinə dəvətimizi qəbul
edib gəldiklərinə görə minnətdarlığımı
bildirirəm. Bu gün bu salonda hörmətli millət
vəkilləri, ali məktəb rektorları, dövlət
adamları, iş adamları, müəllimlər iştirak
edir. Yeni dərs ilinin başlanğıcında belə
bir kitabın çap olunmasına görə mən də sevinc
hissi keçirirəm. Daha çox ona görə sevinirəm ki, bu gün
bəlkə də Azərbaycanın tarixində yeganə
hadisələrdən biridir ki, uşaq bağçasının
tərbiyəçisi və ya ibtidai sinif müəllimi
nazirlə, parlament sədrinin müavini, deputatlarla bir
yerdə oturur, onlarla eyni kürsüdə çıxış
edirlər. Mənə belə gəlir ki, bu, Azərbaycan
cəmiyyətinin əldə etdiyi ən böyük
nailiyyətdir. Etiraf edək ki, belə hallar bizim
cəmiyyətimizdə əvvəllər çox az olub. Bu gün
Azərbaycanın ibtidai sinif müəllimi "Gülüstan"
sarayının tribunasına çıxıb deyir ki, mən
Azərbaycan məktəbliləri üçün bu il çap olunmuş
"Ana dili" dərsliyinin müəllifiyəm. Bu, doğrudan
da çox sevindirici və çox böyük hadisədir. Mən düşünürəm
ki, bu hadisələrin hamısı üçün biz, ilk növbədə,
ulu öndərimiz Heydər Əliyevin müqəddəs ruhu qarşısında
borcluyuq. Bizim hər birimiz üçün bu şəraiti məhz
Heydər Əliyev yaradıb. Son illərin Azərbaycan həyatının
ən böyük uğuru, mənim fikrimcə, bütün prioritet
sahələr üzrə problemlərin həll olunması
üçün elmi cəhətdən əsaslandırılmış
dövlət proqramlarının hazırlanması və dövlət
büdcəsindən ayrılmış vəsait hesabına
həyata keçirilməsidir. Bütün sahələrdə indi çoxsaylı
belə proqramlar hazırlanır və yerinə yetirilir.
Təhsil sahəsində 14 dövlət proqramı hazırlanaraq
təsdiq olunub, hər proqram üzrə icra planı
tərtib olunub. Bu proqramlar yerinə yetirilməkdədir.
Gələcəkdə də belə layihələr hazırlanacaqdır. Bu cür proqramların hazırlanması ideyasını
ulu öndərimiz Heydər Əliyev 2002-ci ildə irəli sürmüş,
onun rəhbərliyi altında həmin ildən təhsilin
prioritet sahələrinin inkişafı üzrə proqramlar
hazırlanmağa başlanmışdır. Bu gün dövlət
başçımız, hörmətli cənab İlham Əliyev
o siyasəti uğurla davam etdirir. Lakin bunlar bizi arxayınlaşdırmamalıdır.
Qarşıda bizi daha ciddi, daha məsuliyyətli işlər
gözləyir. Mən düşünürəm ki, bütövlükdə
Azərbaycan ictimaiyyəti, Azərbaycanın təhsil işçiləri
Prezidentimizin inkişafyönümlü siyasətinin həyata keçirilməsində
yaxından iştirak etməlidirlər. Sonda nəhayət, bir məqamı da
diqqətə çatdırmaq istəyirəm. Son 5 ilin
ərzində Azərbaycan siyasi cəhətdən dünyanın
ən stabil ölkələrindən birinə çevrilmiş,
iqtisadi inkişaf tempinə görə ən qabaqcıl ölkələrin
sırasına çıxmışdır. Dünyanın ən
nüfuzlu maliyyə qurumu Dünya Bankı Azərbaycanda
gedən islahatları yüksək qiymətləndirir. Son 5
il ərzində Azərbaycan çox inkişaf edib. Burada
həmin inkişafı əks etdirən
rəqəmlər sadalandı. Mən onları təkrar
etmək istəmirəm. Təkcə onu qeyd edim ki, dövlətin
büdcəsi bu illər ərzində 10 dəfədən çox
artıbdır. Mən əminəm ki, qarşıdan
gələn 5 il Azərbaycanımız üçün, bizim hər
birimiz və övladlarımız üçün daha uğurlu olacaqdır. Bu kitabı tərtib etməkdə bizim
məqsədimizdən biri də bu idi ki, Azərbaycan
cəmiyyətinin diqqətini təhsilimizə yönəldək.
Mənə belə gəlir ki, son 5 ilin ən uğurlu
nəticələrindən biri ondan ibarətdir ki,
təhsil Azərbaycanın hər bir vətəndaşının
diqqət mərkəzində duran bir sahəyə çevrilib.
Bu gün bu salonda 500-dən çox insanın iştirakı da
məhz bunu təsdiq edir. Hazırladı: Yusif ƏLİYEV |