|
|
· Ana səhifə· Rəsmi· Heydər Əliyev Fondu· Əmrlər, sərəncamlar· Təhsil Nazirliyində· Xəbərlər· Pedaqoji yazılar· Məktəblərimiz· Bizimlə əlaqə
|
Məqsədə aparan düzgün yol: İdeya, məzmun və formanın vəhdəti ümummilli liderimiz Heydər Əliyevin
əsasını qoyduğu milli təhsil strategiyası
cənab Prezidentimiz İlham Əliyevin cəmiyyətin bütün
sahələrini əhatə edən uğurlu siyasəti
nəticəsində öz bəhrəsini verməkdədir.
Hər il respublikamızın müxtəlif bölgələrində
istifadəyə verilən yüzlərlə məktəb
binalarının, əslində müasir təhsil
komplekslərinin, məktəblərdə quraşdırılan
kompüterlərin, Heydər Əliyev Fondunun çox lazımlı
hədiyyəsi olan yeni tədris avadanlıqlarının
və əyani vəsaitlərinin millətimizin
gələcək inkişafındakı önəmli rolu
şəksizdir. Bu böyük şərəfə layiq görülən,
xoşbəxt anlar yaşayan kollektivlərdən biri
də Masallı şəhərindəki
"Dəfinə" məktəb-liseyi olmuşdur.
Məhz bu ilin oktyabrında möhtərəm Prezidentimizin
məktəbimizdə olması, dahiyanə
məsləhətləri və təklifləri
kollektivimizin, bütövlükdə rayonumuzun bütün təhsil işçilərinin
fəaliyyət kredosuna çevrilmişdir. Biz həmçinin Təhsil Nazirliyinin son
illər ərzində Azərbaycan təhsilinin
beynəlxalq təhsil sisteminə inteqrasiyası yolunda böyük
işlər gördüyünün şahidiyik. İlk öncə yeni
dərsliklərin yaradılmasını milli pedaqogikamızın
ən böyük nailiyyəti kimi qeyd etmək istəyirik.
Sistematikliyi, elmi-məntiqi əsasları, uğurlu metodik
yanaşmaları, illüstrativ və didaktiv materialların,
qiymətləndirmələrin bolluğu ilə müəllimlərimizin
rəğbətini qazanan dərsliklərimiz şübhəsiz
ki, Azərbaycan təhsilinin nailiyyətlərindən başlıcası
kimi qəbul olunmalıdır. Yeni dərs ilindən I siniflərdə
fənn kurrikulumlarına keçidlə əlaqədar yeni
dərsliklərin yaradılması bu sahədə
hələlik ilk addım kimi diqqətimizi cəlb etdi.
Fikrimiz heç də kimisə müdafiə etmək, yaxud da lazım
oldu olmadı iradlarımızı bildirmək deyil,
məqsədimiz ümumiyyətlə, orta məktəbin
riyaziyyat dərslikləri barədə silsilə yazılar
hazırlamaqdır. Bu zaman fikirlərimiz subyektiv qəbul
olunsa da, hər halda çoxillik təcrübəmizə
əsaslanmağa çalışacağıq. N.Qəhrəmanova və C.Əsgərovanın
müəllifi olduqdları ümumtəhsil
məktəblərinin 1-ci sinfi üçün "Riyaziyyat-1"
dərsliyini ideya, məzmun və formanın vəhdəti
baxımından qarşıya qoyulan
məqsədlərə doğru aparan düzgün yol kimi
qəbul edirik. Mövzuların əhatə dairəsi geniş
olmaqla məzmunlu və yığcamdır. Görünür, müəlliflər
apardıqları eksperimentlərin nəticələrini
nəzərə almaqla şərhə və oxunaqlığa
ciddi fikir vermişlər. Uşaqlar və onları
əhatə edən aləmdə riyaziyyatın rolu, əşya
və onun yeri, müqayisə, qarşılaşdırma müqayisəsi
şagirdləri yorulmadan, məntiqi düşüncələrinin
inkişafı fonunda lazımlı anlayışları
mənimsəmələrinə xidmət edir. Şagirdlər
hiss edirlər ki, bu müşahidə etdiklərinin və
duyduqlarının riyaziyyatda
ekvivalentləri-ədədlər var. Ədədlərə
harada rast gəlirsən? Ədədlər nəyi bildirir
- kimi dolğun illüstrativ materialla təmin olunmuş sualların
qoyuluşu uğurlu tapıntıdır. Əslində
demək olar ki, mövzuların hamısında
fənlərarası əlaqə gözlənilmişdir.
Bacarıq və vərdişlərin eyni xarakterli tapşırıqlar
və şəkillər üzərində iş şəklində
inkişafı və möhkəmlənməsi düzgün
həllini tapmışdır. Şagirdlər
rəqəmləri mənimsəmiş, əqli və
məntiqi analogiyaları tapmaqı bacardıqlarından
artıq tətbiq etməyə vadar edilmişdir.
Dərsliyin 23-cü səhifəsində test nümunələrinin
verilməsi də yaxşı haldır. Dövlət
rəmzlərindən və atributlarından
məqsədli istifadə, ədəd ağacı,
ədəd evi anlayışlarının daxil edilməsi
şagirdlər üçün maraqlı və yaradıcı ola
bilər. Səhifə 29-da tək və cüt
ədədlər anlayışının əyaniləşməsi,
tək və cüt ədədlərin illüstrativ izahı
ustalıqla verilmişdir. Həmin səhifədə, 3-cü
çalışmada əvvəlki biliklərin tətbiqinin
tələb olunması şagirdlərin praktik
biliklərinə inamlarının tərbiyə olunması
üçün yaxşı addımdır. Ədədlərin müqayisəsi,
müqayisə işarələri (>, <, =) görmə
və düşüncənin əlaqəli fəaliyyəti
ilə tamamlanır. Bu zaman ədədlərin müqayisəsində
münasibət işarələrinin tətbiqi əsaslandırılmışdır. Sıra sayları mövzusunda əyani
biliklərin ümumiləşdirilib daha məntiqi
nəticələr çıxarılması çalışma 2
və çalışma 3-də nəzərə alınmışdır.
Əks əlaqənin mühümlüyü, fiqurların onların sıradakı
uyğun yerlərinə müvafiq ədədlərə qarşı
qoyulması birölçülü massivlərin emalı kimi çox mühüm
praktik riyaziyyatın kiçikyaşlı uşaqlar üçün uğurlu
həllidir. Həmin səhifədə çalışma
3-də həndəsi fiqurların onların yerləşmə
yerlərinə qarşı qoyulması həm də
həndəsi fiqurların forma və adlarını şagirdlərə
mənimsədir. çalışma 4-də şagirdlərdə
fiqurların ölçülərinə görə
fərqləndirmə bacarıqları formalaşdırılır.
ümumiləşdirici tapşırıqlar kimi çöplərin
köməyi ilə məntiqi nəticə çıxarma,
istiqamətin dərketməyə təsiri,
təsvirlərə uyğun ədədlərin tapılması,
rənglərinə uyğun olaraq fiqurların saylarının
müqayisəsi dəqiq verilmişdir. çalışma 5-də
verilən şərtlər daxilində məntiqi
nəticə çıxarma ilə düzgün cavabın tapılması
əhəmiyyətlidir. Dərslikdə ədədin və onun
tərkib hissələrinin modelinin qurulması şagirdlərdə
ümumiləşdirmə bacarıqlarını formalaşdırır.
Məntiqi ardıcıllıqda növbəti addımın
fərqlənməsi, eyni bucaq qədər dönmə anlayışlarının
daxil edilməsi, fikrimizcə, ibtidai sinifdə önəmli
məsələlərdir. Toplama əməlinin müxtəlif
təsvirlərin, fiqurların, onun elementlərinin köməyi
ilə verilməsi sıfrın, sıfırla toplamanın
daxil edilməsi maraqlıdır. Əlaqələndirmələrdə
sıfır anlayışının ədədi
dildəki söz ekvivalentlərindən istifadə ustalıqla
həllini tapmışdır. Uyğunluq və
bərabərlik anlayışları arasındakı
əlavə, əvvəl, sonra, qarşı, arxa anlayışlarının
uğurlu riyazi modeli şagirdlər üçün sadə və başadüşüləndir. Həmçinin müstəqil işlərin çoxluğu,
mümkün variantların seçilməsi və artıq halların
tapılmasına gətirilən tapşırıqların
bolluğu müəlliflərin metodik tapıntılarıdır. Dərsliyin son iki bölümündəki (Pullarımız,
Vaxt, Qrafiki məlumat, Ehtimal, Təqvim) zənginliyi ilə
düşündürücü, inkişafetdirici və
tərbiyəedicidir. Təbii ki, ilk addım kimi haqqında
bəhs etdiyimiz dərslikdə cüzi qüsurlar da vardır. Şübhəsiz ki, müəlliflər onları gələcək nəşrlərdə nəzərə alacaqlar.
|