|
|
· Ana səhifə· Rəsmi· Heydər Əliyev Fondu· Əmrlər, sərəncamlar· Təhsil Nazirliyində· Xəbərlər· Pedaqoji yazılar· Məktəblərimiz· Bizimlə əlaqə
|
Məktəblilər arasında kompüter layihələri üzrə "Gənc kompüter istedadları" respublika müsabiqəsinin Əsasnaməsinin təsdiqi haqqında Azərbaycan Respublikası təhsil nazirinin əmri "2008-2012-ci illərdə Azərbaycan
Respublikasında təhsil sisteminin informasiyalaşdırılması
üzrə Dövlət Proqramı"nın həyata keçirilməsinin
səmərəliliyini artırmaq, yeni informasiya
texnologiyalarının təhsil prosesinə tətbiqi işini
aktivləşdirmək, şagird və müəllimləri
İKT-nin geniş tətbiq olunması işinə
cəlb etmək, eləcə də istedadlı
gənclərin yaradıcılıq potensialını inkişaf
etdirmək məqsədilə ƏMR EDİRƏM: 1. Məktəblilər arasında kompüter
layihələri üzrə "Gənc kompüter istedadları"
respublika müsabiqəsinin Əsasnaməsi təsdiq edilsin (Əsasnamə
əlavə olunur). 2. TİMS şöbəsi (İ.Sadıqov)
hər il Əsasnamədə nəzərdə tutulmuş
tədbirlərin vaxtında və lazımi
səviyyədə həyata keçirilməsini təmin etsin,
zəruri məsələlərin həlli ilə bağlı
təkliflər hazırlasın. 3. İctimaiyyətlə əlaqə
şöbəsi (B.Hüseynzadə) bu əmrin
əlavələrlə birlikdə "Azərbaycan müəllimi"
qəzetində, "Təhsil xəbərləri"
məcmuəsində dərc olunmasını təmin
etsin. 4. Əmrin icrasına nəzarəti
öz üzərimə götürürəm. Misir MƏRDANOV, Azərbaycan Respublikasının
təhsil naziri 22 dekabr 2008-ci il Məktəblilər arasında kompüter layihələri üzrə "Gənc kompüter istedadları" respublika müsabiqəsinin
ƏSASNAMƏSİ
1.
Müsabiqənin
rəsmi adı Məktəblilər arasında kompüter
layihələri üzrə "Gənc kompüter istedadları"
respublika müsabiqəsi. 2.
Müsabiqənin
məqsədləri Kompüter layihələri müsabiqəsinin
əsas məqsədləri aşağıdakılardır: İnformasiya texnologiyalarının
(proqramlaşdırma, Veb-dizayn, multimedia) tətbiqi
sahəsində istedadlı uşaq və gənclərin aşkara
çıxarılması; *
gənclərin kompüter (informasiya) texnologiyalarına
yiyələnməsi; *
gənclərin yaradıcılıq qabiliyyətinin
inkişafı; *
istedadlı uşaqlarla işin forma və üsullarının
təkmilləşdirilməsi; *
tədris prosesində İKT-nin tətbiqi. 3.
Müsabiqənin
keçirilmə vaxtı Müsabiqə hər ilin mart-aprel aylarında
keçirilir. 4.
Müsabiqənin
təşkilatçıları Müsabiqənin təşkilatçısı
Azərbaycan Respublikasının Təhsil Nazirliyidir.
Təşkilatçılar sırasına digər dövlət,
qeyri-hökumət qurumları və özəl şirkətlər
də daxil edilə bilər. 5.
Müsabiqənin
Münsiflər Heyəti *
Müsabiqənin Münsiflər Heyəti kompüter
texnologiyaları və kompüter qrafikası
sahələrində nüfuzlu mütəxəssislərdən,
mədəniyyət və incəsənət
xadimlərindən, qanunverici və icra hakimiyyəti
orqanlarının nümayəndələrindən
ibarətdir. *
Müsabiqənin Münsiflər Heyətinin tərkibini müsabiqənin
Təşkilat Komitəsi təsdiq edir. 6.
Müsabiqənin
məzmunu 6.1. Kompüter layihələri müsabiqəsinə
şagirdlər tərəfindən dərs və
dərsdənkənar vaxtda hazırlanmış
layihələr qəbul olunur. Bir məktəbdən
3-dən artıq layihə qəbul edilmir. Layihələr
həm ayrıca şagird tərəfindən, həm
də müəllimin rəhbərliyi ilə şagird
kollektivi tərəfindən hazırlana bilər. Müsabiqə aşağıdakı
nominasiyalar üzrə aparılır: 1. Təqdimatlar 2. Veb-saytlar a) Məktəbin rəsmi saytı b) Şagirdlərin sərbəst mövzu üzrə
hazırladığı saytlar 3. Kompüter proqramları a) öyrədici proqramlar b) Oyun proqramları c) İnformasiya proqramları 4. öyrədici layihələr 5. Kompüter animasiyası 6.2. Təqdimatlar müsabiqəsi 2 (iki) turda keçirilir: Birinci tur - Ev tapşırığı.
Sərbəst mövzular üzrə təqdimatlar təqdim
olunur. Ev tapşırıqlarını yoxladıqdan sonra
müsabiqənin Münsiflər Heyəti ən yaxşı işləri
seçir və onların müəllifləri ikinci əyani turda
iştirak edir. İkinci tur - Proqram. Qabaqcadan müəyyən
edilmiş mövzular üzrə verilən iki mövzudan birinin 2
saat ərzində təqdimatı hazırlanır. Münsiflər
Heyəti təqdimatların mövzusunu müsabiqə
ərəfəsində püşkatma yolu ilə müəyyən
edir. 6.3. Veb-saytlar, kompüter proqramları, öyrədici
layihələr və kompüter animasiyaları müsabiqələri
də 2 turda keçirilir: Birinci tur. Ev tapşırıqları
təqdim olunur və onlar arasında seçim aparılır. İkinci tur. Seçilmiş işlərin müdafiəsi
keçirilir. 6.4. Müsabiqənin finalında müsabiqənin
Münsiflər Heyəti tərəfindən seçilmiş
ən yaxşı işlər iştirak edir. Hər bir nominasiya üzrə 1 (bir) I
dərəcəli diplom, 2 (iki) II dərəcəli diplom
və 3 (üç) III dərəcəli diplom verilir. Bundan
əlavə, aşağıdakı
həvəsləndirici diplomlar təqdim edilir: *
Ən gənc iştirakçıya; *
Ən yaxşı dizayna; *
Ən orijinal layihəyə. 7.
Müsabiqənin
mərhələləri Müsabiqə üç mərhələdən
ibarətdir: 1. Müsabiqədə iştirak üçün
ərizə və işlərin qəbulu. 2. Ən
yaxşı layihələrin seçilməsi üzrə Münsiflər
Heyətinin işi. 3. Müsabiqənin
finalı. Qaliblərin mükafatlandırılması. 8.
Layihələrə
qoyulan tələblər Layihələr aşağıdakı
tələblərə cavab verməlidir: 1.
Layihələr Windows 2000/XP əməliyyat sistemli
fərdi kompüterdə baxılmaq üçün yararlı olmalı
və Təşkilat Komitəsinə CD-lərdə
təqdim edilməlidir. 2.
Qeyri-standart (UNİCODE olmayan) şriftlərdən
istifadə olunduqda onlar layihə ilə birlikdə
"Fonts" qovluğunda təqdim edilməlidir. 3.
Müsabiqə layihələrinə "Source" qovluğunda
bütün mənbə faylları mütləq əlavə olunmalıdır. 4.
Layihə elan edilmiş nominasiyaya uyğun gəlmirsə,
Münsiflər Heyəti üzvləri ərizəçini
xəbərdar etməklə layihənin nominasiyasını
dəyişə, yaxud qeydiyyatından imtina edə
bilər. 5.
Müsabiqənin Təşkilat Komitəsi bu Əsasnamənin
tələblərinə cavab verməyən
layihələri qeydiyyata almaqdan imtina edə bilər.
Qeydiyyatdan imtina şərh edilmir.
9.
Ərizələrin
qeydə alınması 1. Müsabiqədə iştirak ərizəsi
və layihənin qısa məzmunu müsabiqənin elektron
poçt ünvanına göndərilir. 2. İddiaçılar sırasından iştirakçıların
seçimi Münsiflər Heyəti tərəfindən saytda
yerləşdirilmiş qəbul edilmiş formaya uyğun
tərtib edilmiş ərizə əsasında aparılır. 3. Müsabiqədə iştirak üçün
ərizə 1 mart tarixindən gec olmayaraq təqdim
edilməlidir. Ərizə formasının bütün boş
yerləri doldurulmalıdır. Qeydiyyatdan sonra
ərizədə göstərilən ünvana qəbulun
təsdiqi barədə bildiriş göndərilir. 10.
Layihələrin
qiymətləndirilməsi qaydası *
Müsabiqə iştirakçılarının
ərizələri Əsasnamənin şərtlərinə
və nominasiyanın tələblərinə uyğunluq
baxımından müsabiqənin Münsiflər Heyəti
tərəfindən qiymətləndirilir. Bundan sonra müsabiqə
iştirakçılarının siyahısı, təqdim
edilmiş işlərin təsviri və qeydiyyat tarixi
ilə birlikdə müsabiqənin saytında dərc edilir. *
Münsiflər Heyəti səsvermə yolu ilə finalçıları
müəyyən edir. *
Müsabiqənin final mərhələsində müsabiqə
iştirakçıları öz layihələrini proyektorla nümayiş
etdirərək müdafiə edirlər. *
Münsiflər Heyəti layihəni 10 ballıq
sistemlə qiymətləndirir. 11.
Layihələrin
qiymətləndirmə meyarları *
Müsabiqəyə təqdim edilmiş layihələr
nominasiyalar üzrə qruplaşdırılır. Hər bir
nominasiya üzrə qiymətləndirmə meyarları müəyyən
edilir. Bu meyarlarla müsabiqənin saytında tanış
olmaq olar. *
Münsiflər Heyəti müsabiqənin xüsusi laureatlarını
(qiymətləndirmə meyarlarını nəzərə
almadan əlahiddə nailiyyətlərlə seçilən
layihələri) elan edə bilər. 12.
Mükafatlandırma Laureatların mükafatlandırılması müsabiqənin
final tədbirləri zamanı baş verəcək. Müsabiqənin
laureatları təşkilatçıların və sponsorların
qiymətli mükafatlarını alırlar. 13.
Təşkilat
Komitəsi Müsabiqənin hazırlanmasına
rəhbərliyi Təşkilat Komitəsi edir. Təşkilat
Komitəsi müsabiqənin proqramını, rəsmi Münsiflər
Heyəti tərkibini, müsabiqənin nəticələri
barədə hesabatı təsdiq edir. 14.
Maliyyələşdirmə Bütün dövlət, kommersiya və ictimai
qurumlar öz mükafatlarını təsis edə və müsabiqənin
təşkil edilməsi və keçirilməsində iştirak
edə bilər. Uşaq və yeniyetmələrin elmi-texniki yaradıcılıq müsabiqəsinin keçirilməsi barədə Azərbaycan Respublikası təhsil nazirinin əmri Uşaq və yeniyetmələrin elmi-texniki
potensialının üzə çıxarılması, onların
yaradıcılığının inkişaf
etdirilməsi üçün stimulların yaradılması və
onlar arasında təcrübə
mübadiləsinin təşkil olunması
məqsədilə ƏMR EDİRƏM: 1.
2008-2009-cu
dərs ilində uşaq və yeniyetmələrin
elmi-texniki yaradıcılıq müsabiqəsi keçirilsin. 2.
Müsabiqənin
Əsasnaməsi və Təşkilat Komitəsinin
tərkibi təsdiq olunsun (əlavə olunur). 3.
Naxçıvan
MR təhsil naziri, Təhsil Nazirliyinin Bakı Şəhəri
üzrə Təhsil İdarəsi,
Gəncə Şəhər Təhsil İdarəsi, rayon,
şəhər təhsil şöbələrinin müdirləri
müsabiqənin yüksək səviyyədə təşkili
üçün müvafiq tədbirlər hazırlayıb həyata keçirsinlər. 4.
Tərbiyə
və məktəbdənkənar müəssisələrlə
iş şöbəsi (A.İbrahimov), Respublika Texniki Yaradıcılıq
Mərkəzi (Q.Əliyev) müsabiqənin yerlərdə
təşkili və keçirilməsinə əməli köməklik
göstərsinlər. 5.
İqtisadiyyat
şöbəsi (H.Zeynalov) müsabiqənin keçirilməsi
ilə əlaqədar tələb olunan xərclərin
nazirliyin mərkəzləşdirilmiş
vəsaitlərinin xərclər
smetasından ödənilməsini təmin etsin və bu
vəsaitin xərclənməsi üçün xərclər smetası
hazırlayıb təsdiq üçün nazirliyin
rəhbərliyinə təqdim etsin. 6.
Zona
və respublika mərhələlərində iştirak
edən məktəblilərin və onların
rəhbərlərinin ezamiyyə xərcləri rayon,
şəhər təhsil şöbələri
tərəfindən ödənilsin. 7.
Zonalar
üzrə müsabiqənin təşkili və keçirilməsinə
əməli köməklik göstərilməsi
məqsədilə yerlərə ezam olunmuş
əməkdaşların ezamiyyə xərcləri bu
məqsədlə təsdiq olunmuş xərclər smetasından
ödənilsin. 8.
ümumi
şöbə (İ.Mirzəyev) əmr və
əlavələrin çoxaldılıb yerlərə göndərilməsini
təmin etsin. 9.
İctimaiyyətlə
əlaqə şöbəsi (B.Hüseynzadə) əmr və
Əsasnamənin "Azərbaycan müəllimi"
qəzetində dərc olunmasını təmin etsin. 10.
Əmrin
icrasına nəzarət nazir müavini E.Qasımova tapşırılsın. Misir MƏRDANOV, Azərbaycan Respublikasının
təhsil naziri 29 dekabr 2008-ci il Ali və orta ixtisas təhsili müəssisələrində 2008-2009-cu tədris ilinin qış imtahan sessiyasının təşkili və keçirilməsi barədə Azərbaycan Respublikası təhsil nazirinin əmri Ali və orta ixtisas təhsili müəssisələrində
2008-2009-cu tədris ilinin qış imtahan sessiyasında
tələbələrin biliyinin
qiymətləndirilməsində şəffaflığı
və obyektivliyi təmin etmək, yarana biləcək
neqativ halları dərhal aradan qaldırmaq və digər
müvafiq tədbirləri həyata keçirmək
məqsədilə ƏMR EDİRƏM: 1.
Təhsil
Nazirliyinin "Qaynar xətt"in fəaliyyət göstərdiyi
nəzərə alınsın (Tel.: 496-37-61, 496-34-82,
e-mail: qaynar xətt @edu.göv.az). 2.
Təhsil
Nazirliyinin Aparatının rəhbərinə (İ.Pirməmmədov)
və Ali və orta iixtisas təhsili şöbəsinə (İ.Mustafayev)
tapşırılsın: - təhsil müəssisələrində baş
vermiş neqativ hallarla bağlı daxil olan məlumatları
operativ araşdırsınlar və onların yol
verilməsində günahı olan şəxslər
barədə tədbir görmək üçün təkliflər
versinlər; - sessiyanın monitorinqinin keçirilməsini
təşkil etsinlər, nəticələri təhlil edib
müvafiq hesabatı müzakirəyə təqdim etsinlər. 3.
Ali
və orta ixtisas təhsili müəssisələrinin
rəhbərləri: - 2008-2009-cu tədris ilinin qış imtahan
sessiyasının mövcud normativ sənədlər əsasında
təşkil olunmasını təmin etsinlər; - rəhbərlik etdikləri təhsil müəssisələrində
imtahan qərargahı yaratsınlar; - imtahan sessiyasında şəffaflığın
artırılmasını, ictimai nəzarətin gücləndirilməsini
təmin etsinlər; - qərargahın fəaliyyəti
barədə ictimaiyyətin mütəmadi olaraq məlumatlandırılmasını
təmin etsinlər; - imtahanların gedişində neqativ hallara
yol vermiş şəxslərə qarşı mövcud
qanunvericiliyə uyğun tədbirlər görsünlər; - qərargahın fəaliyyəti, daxil olan
şikayətlər barədə nazirliyin "Qaynar
xətt"inə gündəlik məlumat təqdim olunmasını
təmin etsinlər; - nəzərə alınsın ki, ali
və orta ixtisas təhsili müəssisəsində baş
verə biləcək hər bir neqativ hala görə
məsuliyyət daşıyırlar: - qış imtahan sessiyasının təşkili,
keçirilməsi və nəticələri barədə
fevral ayının sonunadək Təhsil Nazirliyinə
məlumat versinlər. 4.
Nazirliyin
İctimaiyyətlə əlaqə şöbəsi (B.Hüseynzadə)
"Qaynar xətt"in fəaliyyəti barədə KİV-ə
müntəzəm olaraq məlumat verilməsini təmin etsin. 5.
Əmr
"Azərbaycan müəllimi" qəzetində dərc
edilsin. 6.
Əmrin
icrasına nəzarəti öz üzərimə götürürəm. Misir MƏRDANOV, Azərbaycan Respublikasının
təhsil naziri 29 dekabr 2008-ci il Təhsil Nazirliyinin 07.11.2008-ci il tarixli, 111 nömrəli kollegiya qərarının icrası barədə Azərbaycan Respublikası təhsil nazirinin əmri Əsası ümummilli liderimiz Heydər Əliyev
tərəfindən qoyulmuş və bu gün Prezident İlham
Əliyev tərəfindən uğurla həyata keçirilən
siyasət nəticəsində ölkəmizdə siyasi
stabilliyin və iqtisadiyyatın dinamik inkişafının
bərqərar olması bütün sahələrdə olduğu
kimi, təhsil sahəsində də ciddi irəliləyişlərə
səbəb olmuşdur. Son illər ölkəmizin ümumi təhsil
sistemində islahatlar həyata keçirilir. Bu islahatların
əsas məqsədi cəmiyyətin ehtiyac və
tələbləri nəzərə alınmaqla
təhsilin keyfiyyətinin yüksəldilməsindən və
onun inkişafının təmin edilməsindən
ibarətdir. Təhsilin keyfiyyətini təmin edən
əsas amillər isə təhsilin məzmunu, müəllim
faktoru və təhsilalanların nailiyyətlərinin
qiymətləndirilməsi ilə bağlıdır. Hazırda ümumtəhsil sahəsində
həyata keçirilən qiymətləndirmə sisteminin
əsasını milli və beynəlxalq, xüsusilə
məktəbdaxili qiymətləndirmə təşkil
edir. Məktəbdaxili qiymətləndirmə
şagird nailiyyətlərinin monitorinqi, təhsil
pillələri üzrə buraxılış imtahanları
kimi komponentlərdən ibarət olub, bu gün tətbiq
edilən gündəlik qiymətləndirmənin aradan qaldırılmasını
zəruri vəzifə kimi qarşıya qoyur. Orta
təhsil kursu üzrə buraxılış imtahanlarının
mərkəzləşdirilmiş qaydada aparılması
mexanizminin tətbiq edilməsi bu istiqamətdə atılmış
ən mühüm addımlardan biridır. Bu məqsədlə 2005-2006-cı dərs
ilindən ümumtəhsil məktəblərində və peşə
liseylərində orta təhsil kursu üzrə buraxılış
imtahanlarının mərkəzləşdirilmiş
qaydada aparılması addım-addım həyata keçirilmiş,
bu sahədə toplanmış təcrübə 2007-2008-ci
dərs ilində buraxılış imtahanlarının
daha yaxşı keçirilməsinə zəmin yaratmış,
şagird nailiyyətlərinin yüksəlməsinə
əhəmiyyətli dərəcədə təsir etmişdir.
Bu işlərin müvəffəqiyyətlə yerinə
yetirilməsində imtahan rəhbərləri və
nəzarətçiləri, imtahan aparılan
məktəblərin direktorları mühüm rol oynamışdır.
Bununla yanaşı, bəzi imtahan rəhbərləri,
imtahan mərkəzlərinin rəhbərləri -
məktəb direktorları və nəzarətçilər
son dərəcə məsuliyyətli olan bu işin
yerinə yetirilməsi prosesində öz vəzifə
məsuliyyətini dərk etməmiş, ciddi pozuntulara yol
vermişlər. Yol verilmiş nöqsanların aradan qaldırılması
üçün cari dərs ilində ciddi iş aparılır. 2008-2009-cu tədris ilində
mərkəzləşdirilmiş qaydada aparılacaq buraxılış
imtahanlarının Naxçıvan MR istisna olmaqla, bütün
respublikanı əhatə etməsi nəzərdə
tutulub. Göstərilənləri nəzərə
alaraq, ƏMR EDİRƏM: 1.
"2007-2008-ci
tədris ilində XI siniflərdə buraxılış
imtahanlarının yekunları və cari dərs ilində
qarşıda duran vəzifələr haqqında"
kollegiya qərarı rəhbərlik və icra üçün
əsas götürülsün. 2.
Aparatın
rəhbəri (İ.Pirməmmədov), Monitorinq və
qiymətləndirmə şöbəsi (T.Hacıyeva),
Strateji təhlil, planlaşdırma və kadrların
idarəolunması şöbəsi (F.Qədirov), Şəhərlər
üzrə ümumi təhsil şöbəsi (A.Muradov), Kənd
rayonları üzrə ümumi təhsil şöbəsi (A.Əhmədov),
Texniki peşə təhsili şöbəsi
(N.Məmmədov) müvafiq rayon (şəhər) təhsil
şöbələrinin müdirləri ilə birlikdə: 2.1. buraxılış imtahanının
nəticələrini və yeni dərs ilində qarşıda
duran vəzifələri rayon (şəhər) təhsil
şöbələrinin təhsilyanı şura iclaslarında
geniş müzakirə etsinlər, nəticələri aşağı
olmuş məktəblərdə vəziyyətin yaxşılaşdırılması
istiqamətində ciddi tədbirlər görsünlər; 2.2. orta təhsil kursu üzrə buraxılış
imtahanlarının keçirildiyi günədək məktəb
rəhbərləri, müəllimlər, şagirdlər
və valideynlərin mütəmadi olaraq
maarifləndirilməsi işini təşkil etsinlər; 2.3. buraxılış imtahanında şagirdləri
daha aşağı nəticə göstərən ümumtəhsil
məktəbləri və peşə liseylərinin
rəhbərlərinə ciddi xəbərdarlıq
edilməklə bu vəziyyətin davam edəcəyi
təqdirdə onların vəzifə
məsuliyyətinə baxsınlar. 3.
Monitorinq
və qiymətləndirmə şöbəsi (T.Hacıyeva)
və Təhsilin idarəolunmasının məlumat
sistemləri şöbəsi (İ.Sadıqov) buraxılış
siniflərində oxuyan şagirdlər və imtahan
nəzarətçiləri haqqında müvafiq baza məlumatlarının
toplanmasını həyata keçirsin. 4.
Monitorinq
və qiymətləndirmə şöbəsi (T.Hacıyeva)
və Strateji təhlil, planlaşdırma və kadrların
idarəolunması şöbəsi (F.Qədirov) imtahanların
keçirilməsi üçün zəruri fəaliyyətlərin
və təşkilati mexanizmlərin qurulması, onların
koordinasiya olunması ilə bağlı təkliflər
hazırlasın. 5.
Şəhərlər
və kənd rayonları üzrə ümumi təhsil şöbələri
(A.Muradov, A.Əhmədov) nəzərdə tutulmuş
tədbirlərin həyata keçirilməsi ilə bağlı
şəhər və rayon təhsil şöbələrinə
lazımi köməklik göstərsin. 6.
İqtisadiyyat
şöbəsi (H.Zeynalov) yoxlama və buraxılış
imtahanları materiallarının çap olunması ilə bağlı
smeta sənədlərinin hazırlanmasını təmin
etsin. 7.
Orta
təhsil kursu üzrə buraxılış imtahanlarında
öz vəzifələrinə məsuliyyətlə yanaşmış
aşağıda adları qeyd olunan məktəb
rəhbərlərinə şəxsi işinə yazılmaqla
təşəkkür elan edilsin: 1. Sara Xanlarova - Bakı şəhəri
Beynəlxalq Təhsil Kompleksinin direktoru 2. Həcər Rəhimova - Bakı şəhəri
88 nömrəli məktəbin direktoru 3. Tanrıverdi Orucov - Bakı şəhəri
115 nömrəli məktəbin direktoru 4. Vaqif Babayev - Bakı şəhəri 211
nömrəli məktəbin direktoru 5. Almaz Əsgərova - Bakı şəhəri
220 nömrəli məktəbin direktoru 6. Bəhram Şiriyev - Bakı şəhəri
276 nömrəli məktəbin direktoru 7. Ofelya Babayeva - Sumqayıt şəhər
11 nömrəli məktəbin direktoru 8. Seyidəli Həsənov - Gəncə
şəhəri 17 nömrəli məktəbin direktoru 9. Zahid Həsənov - Gəncə şəhəri
28 nömrəli məktəbin direktoru 10. Elmira
Yaqubova - Abşeron rayon Xırdalan şəhər 9 nömrəli
məktəbin direktoru 11. Əhmədağa Ələkbərov -
İsmayıllı şəhər 3 nömrəli
məktəbin direktoru 12. Hakim Nəcəfov - Ucar şəhər
5 nömrəli məktəbin direktoru 13. Kamandar Rüstəmov - Şirvan şəhər
11 nömrəli məktəbin direktoru 8.
Orta
təhsil kursu üzrə buraxılış imtahanlarında
öz vəzifələrinə məsuliyyətlə yanaşmış
aşağıda adları qeyd olunan nəzarətçi müəllimlərə
şəxsi işinə yazılmaqla təşəkkür
elan edilsin: 1. İndira Kərimova - Bakı şəhəri
32 nömrəli məktəb 2. Xalidə Aslanova - Bakı şəhəri
47 nömrəli məktəb 3. Aydan Məmmədova - Bakı şəhəri
52 nömrəli məktəb 4. Sahibə Musayeva - Bakı şəhəri
57 nömrəli məktəb 5. Mehriban Əliyeva - Bakı şəhəri
70 nömrəli məktəb-lisey 6. Əlibala Paşayev - Bakı şəhəri
129 nömrəli məktəb 7. Mirvari Yusifova - Mingəçevir şəhəri
14 nömrəli məktəb 9.
Bakı
Şəhəri üzrə Təhsil İdarəsi
(N.Rzaquliyeva), Gəncə Şəhər Təhsil İdarəsi
(M.Əliyev) və bütün rayon (şəhər) təhsil
şöbələri: 9.1. orta təhsil kursu üzrə
mərkəzləşdirilmiş qaydada keçirilmiş buraxılış
imtahanlarında öz üzərlərinə düşən işi
yerinə yetirmədikləri və imtahan prosesinin normal
gedişinə müdaxilə etdikləri üçün adları aşağıda
qeyd olunan məktəb direktorlarının tutduqları
vəzifədən azad edilməsi məsələsini
həll etsin: 1. Ələkbərova Billurə İbrahim
qızı - Bakı şəhəri 183 nömrəli
məktəb 2. Köçərli Rahib Süleyman oğlu - Bakı
şəhəri 285 nömrəli məktəb 9.2. işdə ciddi nöqsanlara yol verdiyi
üçün Bakı şəhəri 202 nömrəli
məktəbin direktoru Qasımov Qasım Niyazəli oğluna
intizam tənbehi - şəxsi işinə yazılmaqla
şiddətli töhmət verilməsi məsələsini
həll etsin. 9.3. imtahan prosesində öz
vəzifələrinə məsuliyyətsiz yanaşdıqları
və ciddi nöqsanlara yol verdikləri üçün adları aşağıda
qeyd olunan imtahan nəzarətçilərinə intizam
tənbehi - şiddətli töhmət verilməsi
məsələsini həll etsin: 1. Həqiqət çələbiyeva - Bakı
şəhəri 272 nömrəli məktəb 2. Maisə Abdullayeva - Bakı şəhəri
264 nömrəli məktəb 9.4. imtahanın gedişində nöqsanlara yol
vermiş adları aşağıda qeyd olunan
məktəb rəhbərlərinə intizam tənbehi - töhmət
verilməsi məsələsini həll etsin: 1. Aytən Baxşıyeva - Bakı şəhəri
8 nömrəli məktəb 2. Şəfiqə İsmayılova - Bakı
şəhəri 28 nömrəli məktəb 3. İradə Babayeva - Bakı şəhəri
36 nömrəli məktəb 4. Mətanət Cabbarlı - Bakı şəhəri
62 nömrəli məktəb 5. Şölə İbrahimova - Bakı şəhəri
73 nömrəli məktəb 6. Səidə Məmmədova - Bakı
şəhəri 101 nömrəli məktəb 7. Süleyman Zülfüqarov - Bakı şəhəri
146 nömrəli məktəb 8. Nemət Məmmədov - Bakı şəhəri
165 nömrəli məktəb 9. Karat Karatov - Bakı şəhəri 257
nömrəli məktəb 10. İradə Hüseynova - Bakı şəhəri
304 nömrəli məktəb 11. Azər Qazıyev - Mingəçevir şəhəri
4 nömrəli məktəb 12. Nazim Nəbiyev - Mingəçevir şəhəri
11 nömrəli məktəb 13. Nəriman İsrafilov - Mingəçevir
şəhəri 12 nömrəli məktəb 14. Sahibə Abdullayeva - Gəncə şəhəri
2 nömrəli məktəb 15. Vəfa Abbasova - Gəncə şəhəri
6 nömrəli məktəb 9.5. imtahan prosesində öz
vəzifələrinə məsuliyyətsiz yanaşdıqları
üçün adları aşağıda qeyd olunan imtahan
nəzarətçilərinə intizam tənbehi - töhmət
verilməsi məsələsini həll etsin: 1. Qumru Orucova - Bakı şəhəri 39 nömrəli
məktəb 2. Şəkər Məmmədova - Bakı
şəhəri 201 nömrəli məktəb 3. Rəhilə Məmmədova - Bakı
şəhəri 201 nömrəli məktəb 4. Vasil İsmayılov - Bakı şəhəri
248 nömrəli məktəb 5. Səfurə İsakova - Bakı şəhəri
61 nömrəli məktəb 6. Sevinc Əkbərova - Bakı şəhəri
25 nömrəli məktəb 7. Aynur Məmmədova - Bakı şəhəri
25 nömrəli məktəb 8. Fidan Bərxudarova - Bakı şəhəri
25 nömrəli məktəb 9. Vəfa Həsənova - Bakı şəhəri
109 nömrəli məktəb 10. Gülgəz Tanrıverdiyeva - Bakı şəhəri
216 nömrəli məktəb 11. Milyana Nağıyeva- Bakı şəhəri
318 nömrəli məktəb 12. Səidə Cəfərova - Bakı
şəhəri 241 nömrəli məktəb 13. Gülnarə Əsgərova - Bakı şəhəri
177 nömrəli məktəb 14. Bilqeyis Mustafayeva - Bakı şəhəri
177 nömrəli məktəb 15. Ayişə Məmmədova - Bakı
şəhəri 275 nömrəli məktəb 16. ülkər Kərimova - Bakı şəhəri
205 nömrəli məktəb 17. Hicran Sadıqova - Bakı şəhəri
151 nömrəli məktəb 18. Flora Süleymanova - Bakı şəhəri
151 nömrəli məktəb 19. Vüsalə Mustafayeva - Bakı şəhəri
217 nömrəli məktəb 10.
Əmrin
çoxaldılıb yerlərə göndərilməsi ümumi
şöbəyə (İ.Mirzəyev) tapşırılsın. 11.
İctimaiyyətlə
əlaqə şöbəsi (B.Hüseynzadə) əmrin
"Azərbaycan müəllimi" qəzetində və
"Təhsil xəbərləri"
məcmuəsində dərc olunmasını təmin
etsin. 12.
Əmrin
icrasına nəzarəti öz üzərimə götürürəm. Misir MƏRDANOV, Azərbaycan Respublikasının
təhsil naziri 29 dekabr 2008-ci il 20 Yanvar faciəsinin on doqquzuncu ildönümünün qeyd edilməsi barədə Azərbaycan Respublikası təhsil nazirinin əmri ƏMR EDİRƏM: 1.
20
Yanvar faciəsinin on
doqquzuncu ildönümünün keçirilməsi ilə əlaqədar
Təhsil Nazirliyinin tədbirlər planı təsdiq
edilsin (əlavə olunur). 2.
Tədbirlər
planına müvafiq olaraq ali, orta ixtisas, texniki peşə, ümumtəhsil,
məktəbəqədər və
məktəbdənkənar təhsil müəssisələrində
yanvar ayının 14-dən 20-dək Azərbaycanın
azadlığı uğrunda mübarizədə həlak olmuş
şəhidlərin xatirəsinə həsr olunmuş geniş
tədbirlər həyata keçirilsin. 3.
İctimaiyyətlə
əlaqə şöbəsi (B.Hüseynzadə) əmr və
tədbirlər planının "Azərbaycan müəllimi"
qəzetində dərc olunmasını təmin etsin. 4.
Əmrin
icrasına nəzarət nazir müavini E.Qasımova tapşırılsın.
Misir MƏRDANOV, Azərbaycan Respublikasının
təhsil naziri 7 yanvar 2009-cu il
|