“Müəllimlərin təxminən 45 faizi 2025-2026-cı tədris ilində 1000 manat və daha yuxarı əməkhaqqı alacaq”.
“Azərbaycan müəllimi” xəbər verir ki, bunu elm və təhsil naziri Emin Əmrullayev “Sertifikatlaşdırma 2025: peşəkar müəllim–keyfiyyətli təhsil" adlı tədbirdə çıxışı zamanı söyləyib.
Nazir bildirib ki, hazırda 1399 müəllim 2000 manat və daha artıq maaş alır və bu, bütün müəllimlərin sadəcə 1 faizini təşkil edir.
"Biz istəyirik ki, müəllimlər yarımştat işçi olmasınlar. Həftədə 4-5 saat məktəbə gələn insana müəllim demək düzgün deyil”,– deyə nazir vurğulayıb.
O qeyd edib ki, müəllimlərin 11 faizi həftədə 31 saat dərs deyir və 1500–2000 manat əməkhaqqı alır. Bu qrupa 12 803 nəfər aiddir.
33 faiz müəllim həftədə 25 saat dərs deyir və 1000–1500 manat maaş alır. Bu, 39 296 müəllim deməkdir.
41 faiz müəllim həftədə 17 saat dərs deyir və 500–1000 manat əməkhaqqı alır. Bu qrupa 49 757 nəfər daxildir.
14 faiz müəllim isə cəmi 8 saat dərs deyir və 500 manata qədər maaş alır. Belə müəllimlərin sayı 17 492 nəfərdir.
Nazir əlavə edib ki, hazırda müəllimlərin orta aylıq əməkhaqqı 965 manatdır.
E.Əmrullayev mövcud yanaşmanın məqsədinin məktəblərdə rasionallaşdırma aparmaq, müəllimlərə daha çox dərs yükü verməklə onların yüksək maaşla çalışmasını təmin etmək olduğunu da nəzərə çatdırıb.
Digər xəbərlər
Digər xəbərlər tapılmadı
Qəzetimizə abunəlik
"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun
Bölmələrimiz
2025 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.
Şərhlər