“ADA Universitetinin 2023–2024-cü tədris ili üzrə məzunlarının məşğulluq səviyyəsi 90 faiz təşkil edib. Bu nəticələr ADA Universitetinin Karyera xidmətləri şöbəsinin təqdim etdiyi dəstək proqramlarının nəticəsidir”.
ADA Universitetindən “Azərbaycan müəllimi”nə verilən məlumata görə, bakalavriat səviyyəsində ən yüksək məşğulluq “Biznesin idarə edilməsi”, magistratura səviyyəsində isə “Kompüter elmləri və data analitikası” ixtisaslarının məzunları arasında qeydə alınıb. Məzunlar, əsasən, dövlət qurumları, təhsil, bank, maliyyə, konsaltinq, audit və telekommunikasiya sahələrində çalışırlar.
Universitetdən verilən məlumatda, həmçinin qeyd edilib ki, gənclərin peşəkar inkişafı üçün hər il yüzlərlə tələbəni əhatə edən akademik təcrübə proqramları, o cümlədən “Karyera Hazırlığı Həftəsi” təşkil olunur. Bu proqram çərçivəsində seçilmiş tələbələr təlimlərdə iştirak edir, real iş imkanları ilə tanış olur və müxtəlif sahələrin aparıcı şirkətləri ilə əlaqələndirilirlər.
Digər xəbərlər
Digər xəbərlər tapılmadı
Qəzetimizə abunəlik
"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun
Bölmələrimiz
2025 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.
Şərhlər