“İşğaldan azad edilmiş ərazilərdə təhsil proseslərində, əsasən, məktəblərin yenidən qurulması istiqamətində işlər aparılır. Mətbuatdan izləyən insanlar, əsasən, prosesin “üst tərəfini” görür, lakin arxasında kifayət qədər ciddi iş aparılır”.
“Azərbaycan müəllimi” xəbər verir ki, bu fikirləri AzTV-nin “Hədəf” proqramının qonağı olan elm və təhsil naziri Emin Əmrullayev səsləndirib.
O bildirib ki, regional strukturlar, xüsusilə müəllimlər və digər əməkdaşlar bu işlərin icrasında fəal iştirak edirlər. Nazir vurğulayıb ki, bu proses bir gündə başa çatmır və plana uyğun olaraq binalar, evlər və digər infrastruktur layihələri mərhələli şəkildə həyata keçirilir.
Emin Əmrullayev qeyd edib ki, Ağdam, Şuşa, Xankəndi və digər bölgələrdə müvafiq qurumlarla birlikdə müəllimlərin mənzil təminatı və iş yerləri təmin edilir. Geri qayıdan müəllimlər dərhal müvafiq qruplara daxil edilir və onların mənzil və iş məsələləri həll olunur.
Nazir əlavə edib ki, məcburi köçkün məktəblərinin bəziləri digər məktəblərin daxilində fəaliyyət göstərdiyi üçün bu məktəblərin yenidən inteqrasiyası və yerli məktəblərlə uyğunlaşdırılması prioritetdir. Məqsəd qayıdış olan işğaldan azad edilmiş ərazilərdə müəllimlərin və şagirdlərin təhsil prosesinə fasiləsiz qoşulmasını təmin etməkdir.
Digər xəbərlər
Digər xəbərlər tapılmadı
Qəzetimizə abunəlik
"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun
Bölmələrimiz
2025 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.
Şərhlər