“Qarabağ Universiteti Xankəndi şəhərinin inkişafında əsas yerlərdən birini tutur. Bu il universitetdə təxminən 2216 tələbə təhsil alacaq. İnzibati heyət və tələbələrlə birlikdə şəhərdə və universitetin ətrafında 2500-dən artıq insan yaşayacaq və fəaliyyət göstərəcək”.
“Azərbaycan müəllimi” xəbər verir ki, bu fikirləri AzTV-nin “Hədəf” proqramının qonağı olan elm və təhsil naziri Emin Əmrullayev səsləndirib.
Nazir xüsusilə universitetin tibb və sağlamlıq elmləri fakültəsinin multidisiplinar yanaşmasını vurğulayıb. O qeyd edib ki, burada təhsil alan tələbələr mühəndislik, musiqi və incəsənət, sosial və dəqiq elmlər üzrə biliklərini birləşdirə bilirlər. Bu yanaşma həm müəllimlərin, həm də tələbələrin peşə inkişafını dəstəkləyir.
Fakültədə həm texnoloji, həm də humanist dəyərlərə əsaslanan əməkdaşlıq mühiti yaradılıb. Tədqiqat yönümlü kurikulum tətbiq edilir və fakültəni bitirən şəxslər müasir elmi biliklərə və praktik bacarıqlara yiyələnirlər. Nazir əlavə edib ki, universitetdə müxtəlif tədqiqatların aparılması Qarabağ Universitetinin elmi potensialını artıracaq və onu nüfuzlu təhsil müəssisəsi kimi formalaşdıracaq.
Xankəndidə Qarabağ Universitetinin Klinikası binası və Tibb və Sağlamlıq Elmləri fakültəsi fəaliyyət göstərir, tələbələr burada həm tədris, həm də praktiki biliklərini inkişaf etdirə bilirlər.
Digər xəbərlər
Digər xəbərlər tapılmadı
Qəzetimizə abunəlik
"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun
Bölmələrimiz
2025 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.
Şərhlər