“Biz istəyirik ki, şagirdlər xarici dillə yanaşı, Azərbaycan dilini də yaxşı bilsinlər. Buna baxmayaraq, rus dili ilə bağlı müəyyən çatışmazlıqlarımız var”.
“Azərbaycan müəllimi” xəbər verir ki, bunu elm və təhsil naziri Emin Əmrullayev ADA Universitetində keçirilən “Sertifikatlaşdırma 2025: Peşəkar müəllim–keyfiyyətli təhsil” mövzusunda tədbirdə çıxışı zamanı deyib.
O bildirib ki, müəllimlərin işə qəbulu prosesində rus bölməsi üzrə namizədlərin nəticələri aşağı olur: “Rus bölməsi üzrə müəllim olmaq istəyən namizədlərin maksimum balı 50–60-dır. Azərbaycan bölməsi üzrə isə bu göstərici 80-dən yuxarıdır. Bu səbəbdən də rus bölməsinə yarıbayarı nəticə göstərən müəllimi işə götürməyə məcbur oluruq, çünki alternativ yoxdur”.
Nazirin sözlərinə görə, məktəbi bitirən hər bir şagird Azərbaycan dilini yaxşı bilməlidir: “Əgər şagird dövlət büdcəsi hesabına təhsil alırsa, dövlət dilini bilməlidir. Uşaqlarımızın rus dilini bilməsində pis heç nə yoxdur. Amma bu, dövlət dilinin kölgədə qalması anlamına gəlməməlidir. Biz istəyirik ki, uşaqlarımız həm rus, həm ingilis, həm də digər dilləri bilsinlər. Lakin bu, Azərbaycan dilinin statusunu azaltmamalıdır”.
E.Əmrullayev bunu da qeyd edib ki, hazırda təhsil müəssisələrində rus bölmələrinin bağlanması məsələsi gündəmdə deyil.
Digər xəbərlər
Digər xəbərlər tapılmadı
Qəzetimizə abunəlik
"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun
Bölmələrimiz
2025 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.
Şərhlər