Ötən il üzrlü səbəbdən sertifikatlaşdırma imtahanında iştirak edə bilməyən İmişli rayonu Bəcirəvan kənd tam orta məktəbinin ingilis dili müəllimi Feyruz Quliyev bu gün keçirilən təkrar sertifikatlaşdırma imtahanında 57 bal toplayıb.
Feyruz Quliyevin “Azərbaycan müəllimi”nə verdiyi məlumata görə, 7 ildir ki, adıçəkilən məktəbdə ingilis dili müəllimi kimi çalışır:
"İmtahana özüm sərbəst hazırlaşmışdım. İkinövbəli məktəbdə işləyirəm. Ancaq axşamdan-axşama, əlavə vaxtım olanda hazırlaşa bilirdim. İmtahan prosesi çox şəffaf təşkil olunduğuna görə gözəl də keçdi. Düşünürəm ki, imtahan sualları çox yaxşı tərtib edilmişdi, asan, orta və çətin tipli suallara bölünmüşdü. Savadlı bir müəllim onlara normal cavab verə bilərdi.
Müəllimlərə tövsiyəm odur ki, ilk növbədə həyəcan hissini özlərindən kənarlaşdırsınlar. Məktəbdə dərs deyən, sinfə girən bir müəllim üçün, məncə, çətin heç nə yoxdur. Savadlı şagirdlərin yetişdirilməsi savadlı gələcəyin formalaşması deməkdir.
Sertifikatlaşdırma bu baxımdan çox əhəmiyyətlidir. İkinci tərəfdən, bu, biz müəllimlərin sosial rifahının yüksəlməsində böyük rol oynayır, çünki 50 baldan yuxarı nəticə göstərən müəllimlərin əməkhaqqına 35 faiz artım olur".
Qeyd edək ki, Feyruz Quliyev Birinci Qarabağ müharibəsi şəhidi Şiraslan Quliyevin övladıdır.
Digər xəbərlər
Digər xəbərlər tapılmadı
Qəzetimizə abunəlik
"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun
Bölmələrimiz
2025 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.
Şərhlər