Azərbaycan Dövlət Aqrar Universitetində (ADAU) baytarlıq fakültəsinin Epizootologiya, mikrobiologiya və parazitologiya kafedrasının baş müəllimi, Kənd Təsərrüfatı Nazirliyi 3-cü biotəhlükəsizlik səviyyəli mərkəzi referens laboratoriyasının müdiri, aqrar elmlər üzrə fəlsəfə doktoru Şəlalə Zeynalovanın "Biotəhlükəsizlik və mikrobiologiya" terminləri izahlı lüğəti kitabının təqdimatı keçirilib.
Təqdimatda ADAU-nun rektoru, professor İbrahim Cəfərov, elmi işlər üzrə prorektor, dosent Azad İbrahimov, baytarlıq təbabəti fakültəsinin dekanı Famil Nəsibov, bir qrup professor-müəllim və tələbə heyəti iştirak ediblər.
Çıxış edən İ.Cəfərov müəllifə uğurlar arzu edərək kitabın qiymətli mənbə olduğunu söyləyib.
Bildirilib ki, ilk dəfə nəşr olunan "Biotəhlükəsizlik və mikrobiologiya" terminləri izahlı lüğətində terminlərin Azərbaycan, rus və ingilis dillərində izahları verilib. Kitab səhiyyə, baytarlıq, biologiya sahəsində çalışan işçilər və tələbələr üçün nəzərdə tutulub.