“Çalışqan, çalışmağa həvəsi olan, öyrənməyi sevən şagirdlər mütləq seçilirlər. Bizim vəzifəmiz də sizin kimi şagirdləri fərqləndirməkdir”.
“Azərbaycan müəllimi” xəbər verir ki, bunu Təhsil İnstitutunun direktor müavini Fuad Qarayev Heydər Əliyev Fondu və Elm və Təhsil Nazirliyinin birgə əməkdaşlığı ilə keçirilən “Zəkaların mübarizəsi” olimpiadasının qaliblərinin mükafatlandırılması mərasimində çıxışı zamanı deyib.
Fuad Qarayev çıxışında tədbir iştirakçılarını salamlayaraq onları qazandıqları nailiyyətlər münasibətilə təbrik edib.
O bildirib ki, Elm və Təhsil Nazirliyi tərəfindən istedadlı şagirdlərin aşkar olunması və onlarda müxtəlif fənlərə marağın artırılması istiqamətində davamlı şəkildə tədbirlər həyata keçirilir. Respublika fənn olimpiadaları, “Sabahın alimləri” layihə müsabiqəsi, “Ən yaxşı təqdimat” müsabiqəsi, “BilBacar” və “Məktəblilərarası Milli Hakaton” kimi yarışlar bu məqsədə xidmət edən mühüm platformalardır.
Fuad Qarayev bildirib ki, belə olimpiadalarda qalib gəlmək əhəmiyyətli olsa da, bu uğurların davamlı olması və həyatın digər sahələrinə də daşınması vacibdir. O, tədbirin təşkilinə verdiyi dəstəyə görə Heydər Əliyev Fonduna təşəkkürünü ifadə edib, fondun illər ərzində ölkənin müxtəlif bölgələrində məktəb tikintisi və təhsil infrastrukturunun yaxşılaşdırılması istiqamətində gördüyü işləri yüksək qiymətləndirib.
Digər xəbərlər
Digər xəbərlər tapılmadı
Qəzetimizə abunəlik
"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun
Bölmələrimiz
2025 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.
Şərhlər