“Ümumi məqsədimiz də çox aydındır: peşə təhsilinin əhatəsini artırmaq, keyfiyyətini qaldırmaqdır”.
Bunu “Azərbaycan müəllimi”nə Peşə Təhsili üzrə Dövlət Agentliyinin direktoru Ceyhun Kərəmov deyib.
“Ölkəmizdə yeni peşə təhsili müəssisələri istifadəyə verilir. Bu gün iştirak etdiyimiz tədbir Cəlilabad Dövlət Peşə Təhsil Mərkəzində “Karyera günü”dür. Məqsəd ölkəmizin kadr potensialını bir çox sahələrdə gücləndirməkdir. Cəlilabad Dövlət Peşə Təhsil Mərkəzi 20-dən çox ixtisas üzrə kadr hazırlayır. Bu sahələr kənd təsərrüfatı, sənaye, xidmət və s. əhatə edir. Bu gün bizim keçirdiyimiz tədbirin əsas məqsədi işəgötürənləri məzun olacaq tələbələrlə görüşdürmək, onlara əmək bazarındakı mövcud imkanlar, mümkün dəstək mexanizmləri barədə məlumat verməkdir”.
C. Kərəmov qeyd edib ki, əmək bazarının reaksiyası vacibdir: “Ona görə də biz istəyirik ki, əmək bazarı bizim müəssisələrə daha yaxın olsun. Çalışırıq ki, bu yaxınlıq yalnız “Karyera günləri” ilə bitməsin, biz işəgötürənləri dərslərdə iştirak etməyə, bu prosesi canlı izləməyə də dəvət edirik”.
Digər xəbərlər
Digər xəbərlər tapılmadı
Qəzetimizə abunəlik
"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun
Bölmələrimiz
2025 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.
Şərhlər