Bugünkü sertifikasiya imtahanında 60 bal toplayan müəllimlərdən biri də Bakı şəhərindəki 249 nömrəli tam orta məktəbin coğrafiya müəllimi Aysel Məmmədova olub.
İmtahanla bağlı təəssüratlarını “Azərbaycan müəllimi” ilə bölüşən Aysel Məmmədova bildirib ki, bu uğurunu uzun illər ərzində topladığı bilik və təcrübəyə, həmçinin imtahana məsuliyyətlə yanaşmasına borcludur:
“Düzü, 60 bal toplayacağımı gözləmirdim. Yüksək nəticə əldə etməyi arzulayırdım, amma bu qədərini gözləmirdim. İmtahan prosesi tam şəffaf şəkildə təşkil olunmuşdu. Suallar əsasən məktəb proqramını əhatə edirdi və çətinlik çəkmədim”.
Aysel Məmmədova sertifikasiya prosesinin müəllimlərin öz bilik və bacarıqlarını qiymətləndirmək, peşəkar inkişaflarını stimullaşdırmaq baxımından vacib olduğunu bildirib. Onun sözlərinə görə, peşəsinə sevgi və məsuliyyətlə yanaşan hər bir pedaqoq üçün bu imtahan sadəcə bir yoxlama deyil, eyni zamanda gələcək nəsillərin daha keyfiyyətli təlim-tərbiyəsi naminə atılan mühüm addımdır.
“Bu cür qiymətləndirmə sistemləri müəllimləri daim üzərində işləməyə, öyrənməyə və inkişaf etməyə təşviq edir. Mən də öz üzərimdə çalışaraq bu nəticəni qazandım”, – deyə müəllim əlavə edib.
Digər xəbərlər
Digər xəbərlər tapılmadı
Qəzetimizə abunəlik
"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun
Bölmələrimiz
2025 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.
Şərhlər