Bu gün keçirilən sertifikasiya imtahanında yüksək nəticə göstərən ingilis dili və riyaziyyat müəllimləri ilə həmsöhbət olduq. Onlardan biri Bakının 112 nömrəli tam orta məktəbinin riyaziyyat müəllimi Zülfiyyə Həsənova, digəri isə 156 nömrəli tam orta məktəbin ingilis dili müəllimi Ləman Əlizadədir.
Zülfiyyə Həsənova imtahanda 55 bal toplayıb. O, “Azərbaycan müəllimi”nə açıqlamasında bildirib ki, imtahana ixtisas üzrə ayrıca hazırlaşmağa ehtiyac duymayıb. Müəllimin sözlərinə görə, suallar gündəlik dərs prosesində istifadə etdiyi vəsaitlər əsasında tərtib olunduğundan imtahan o qədər də çətin olmayıb:
“Əsasən, kurikulum, metodika və pedaqogika üzrə mövzulara diqqət yetirdim. Bu istiqamətlər üzrə mövzuları müəyyən qədər təkrar etməyim faydalı oldu”.
Ləman Əlizadə isə imtahandan 59 bal toplayıb. Onun sözlərinə görə, imtahan şəffaf və rahat şəraitdə keçirilib:
“Suallar normal idi, asan, orta və çətin dərəcəli suallar vardı. Bəzi suallar üzərində düşündüm, hətta bir sualın cavabını sonradan dəyişdim. Düşünürəm ki, həmin dəyişikliyim səhv oldu. Qalan suallara düz cavab verdim”.
Ləman Əlizadə qeyd edib ki, imtahan sualları tədris etdiyi mövzuları əhatə edib və son bir həftə ərzində daha intensiv şəkildə hazırlaşıb:
“Proqram üzrə işləyib özüm hazırlaşmışdım. Əlavə hazırlığa ehtiyac duymadan nəticə əldə etdim”.
Digər xəbərlər
Digər xəbərlər tapılmadı
Qəzetimizə abunəlik
"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun
Bölmələrimiz
2025 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.
Şərhlər