|
· Ana səhifə· Rəsmi· Heydər Əliyev Fondu· Əmrlər, sərəncamlar· Təhsil Nazirliyində· Xəbərlər· Pedaqoji yazılar· Məktəblərimiz· Bizimlə əlaqə
|
Böyük yazıçıya həsr olunmuş oxucu konfransı Bakıdakı Y.Mirzəyev adına 44 nömrəli
orta məktəbdə M.C.Paşayevin 100 illiyinə
həsr olunmuş oxucular konfransı keçirildi. Konfransı giriş sözü ilə
məktəbin direktoru Səfərəli
Səfərəliyev açaraq bildirdi ki, XX əsr
Azərbaycan ədəbiyyatının görkəmli nümayəndələrindən
biri olan M.C.Paşayev ibtidai təhsilini Gəncədəki
ruhani məktəbində almış, sonra pedaqoji texnikumu
bitirərək müəllim işləmişdir. Daha sonralar
ali təhsil alan Mir Cəlal ömrünün sonuna kimi Bakı Dövlət
Universitetində çalışmışdır. Məktəbin dil-ədəbiyyat müəllimi
Şəfaqət Mirzəyeva qeyd etdi ki, M.C.Paşayevin
yaradıcılığında xüsusi yer tutan "Bir
gəncin manifesti" əsəri həm məzmunu, ideyası,
həm də bədii mükəmməlliyi etibarilə yazıçının
yaradıcılığında özünəməxsus yer
tutur. Sonra söz şagirdlərə verildi. IX sinif
şagirdi Günay Zeynalova M.C.Paşayevlə bağlı çıxışında
qeyd etdi ki, yeniliyi təsdiq, köhnəliyi inkar etmək,
məişət, əxlaq və şüurlarda olan köhnəlik
qalıqlarını acı kinayə ilə göstərmək
M.C.Paşayevin yaradıcılığına məxsus
cəhət idi. IX sinif şagirdi Vüqar Nəcəfov, VII
sinif şagirdi Sakit Babayev, VI sinif şagirdi Lalə Orucova
və başqaları M.C.Paşayevin "Ərik ağacı",
"Göz yaşı", "İmtahan",
"Mirzə", "Badam ağacları", "Qardaş
qanı" əsərlərindən epizodlar söylədilər.
Şakir CƏFƏROV
"İngilis dilini öyrənirik" Mayın 26-da Bakının Xətai
rayonundakı 287 nömrəli "Zəkalar" liseyində
ikinci siniflərin iştirakı
ilə "İngilis dilini öyrənirik" adlı
tədbir keçirildi. Kiçik "aktyorların" ifalarında
ingilis dilində hazırlanan maraqlı
səhnəciklər və şeirlər tədbir iştirakçıları
tərəfindən rəğbətlə qarşılandı. Tədbirdə
məktəbin şagirdlərindən Aqil, Sevinc,
Seymur, Nigar, Fidan və başqaları ingilis dilində sülh
haqqında şeirlər söylədilər. Onlar bütün dünyada
yaşayan həmyaşıdlarına sülh və
əminamanlıq arzuladılar. Sonda məktəbin direktoru Aygün Əhmədli
şagirdləri təbrik etdi, onlara dərslərində uğurlar
arzuladı. RƏŞAD
|