|
· Ana səhifə· Rəsmi· Heydər Əliyev Fondu· Əmrlər, sərəncamlar· Təhsil Nazirliyində· Xəbərlər· Pedaqoji yazılar· Məktəblərimiz· Bizimlə əlaqə
|
ümummilli lider Heydər Əliyevin 85
illik yubileyinə həsr olunmuş respublika elmi konfransının
belə bir mövzuya həsr edilməsindən məqsəd
folklorumuzun, folklorşünaslıq tariximizin, folklorla yazılı
ədəbiyyatın əlaqəsi
məsələlərinin tətbiqi
istiqamətlərində görülmüş işləri davam
və inkişaf etdirmək, şifahi ədəbiyyatın
tədrisi sahəsində mövcud təcrübəni aşkara
çıxarıb yaymaq, gələcəkdə bu
sahədə birgə fəaliyyətin
istiqamətlərini müəyyənləşdirmək idi. Sumqayıt Dövlət Universiteti,
Azərbaycan MEA-nın Folklor İnstitutu və
Azərbaycan Dövlət Pedaqoji Universitetinin birgə keçirdikləri
tədbirin tanınmış mütəxəssislərdən
ibarət təşkilat komitəsi yaradılmış, müvafiq
qaydada proqram-dəvətnamə hazırlanaraq
yerlərə göndərilmiş, toplanmış
tezislər əsasında toplu nəşri planlaşdırılmışdı. Aprelin 29-da SDU-nun akt zalında öz işinə
başlayan elmi konfransı giriş sözü ilə Sumqayıt
Dövlət Universitetinin rektoru, professor N.Qəhrəmanov açdı. Xalqın çoxəsrlik həyat təcrübəsi
və zəngin dünya duyumunun obrazlı ifadəsi olan çoxjanrlı
şifahi ədəbiyyatın tarixi-mədəni
dəyərlərini, tərbiyəvi
əhəmiyyətini nəzərə alan ulu öndərimiz
Heydər Əliyev Azərbaycan xalqının Ana kitabı
olan "Kitabi-Dədə Qorqud"un 1300 illik yubileyinin
təşkilinin bilavasitə təşəbbüskarı
və rəhbəri olmuşdur. O, hakimiyyətdə olduğu
hər iki dövrdə aşıq sənətinin görkəmli
nümayəndələrinin, eləcə də klassik və
çağdaş sənətkarlarımızın
yubileylərinin keçirilməsini vacib saymışdır.
Azərbaycan mədəniyyəti və
incəsənətinin böyük dəyərləndiricisi
və bilicisi olan ümummilli lider milli mənəvi
sərvətimizin orta və ali məktəblərdə
tədrisinə xüsusi əhəmiyyət vermişdir.
Professor N.Qəhrəmanov giriş sözündə bu və ya
digər məsələlər barədə danışaraq
konfrans iştirakçılarına səmərəli
fəaliyyət arzuladı. Konfransın plenar iclasında Azərbaycan
Milli Elmlər Akademiyası Folklor İnstitutunun direktoru,
professor H.İsmayılov çıxışında dünyada
analoqu olmayan Folklor İnstitutunun təşkili və
formalaşması tarixçəsindən, bu işdə ulu öndər
Heydər Əliyevin qayğı və diqqətindən
danışdı. Heydər Əliyevin bir siyasi xadim, bir dövlət
xadimi, bir vətəndaş və tarixi şəxsiyyət
kimi qüdrət, xidmət və fəaliyyətindən fakt
və hadisələr əsasında bəhs edən
professor H.İsmayılov Azərbaycan xalq
sənətinə münasibətin nəticəsi olaraq
institut əməkdaşlarının gördükləri işlər
və apardıqları tədqiqatlardan söhbət açdı.
Sumqayıt Dövlət Universiteti filologiya fakültəsinin
dekanı, dosent A.Bayramov çıxışında
"Kitabi-Dədə Qorqud"da yaşayan dil faktlarından,
toponimik vahidlərdən danışdı, ümummilli
liderimiz Heydər Əliyevin rəhbərliyi ilə keçirilmiş
"Kitabi-Dədə Qorqud"un 1300 illik yubileyinin eposun
tədqiqi, təbliği və tədrisinin genişləndirilməsi
və vüsət almasında rolunu vurğuladı. SDU-nun Folklorşünaslıq elmi-tədqiqat
laboratoriyasının rəhbəri, pedaqoji elmlər
namizədi Ş.Məmmədovun çıxışında
şifahi xalq ədəbiyyatının hər bir soydaşın
əbədi yol yoldaşı olduğu vurğulandı.
Həqiqi ədəbiyyat tələbinə cavab verən
folklorumuzun tədrisinin təlimi və tərbiyəvi
əhəmiyyəti ilə bağlı F.Köçərli, B.çobanzadə,
Ə.Qarabağlı kimi maarifçi və alimlərin
fikirləri auditoriyaya çatdırıldı. Daha sonra
zəngin Azərbaycan, türk və dünya xalqları
folklorunun orta məktəblərin ədəbiyyat proqram
və dərsliklərində
yeri məsələlərinə aydınlıq
gətirən natiq folklorla ədəbiyyatın qarşılıqlı
əlaqəsi mövzusunu əks etdirən yazılı
ədəbiyyat nümunələrinin tədrisinə vaxt
verildiyini təqdir etdi. Ali məktəb
tələbələrinin folklor üzrə informasiya
mənbələrini nəzərə almağı vacib
sayan Ş.Məmmədov orta və ali məktəbdə
folklorun tədrisi ilə bağlı təkliflərini söylədi. SDU-nun Azərbaycan ədəbiyyatı
kafedrasının müdiri, dosent A.Ağbaba çıxışında
proqram və dərsliklərə folklor materiallarının
daxil edilməsinə münasibətini bildirdi. Natiq qeyd etdi
ki, bu materialların tədrisində
vətənpərvərlik və vətəndaşlıq
mövqeyi qabardılsın, erməni düşmənçiliyinin
mahiyyəti belə materialların tədrisində açıqlansın.
Daha sonra dosent A.Ağbaba ayrı-ayrı folklor nümunələrinin
ideya-məzmunu ilə bağlı məlumat verdi. Plenar iclasda Azərbaycan Müəllimlər
İnstitutunun Azərbaycan dili və ədəbiyyatın
tədrisi kafedrasının müdiri, professor F.Xalıqov çıxış
edərək bu və ya digər
məsələlərə dair fikirlərini söylədi. *** Günün ikinci yarısında konfrans öz işini
ədəbiyyatşünaslıq və dilçilik bölmələrində
davam etdirdi. çoxlu sayda çıxışlar dinlənilib müzakirə
edildi, ən maraqlı fikirlər təqdir olundu. Ş.HƏTƏMOĞLU |