|
|
· Ana səhifə· Rəsmi· Heydər Əliyev Fondu· Əmrlər, sərəncamlar· Təhsil Nazirliyində· Xəbərlər· Pedaqoji yazılar· Məktəblərimiz· Bizimlə əlaqə
|
Şəhidlərin
xatirəsi bir dəqiqəlik sükutla yad ediləcək AzərTAc xəbər verir ki, yanvarın
20-də Bakı vaxtı ilə saat 12.00-da Azərbaycanın
bütün ərazisində 20 Yanvar şəhidlərinin
əziz xatirəsi bir dəqiqəlik sükutla yad olunacaq,
gəmilərdən, avtomobillərdən və qatarlardan
səs siqnalları veriləcəkdir. Azərbaycan Respublikası Prezidentinin İcra Aparatı rəhbərinin sərəncamı ilə təsdiq edilmiş "20 Yanvar faciəsinin on səkkizinci ildönümünün keçirilməsinə dair tədbirlər planı"na uyğun olaraq, respublikanın bütün şəhər, rayon, qəsəbə və kəndlərində, idarə və müəssisələrində mərasimlər keçiriləcək, paytaxtda yerləşən bütün nazirlik, komitə, şirkət, idarə və təşkilatların nümayəndələri 20 Yanvar günü Şəhidlər Xiyabanına gələrək qəhrəman Vətən övladlarının məzarlarını ziyarət edəcəklər.
Bu
qanlı terror xalqımızın mübarizə əzmini qıra
bilmədi Hər
dəfə Sumqayıtdan Bakıya gedəndə Bakı-Sumqayıt
yolunda üç tanınmış alimimizin qətlə
yetirildikləri yerdə qoyulmuş Xatirə obeliskini
ziyarət edirəm. Ay zalım, nə idi onların günahı?
Axı bir alimi 30-40 ilə yetişdirmək olmur, nadan!.. 20 Yanvar faciəsi XX əsrdə
totalitarizmin törətdiyi ən qanlı terror aktlarından
biridir. O qanlı-qadalı gecəni yad etdikcə qaysaqlanmış
yaramın qaysağı qopur, ağrısı-acısı
məni yandırır, yaxır. Yadıma düşür ki, o
gecə fikir-xəyal burulğanında yata bilmirdim. Qulağımı
dəng edən sözlər: - "Mühüm xəbər
deyiləcək" hey təkrarlanır-təkrarlanırdı.
Tankların, topların nəriltisindən yatmaqmı olardı?
Yad etdikcə o qanlı gecəni qara qanlar axır ürəyimdən,
içimdə düşmənə qarşı nifrət hissi
getdikcə qol-qanad atır, böyüyür, şaxələnir.
Gurultu səsindən qulaq batırdı. Əliyalın
insanlara divan tutur, tankların altına salıb xıncım-xıncım
edirdilər. Mətbəxdə qazan asıb ailə üçün
xörək hazırlayan ananı, körpə uşaqları,
səsə-küyə küçəyə çıxan xəstə,
ahıl qocaları belə qanlarına qəltan edir,
qətlə yetirirdilər. 1990-cı il yanvarın iyirmisində sovet qoşunlarının
Bakıda törətdiyi qanlı faciədən 18 il keçir.
Xalqımız o müdhiş gecəni daim xatırlayır,
illər keçdikcə xatırlayacaq da! Hər bir
azərbaycanlı bu vəhşiliyi, qəddarlığı,
amansızlığı törədənlərə
lənət oxuyur. Həmin günlər Azərbaycanın azadlığı
və ərazi bütövlüyü uğrunda mübarizə tarixinə
qəhrəmanlıq səhifəsi kimi daxil oldu, öz ölkəsinin,
xalqının azadlığını,
şərəf və ləyaqətini hər şeydən
uca tutan qurd ürəkli, qorxubilməz, geridönməz,
mərd, cəsarətli Vətən övladları canlarından
keçərək Vətən yolunda həyatlarını
qurban verdilər, şəhidlik zirvəsinə ucaldılar! Şəhid adı ucadır, o uca göylər
qədər, O adı əzizlərəm mən də
dünyalar qədər. Siz də şəhid oldunuz, igidlərim,
ərlərim, Hər biriniz bir oğul, geri dönməz
nərlərim, Sizin səyyar gəminiz qəfil güdaza düşdü, Bu qanlı qan gölünə gör neçə oba
düşdü. Sizə matəm saxladı bir gecəlik
gəlin də, Şəhid adı cücərdi milyonların
dilində. Nə qədər şəhid dağı
sinəmizə çəkildi, Nə qədər gərdək bağı
göz yaşıyla söküldü. Sevincimi apardı bu coşan qəm
selləri, Yurdundan perik saldı neçə-neçə
elləri, Zalım qolun qurusun, zülmün ərşə
dayandı, Məzarların üstündə nişan xonçası
yandı. İgidlərim, ərlərim,
pələngbilək nərlərim, Yatdığınız bu torpaq igid yeri,
mərd yeri, Ataların şöhrəti,
nəsillərin and yeri. Ulduzlar səf-səf olub gecələr keşik
çəkər, Günəş qızıl telini gündüzlər
bura tökər. Qarşınızda baş əyir, sizin
Əvəz Lələdağ, Onun könül bağına bir də
əsməsin sazaq! Xalqımız həlak olanların
xatirəsini əbədiləşdirmək üçün Şəhidlər
Xiyabanı kimi bir ziyarətgah, qibləgah, səcdəgah
yaratdı. Heç bir günahı olmayan yüzlərlə adamın
vəhşicəsinə qətlə yetirilməsi bütün
hakimiyyətdə olduğu dövrdə humanizm
prinsiplərindən dəm vuran sovet imperiyasının
hərb maşınının amansız terroru insanlığa
qarşı bəşər tarixində görünməyən
ən ağır cinayətlərdən biri kimi
əbədi olaraq qalacaqdır. Əli günahsız insan qanına
batmış imperiya rəhbərliyinin, cinayətkar
M.S.Qorbaçovun komandasının Azərbaycana qarşı
xəyanətkar siyasətinə dözməyən, respublikamıza
qarşı ərazi iddiaları irəli sürən
mənfur qonşumuz Ermənistanın təcavüzkar
hərəkətlərinə haqq qazandıranlara
hiddətlənən və bu fitnəkarlığa qarşı
öz qəti etirazını bildirən geniş xalq kütləsinə
qarşı sovet ordusunun döyüş bölmələrinin
yeridilməsi Bakıda misli görünməmiş faciə
ilə nəticələndi. Böyük itkilər verdik, günahsız
insanlarımız dünyasını dəyişdilər.
Lakin bu amansız, qanlı terror xalqımızın
iradəsini, milli qürurunu, mübarizə ruhunu sarsıda
bilmədi, azadlıq eşqini boğmağa gücü çatmadı.
20 Yanvar faciəsi xalqımızın əyilməzliyini,
məğrurluğunu nümayiş etdirdi. Məhz bunun
nəticəsində uzun illərdən bəri arzusunda
olduğu müstəqilliyə qovuşdu xalqımız, ölkəmiz
suverenlik əldə etdi. 20 Yanvar faciəsi xalqımızın
qan yaddaşında əbədi yaşayacaqdır. Əvəz Mahmud LƏLƏDAĞ Azadlıq
şəhidləri ...Kimsənin ağlına
gəlməzdi ki, bir azdan Salyan kazarmasından qeyri-adi bir sürətlə
çıxan tanklar, zirehli texnika yoldan keçən maşınları
tırtılları, təkərləri ilə əzib,
meydanlara toplaşanları, trolleybus və avtobuslardakı
sərnişinləri qızıl qana boyayan "atəşfəşanlığa"
başlayacaq. çoxu erməni və muzdlu rus qatilləri olan
sovet ordusu əsgəri geyimli faşist genli canilər başı
öz tarixi vəzifəsinə ləkəsi ilə naxışlanmış
yenidənqırma ustası Qorbaçov və onun
ermənipərəst, xaç qardaşları birliyi üzvlərindən
aldıqları tapşırığı bacardılar. Bakı küçələri insan qanı ilə
naxışlandı. Güllələr
pəncərələri çilikləyib eyvanda dayanan,
evində əyləşən günahsız insanların
xalqlar dostluğuna olan inamını öldürdü. Bakının
nefti ilə işləyən tanklar ildırım sürəti
ilə Bakı yollarından keçib dəhşətli
izlər qoydu: kəsilmiş qollar, parçalanmış
əzalar, sahibsiz palto-papaqlar... İnamlar, əqidələr, ümidlər güllələndi,
doğrandı, qırıldı, parçalandı... Orta
məktəb şagirdləri, tələbələr,
fəhlə və müxtəlif peşə sahibləri, oğlan,
qız, gəlin və cavanlar, yaşlılar,
azərbaycanlılarla yanaşı, rus, yəhudi şəhid
oldular, Azadlıq şəhidləri... Bu insanlar, meydana toplaşanlar Vətən
üçün narahatçılıq hissi keçirirdilər: tarixi
xəstəliyi din qardaşlarının "qayğısı"
və dəstəyi ilə şiddətlənən, tarixi
sərsəm niyyətini bu dəfə gerçəkləşdirmək
üçün məqam tapmış qaraçı təbiət,
bədniyyət dığalar Qarabağı - Azərbaycanın
orta bölgələrini tarixən olmamış
Ermənistana birləşdirmək üçün dünyanın kar
və kor "demokratları"nın dəstəyi
ilə ayağa qalxmışdılar. Azərbaycanda meydan hərəkatı başlanmışdı.
Bu, azadlıq yolunda dinc bir hərəkat idi. SSRİ başbilənləri
bunu susdurmaq istədilər.
Meydan hərbi texnika ilə mühasirəyə alındı.
Daha sonra yanvarın
19-dan 20-nə keçən günün axşamüstü Azərbaycan
televiziyası və radiosunun enerji bloku partladıldı...
Yaralılar aparan təcili yardım maşınları
atəşə tutuldu, xəstəxanaların işıqları
söndürüldü. Məscidlərdə şəhidləri haqq dünyasına
yola salmaq niyyəti ilə qohum-əqrəba növbə gözlədilər.
Anaların naləsindən göylər qaraldı, ataların
qəzəbindən ürəklər yaralandı, paralandı.
Xalqın mərd və müdrik oğulları Azadlıq
şəhidlərini bir arada dəfn edib, Vətən
üçün and yeri yaratmaq niyyətilə Dağüstü parkda
1918-ci il şəhidlərinin xələfləri üçün sıra
ilə qəbirlər hazırladılar. çiyinlərdə
gedən cənazələr ucsuz-bucaqsız insan
dənizinin qaralı-qırmızılı rəngli
ləpələrini andırdı. Bunları görə-görə
qərbin "demokratları" susdular, dünyanın "nüfuzlu"
qurumları lal və kar oldular. çünki ölən türk oğulları,
müsəlmanlar idi. Bakı küçələrinin şəhid qanını
Bakı kəndlərinin qucaq-qucaq qırmızı
qərənfilləri əvəz etdi. Vətəndə,
Sovet İttifaqının müxtəlif guşələrində
məhəbbət rəmzi kimi satılıb alınan
qərənfillər birdən-birə poetik obyektə çevrildi:
"Ağla, qərənfil, ağla...". Günahsız qanlar, bir türk oğlu demiş,
hədər getmədi. Bəşər tarixində şair
və azadlıq yolunun əsgəri kimi tanınan, "Şərq
poemaları" ilə sənət aləmində
sevilən lord Corc Bayronun misraları yada düşür: Azadlıq yolunda qalxan bir vuruş, Doğrudur, çox zaman tez susdurulmuş, Lakin ən nəhayət çalmışdır
zəfər, Onundur gələcək, onundur
səhər! Ulu ömər Xəyyam: Əlimdə iqtidar
olsaydı, köhnə fələki yıxıb, hər
kəsin azad, bəxtiyar yaşadığı bir
fələk qurardım, - demişdi. Azərbaycan xalqı azadlığa doğru
yürüşündən qalmadı... İnsanlara, illah da ona sığınıb
pənah gətirənlərə qayğı və
məhəbbətlə yanaşmış Azərbaycan
xalqı məhəbbət və azadlıq arasında seçim
etdi. Jandor Petefi rus əsgərinin qurbanı olmamışdan
əvvəl demişdi: Məhəbbət və azadlıq! De nə var bundan artıq? Məhəbbətçün ölümə inanın
gedərəm mən, Azadlıqçün hər zaman keçərəm məhəbbətdən. Qədirbilməzlərə olan
məhəbbət Azadlıq şəhidlərinə,
onların ruhuna ehtiram və hörmətə çevrildi.
Azərbaycan ədəbiyyatına yeni və əbədi
bir mövzu gəldi: 20 Yanvar... Şəhidlərlə bağlı
Bəxtiyar Vahabzadənin "Şəhidlər" poeması,
Rafiq Səməndərin tarixi-publisistik kitabı,
Məmməd Aslanın "Ağla, qərənfil, ağla"
şeiri, xalq yazıçısı Sabir Əhmədovun 20
Yanvar mövzulu hekayələri... yarandı. İstedadlı
rejissor Vaqif Mustafayev tarixi faciə-hadisəni əks
etdirən bədii film çəkdi. Zaman keçdi, 20 Yanvar
faciəsinin təşkilatçıları və başçıları
tarix-hakimin hökmünü daddılar... Bunlar faktlardır, danılmaz
faktlar... *** Əsrlər ötəcək, Azərbaycan
tarixi dönə-dönə yazılacaq, XX əsrin 90-cı
ilində baş vermiş 20 Yanvar hadisəsi Azadlıq
hərəkatı kimi qiymətləndiriləcək, Dağüstü
park - Azadlıq şəhidlərinin uyuduqları məkan
müqəddəs yer kimi əbədi ziyarət yeri olacaq. Azərbaycan xalqı öz azadlığını
Azadlıq şəhidləri və Azadlıq mücahidlərinin
qanı, canı və mübarizəsi hesabına yenidən
qazandı. Bir arzu olan azadlıq həqiqətə çevrildi.
Xalq şairi, müdrik el ziyalısı, alim-mübariz
Bəxtiyar Vahabzadənin poetik qənaəti də bunu
təsdiq edir: İnsan azadlığı ilk arzu sanmış, Bu söz bir işıqdır insana darda. Azadlıq, azadlıq! Tarix yaranmış, Bu amal uğrunda vuruşmalarda! Azadlığın keçdiyi vuruşmalar
arxada qalıb. Bu gün 20 Yanvar şəhidləri
Fərizə, İlham, Xəlqan və onlarca başqalarının
adlarını daşıyan gənclik tarixi yaşatmaq,
tarixin yeni mərhələsini salnamələşdirmək
üçün təhsil alır, tarixi öyrənirlər... Ş.MƏMMƏDOV "Həyat
üçün doğulmuşuq, Vətən üçün ölməliyik" 20 Yanvar 1990-cı il. Bu tarixi hər
dəfə xatırladıqca, o dəhşətli
faciənin yaşandığı gün gözlərimiz önündə
yenidən canlanır. Azərbaycanın müstəqilliyi, azadlığı
uğrunda canlarından keçmiş oğul və qızlarımızın
qəhrəmanlıqları bu gün böyüməkdə olan
gənc nəslə bir örnək, nümunədir. Şəhidlik zirvəsinə ucalmış
mərd oğul və qızlarımızın xatirəsi
hər zaman ehtiramla anılır, onların adları
müxtəlif yerlərə verilməklə
əbədiləşdirilib. Vətənimizin müstəqilliyi
naminə canından keçən şəhid oğullarımızdan
biri ülvi Bünyadzadənin təhsil aldığı ali
məktəbdə - Azərbaycan Dillər Universitetində
də onun adını daşıyan muzey-lektoriya
fəaliyyət göstərir. 1992-ci ildə universitet rəhbərliyinin
təşəbbüsü və dəstəyi ilə yaradılan
muzey 2001-ci ildə daha da genişləndirilib. Əsaslı
şəkildə təmir olunan muzey-lektoriya tərtibat baxımından
tamamilə yenidən qurulub. Muzeyə gələnlər ilk olaraq xalqımızın
qəhrəman oğlu ülvinin rəngli boya ilə çəkilmiş
portreti ilə qarşılaşırlar. ülvi Bünyadzadənin
vaxtilə yazdığı: Döyüşlərdə yoğrulmuşuq Gələcəyə qaranquşuq, Həyat üçün doğulmuşuq, Vətən üçün ölməliyik, - misraları isə onun necə
vətənpərvər, xalqımızın azadlığı,
müstəqilliyi uğrunda canını qurban verməyə
hazır olmasından soraq verirdi. ülvi Azərbaycan Dillər Universitetinin
ingilis dili fakültəsinin tələbəsi idi. Təhsil
aldığı az müddətdə müəllimlərin
və tələbə yoldaşlarının
sevimlisinə çevrilmişdi. ülvi həm də şairlik
istedadına malik idi. Gözəl şeirlər yazardı.
İndi onun adını daşıyan muzey-lektoriyada
qəhrəman gəncin şeirlərindən
ibarət çoxlu sayda kitabları görmək mümkündür.
Muzeydə onun yarımcıq
yaşanmış həyatının müxtəlif
məqamları ilə bağlı materiallar, respublikanın
bir çox mətbu orqanlarında qəhrəmanlığından
bəhs edən oçerk və məqalələr öz
əksini tapıb. Muzey-lektoriyada tanınmış şairlərimizdən
Xəlil Rza Ulutürkün, Hüseyn Arifin, Qasım Qasımzadənin,
görkəmli alim Nizami Cəfərovun,
yazıçı Hidayətin ülvi haqqında dedikləri
fikirlərlə tanışlıq bu gənci şəxsən
tanımayanlarda belə onun
haqqında tam təsəvvür yarada bilir. ülvi Bünyadzadənin
ölümündən qabaq yazdığı and gəncin çox qısa zamanda amansız ölümlə
üzləşməyindən sanki xəbərdar olduğunu
deyirdi. Həmin andda da ülvi öz doğma Vətəni, torpağı
uğrunda canından keçməyə hazır olmasını
qeyd edirdi. çox qısa bir ömür yaşamasına
baxmayaraq, ülvinin adı xalqımızın
qəhrəmanlıq salnaməsinə düşdü. Onu da qeyd
edək ki, ADU-nun müəllim və tələbə
kollektivi ülvi Bünyadzadənin muzey-lektoriyasında tez-tez
olur. Hər il sentyabrın 23-də ülvinin ad günündə
universitet rəhbərliyinin, professor-müəllim
heyətinin, tələbələrin, şəhidin atası
Yusif Bünyadzadənin iştirakı ilə xatirə
gecəsinin keçirilməsi artıq ənənə halını
alıb. Yanvarın 19-da daha geniş tədbir keçirilir.
Tədbir iştirakıları Şəhidlər Xiyabanına
gedərək ülvinin məzarı üzərinə
universitetin kollektivi adından əklil qoyurlar. Muzeylə tanış olan hər bir kəs
isə buradakı xatirə kitabında öz qeydlərini
edir, igid, mərd oğlumuzun mübarizliyi,
vətənpərvərliyi qarşısında baş
əyərək, onun haqqında xoş sözlər
deyirlər. ülvi Bünyadzadə muzey-lektoriyasında
təkcə universitetin müəllim və
tələbələri deyil, eyni zamanda orta
məktəblərin pedaqoji və şagird kollektivləri
də tez-tez olur, şəhid gəncin həyat və
fəaliyyəti ilə yaxından tanış olmaq imkanı
əldə edə bilirlər. Adı vaxtilə təhsil aldığı
ali təhsil ocağında ehtiramla anılan,
əbədiləşən ülvi Bünyadzadə ölümündən
neçə illər keçsə də, digər şəhid oğul
və qızlarımız kimi hər zaman
qəlblərdə yaşayır və yaşayacaqdır. Samirə KƏRİMOVA, Hicran ƏKBƏROVA Hər kəsə nəsib olmayan bir ucalıq... Bu
gün inana bilmirəm ki, 13 yaşlı məktəbli İlqarın
ölümündən 18 il keçir. O qorxunc gecə İlqar azadlıq
mücahidlərini qışın sazağından qorumaq
üçün balaca qucağında odun daşıyırdı.
İmperiya əsgəri atəş açaraq onu ölümcül
yaraladı. İlqarı xəstəxanaya çatdırsalar
da, həyatını xilas etmək mümkün olmaldı... İlqar İbrahimov 1990-cı ildə Bakının
Yasamal rayonundakı 167 nömrəli orta məktəbin VII
"A" sinfində oxuyurdu. Vaxtilə təhsil aldığı
bu məktəb indi onun adını daşıyır. İlqarın əziz xatirəsi müəllimləri,
şagird yoldaşları, məktəbdə təhsil alan
uşaqlar tərəfindən həmişə böyük hörmət
və məhəbbətlə yad edilir. Budur, 20 Yanvar şəhidi İlqar İbrahimovun
adını daşıyan 167 nömrəli məktəbin
foyesində onun xatirəsini əbədiləşdirən
"Şəhidlik hər kəsə nəsib olmayan bir
ucalıqdır" adlı guşənin önündəyəm. ...İlqarın yuxarı başda qoyulmuş,
tər qərənfillərə qərq olunmuş iri
portretindəki xoş təbəssümlü çöhrəsi, gülən
gözlərindəki mənalı baxışı insanın
qəlbinə hakim kəsilir... O, müəllimləri və
sinif yoldaşlarının əhatəsində necə
də qayğısız görünür... İlqar
məktəblərində keçirilən müxtəlif
tədbirlər zamanı... Onun Şəhidlər Xiyabanındakı
məzarını ziyarətə gəlmiş
məktəbin direktoru Qələndar Qələndarov
və tərbiyə işləri üzrə direktor müavini
Cavid Quliyev fəxri keşikdə dayanıblar... Sinif yoldaşları
Elnur, Fərəh, Fəxriyyə, Elşən, Səid,
Aygün və başqalarının əllərində
tər qərənfillər, çöhrələrindən sonsuz
kədər sezilir... Mən bu şəkillərə baxanda
elə bil ki, qəm yükü çökdü ürəyimə. Sanki sovet
imperiyasını lənətləyən ana harayı,
yeganə oğlunu itirən ata hıçqırtısı
səsləndi qulaqlarımda. Elə bil kədərin
qəlbimi sızladan ağrılığından kiçildim... Məktəbin direktoru Qələndar
Qələndarov dedi ki, hörmətli nazirimiz Misir
Mərdanovun 20 Yanvar faciəsinin 18-ci ildönümü ilə
əlaqədar verdiyi əmrdən sonra biz də
məktəbdə 20 Yanvar faciəsi ilə bağlı keçirəcəyimiz
tədbirlərin planını əmrləşdirmişik.
Əlbəttə, bir gün əvvəl Şəhidlər
Xiyabanına gedəcək, bütün şəhidlərimizlə
bərabər məktəbimizin şagirdi İlqar İbrahimovun
da qəbrini ziyarət edəcəyik. Həmin gün
məktəbdə ilk dərsimiz 20 Yanvar faciəsinə
həsr olunacaq. Sonra İlqar İbrahimova həsr olunmuş
guşənin önündə həm onu, həm də bütün
şəhidlərimizi yad edəcək,
onlara Allahdan rəhmət diləyəcəyik. Onu da
deyim ki, qanlı Yanvar faciəsindən on səkkiz il ötməsinə
baxmayaraq, qırğının miqyasını göstərən
rəqəmləri də dönə-dönə şagirdlərimizə
və tədbir iştirakçılarına xatırladacağıq:
Azərbaycanın azadlığı, müstəqilliyi uğrunda
mübarizədə həmin gün 131 nəfər canını
qurban verdi, 744 nəfər yaralandı, 841 nəfər
qanunsuz həbs olundu. Hərbi təcavüzkarlar
tərəfindən 200 ev və mənzil, 80 avtomaşın
yandırıldı. Məktəbimizdə yanvarın 19-da
keçirəcəyimiz tədbirə şəhid İlqar
İbrahimovun valideynləri də dəvət olunacaqdır.
20 Yanvar faciəsinə həsr edilən tədbirimiz şagirdlərimizdə
əsl vətənpərvərlik ruhu aşılayacaqdır... Bu məktəbdə şəhid İlqar
İbrahimovun Azərbaycan dili müəllimi olmuş Solmaz
Dəmirova öz sevimli şagirdi haqqında belə dedi: - Ona
birinci sinifdən beşinci sinfə qədər dərs
demişəm. O, çox yaraşıqlı, gözəl, sakit
təbiətli bir şagird idi. Başqa fənlərlə
bərabər, Azərbaycan dilini də çox sevirdi. Həm
də poeziya həvəskarı idi. Ən əsası
vətənpərvər idi. Mən onların evində
də olmuşam. Ailələrində də onu çox
sevirdilər. Hətta bacısı Səbinə öz oğluna
qardaşı İlqarın adını qoyub. İnanın
ki, o, sağ olsaydı, yenə də Vətən üçün
canından keçməyə hazır olardı... Bəli,
qoy İlqarın yoxluğuna nə ölüm sevinsin, nə
də ki, düşmən. İndi düz on səkkiz ildir ki, ömrünün
təzə-tər çiçək çağını yaşayan
İlqar dünyasını dəyişib. Onun son və
əbədi mənzili bizim and yerimiz olan Şəhidlər
Xiyabanıdır. Ədalət DAŞDƏMİRLİ Şəhid
adı müqəddəsdir Faciə
zamanı həlak olanların xatirəsi xalqımız
tərəfindən hər il yad olunur. Onların
ailələri dövlət qayğısı ilə
əhatə olunub. Göstərilən qayğının
nə dərəcədə həyata keçirildiyini öyrənmək
məqsədilə 20 Yanvar şəhidi Telman Məlik oğlu
Bağırovun ailəsində olduq. Telman Bağırov Lənkəranın
Liman şəhərində anadan olub. Doğulduğu
şəhərin 1 nömrəli məktəbində
təhsil alan Telman ailə vəziyyəti ilə
əlaqədar 1976-cı ildə Bakıya köçüb. Peşə
məktəbində kinomexanik sənətinə
yiyələnən T.Bağırov sonra ordu sıralarında
xidmət etmişdir. Ordudan tərxis olunduqdan sonra mühafizə
xidmətində işləyən Telman o vaxtkı Milis
məktəbində təhsilini davam etdirmişdir. Qarabağ
döyüşlərində dəfələrlə iştirak
edən T.Bağırov 20 yanvar ərəfəsində Bakıya
qaytarılır. 20 Yanvar gecəsində yaralıların
daşınmasında xüsusi fəallıq göstərən
Telman Bağırov düşmən tərəfindən
qətlə yetirildi və şəhidlik zirvəsinə
ucaldı. Şəhid anası Ofelya Bağırovanın
dediklərindən: - Telman Bağırov şəhid olduqdan
sonra onun yası saxlandı. ölümündən 20 gün sonra övladı
dünyaya göz açdı. Daxili İşlər Nazirliyinin köməyi
sayəsində yaşadığı evin divarına
xatirə lövhəsi vuruldu. Müxtəlif yardımlar
təklif olundu. Şəhid ailəsi kimi kommunal
xərclərini ödəməkdən azad olunduq. Şəhidin adını daşıyan
Telman Bağırov adına küçəyə (dalan) getdik.
Dalan digərlərindən heç nə ilə
fərqlənmir. Abadlıq işləri aparılmayıb.
Biz İçərişəhərin, konkret olaraq bu dalanın
abadlıq işlərinə birbaşa cavabdeh olan qoruğun
məsul əməkdaşına müraciət etdikdə
bildirdi ki, ümumiyyətlə, İçərişəhərdə
son dövrlərdə xeyli abadlıq işləri görülüb.
Kompleks təmir işləri aparıldıqca Telman Bağırov
adına dalan da abadlaşacaq. Şəhid
ailələrinə diqqətin daha da artırılacağı
ümidilə biz oradan ayrıldıq. Fazil İDRİSOĞLU, foto müəllifindir Yazmışıq
təqvimə qan ilə bu Yanvar qışını! Müdrik
filosoflar deyib ki, insanın fəaliyyət
meydanı zamandır. Bu arqumenti meydan istəyən
hər bir yaradıcı şəxsə şamil
etsək, bu mənada mənim də fəaliyyət meydanım
qaynar ictimai proseslərin özü oldu: zamanın səsi
qəlbin diqtəsi: - Qarabağ hadisəsi... Topxanada
minillik palıdın, cökənin, vələsin, qovağın
gövdəsi baltalanırdı. Daşnak baltasının ağzından
qopan bu ağrı - fəryad, bütün Azərbaycanı ayağa
qaldırmışdı... Təkcə ağac baltalanmırdı,
Azərbaycanın əbədi Qarabağı - folkloru,
etnosu, dili, təfəkkürü, muğamı, milli xarakteri
və torpağı baltalanırdı. Buna görə də
bütün millət qalxmışdı... Və təbii olaraq
mən də millətin bir oğlu-övladı kimi
hadisələrin içində idim. 1990.19 Yanvar... mən Milli
Akademik Teatrda məşqdən çıxıb axşam
tərəfi şəhərin insanlarla əhatə olunmuş
toplantılara baş çəkdim. Şəhərə
səs yayılmışdı ki, Bakıya hücum olacaq.
Əgər hücum olsa, bunun qarşısını necə
alacağıq? Sonuncu toplantı Milli Teatrın binasında
keçirilərkən bu məsələ müzakirə olunurdu.
Verilən suallardan və çaşan insanların səs
və qışqırığından Əbülfəz
Əliyev tribunadan düşdü və küskün halda zalın
arxasına getdi. Etibar Məmmədov insanları zorla
sakitləşdirdi. Bu zaman Nemət Pənahov tribunaya qalxdı
və elan etdi ki, narahat olmayın, bizə Fransadan iki vaqon
avtomat silah və patron gəlib. Bu gün - sabah o silahları
sizə paylayacağıq! Mən küçələrdə tonqal ətrafındakı
insanlarda heç bir silah görmədim və əslində də
silah yox idi... Gec olduğu üçün mən evə getdim... ...Ey Vətən oğlu, Vətən övladı,
sil göz yaşını! Qan haçan yerdə qalıb? Tazələ
öz yaddaşını! çox görüb Qabil, Azərbaycanım işğal
qoşunu, Yazmışıq təqvimə qan
ilə bu Yanvar qışını... Tarix boyu, zaman-zaman Azərbaycanın kürəyinə
yağı düşmənlərimiz qanlı
xəncərini vurub! Ana Vətən bu zərbədən
diz çöküb... Fəqət yıxılmayıb, özündə güc,
qüvvə toplayıb ayağa qalxıb... Və həmin
silahı öz düşməninə çevirib... Həmin gün mən xəstəxanalarda
yaralanmış və dünyasını dəyişən
şəhidlərlə birlikdə qaranlıq dünyada xilas
yolu axtarırdıq... 21 yanvar. Mərkəzi Komitənin binası
önündə üstümüzə yeridilən BTR-in qabağında
əlim belimdə şəstlə durmuşdum, başımın
üstündən BTR-in üstündəki pulemyotlardan atəşlər
açılır və bizə "xox" gəlirdi və
s... 22 yanvar. Şəhidlərin dəfni... Bütün
Bakı meydandadır... 26 yanvar... Səhər Həsənağa
Turabovun kabinetində quraşdırılmış telegüzgüdə
"20 Yanvardakı qırğının lentinə baxırıq.
Böyük otaqda tanıdığım və tanımadığım
çox insanlar var... Mən teatrdan çıxıb akademiyaya Bakı-Sumqayıt
yolunda faciəli qətlə yetirilmiş elm xadimlərinin
dəfninə yollanıram. Qapıda Əbülfəz
bəylə qarşılaşdım: - Mən
dəfnə gedirəm, siz gələcəksinizmi? - soruşdum.
Bəlkə gəldim! - dedi!..". Akademiyanın zalına girəndə insan
əlindən yer yox idi. Şair Xəlil Rza Ulutürk məni
görcək: - "Qalx tribunaya, mikrofonu götür, məclisi
aç, sözü ver mənə, dedi! Mənim sükutumu görən
Xəlil bəy pəjmürdə və qəzəblə
tələbini mənə bildirdi. Mən dedim ki, Xəlil
bəy, mən burada səlahiyyətsizəm! O, özünə məxsus tərzlə: - Əzizim,
burada iki səlahiyyət sahibi var, biri sənsən, biri
mən! Bu ara H.Turabov məni yanına çağırdı
və bildirdi ki, hökumət tərəfindən
məsləhət görülüb ki, sən çıxış
edəsən və xalqa səbr diləyəsən.
Məni zalın arxasına apardılar. Qazaxıstandan
gəlmiş böyük nüfuz sahibi şair və ictimai xadim
Oljas Süleymenov akademik Ziya Bünyadovla söhbətləşirdi
və elm xadimlərinin çoxu burada idi... Akademiyanın vitse-prezidenti U.Ələkbərov
mənə yaxınlaşıb: - çalış çıxışın
sərt olmasın, - dedi!.. Akademik
B.Nəbiyev məclisi açıb sözü rus və yəhudi
icmasına verdi, sonra isə O.Süleymenova. Oljas
təmkinlə xalqımıza başsağlığı
verdi. Və xalq adından söz mənə verildi. Mən Bakının
bugünkü mənzərəsini 1920-ci il - 28 aprelə, XI Qırmızı
Ordunun Bakıya girməsilə müqayisə etdim və
M.Hadinin şeirini oxudum. Mən
çıxışımı Əli bəy Hüseynzadənin
"Qəm üstə səbr et, bu da yahu keçər"
şeiri ilə yekunlaşdırdım. Əli NUR, respublikanın əməkdar artisti Qranitləşmiş
qəhrəmanlıq və ya baxımsız abidə 20 Yanvar faciəsini, 18 il öncə azadlıq,
müstəqillik arzusu və tələbi ilə küçələrə,
meydanlara axışan xalqımızın başına
gətirilmiş müsibəti, təpədən-dırnağadək
silahlanmış imperiya qoşunlarının qarşısına
əliyalın çıxmış insanların
qəhrəmanlığını, azadlığa atılan
güllələrdən şəhid olmuş
həmvətənlərimizin xatirəsini tarix və bir
də onların şərəfinə ucaldılmış
abidələr əbədiləşdirir,
gələcək nəsillərə çatdırır. Bu
xatirənin qəlblərdən silinməməsi, daim
qəhrəmanlıq, vətənpərvərlik duyğuları
doğurması üçün tarixi yaxşı bilmək, yaddan çıxarmamaq,
abidələri isə qorumaq lazımdır. çağdaş tariximizin qəhrəmanlıq
səhifəsi olan 1990-cı ilin 20 Yanvar
hadisələrini, bu hadisələr zamanı göstərilmiş
kütləvi qəhrəmanlığı yaşadan, xatırladan
abidələr istər paytaxtımızda, istərsə
də bölgələrdə çoxdur. Onlardan biri Bakının
şimal girişinin yaxınlığında yerləşən
və şəhərin ən gur yerlərindən biri sayılan
"20 Yanvar" meydanındakı abidədir. İmperiya qoşunlarının daha çox
amansızlıq göstərdiyi həmin yer vaxtilə "XI
Qızıl Ordu" meydanı adlanırdı.
Faciədən sonra meydana da, onun altındakı metro
stansiyasına da "20 Yanvar" adı verildi. 20 Yanvar
şəhidlərinin xatirəsinə ucaldılmış
abidə metro stansiyasının "Azərsu"
Səhmdar Cəmiyyətinin binası istiqamətindəki
çıxışının yanında yerləşir.
Faciənin ildönümünün qeyd olunduğu bu günlərdə
qəhrəmanlıq simvolu olan abidənin nə
vəziyyətdə olduğunu, necə ziyarət edildiyini
müəyyənləşdirmək üçün yanvarın 16-da
yolumuzu "20 Yanvar" meydanından saldıq, xeyli müddət
abidənin yanında durub müşahidələr apardıq.
Doğrusu, bura gələndə abidənin önündə çoxlu
gül-çiçək, ətrafının
məktəblilərlə dolu görəcəyimizi güman
edirdik. Fikirləşirdik ki, başqa vaxt olmasa da, indi bura
qələbəlik olar. Axı 20 Yanvar ölkədə milli
matəm günü kimi qeyd olunur. Hər il onun ildönümləri keçirilir.
Hazırda hər yerdə, o cümlədən təhsil
ocaqlarında faciənin 18-ci ildönümü ilə bağlı
müxtəlif tədbirlər təşkil olunur. Bununla
əlaqədar Təhsil Nazirliyinin xüsusi əmri olub,
tədbirlər planı təsdiq edilib. Planda şəhidlərin
xatirəsinə ucaldılmış abidələrə
şagird və tələbələrin ziyarətini
təşkil etmək nəzərdə tutulub. Lakin gümanımız doğru çıxmadı.
Abidənin önündə nə gül-çiçək gördük, nə
də ətrafında ziyarətə gəlmiş
məktəblilərlə rastlaşdıq. Əksinə,
bir baxımsızlıq, laqeydlik hiss etdik. Metro stansiyasının
girişinə, avtobus dayanacağına yaxın olan
abidənin ətrafında adamlar qaynaşsa da, ona fikir
verən, önündə ayaq saxlayan, şəhidlərin ruhuna
dua oxuyan yox idi.. Gördüklərimiz bizdə acı
təəssüf hissi doğurdu. İstər-istəməz
fikirləşdik: evlərinin, irili-xırdalı dükanlarının,
ticarət mərkəzlərinin fasadları növbənöv
mərmərlərlə bəzədilmiş şəhərdə
suvağı bir neçə yerdən qopmuş, çatlamış
kiçik bir daş abidəni qranitlə, mərmərlə
əvəz etmək, onda bərpa işləri aparmaq,
ətrafında səliqə-sahman yaratmaq görəsən çoxmu
çətindir? Onların göstərdiyi qəhrəmanlığa
layiq olmayan belə uçuq-sökük abidəyə görə şəhidlərimizin
ruhu bizdən inciməzmi? Y.HƏSƏNƏLİOĞLU Şəhidlər
unudulmurlar Azadlığa doğru çətin, uzunmüddətli,
lakin çox şərəfli bir yolda ilk qanı axıdılanlar
içində şəhid Aslan Ağaverdiyevin də qanı
vardı. Həmin vahiməli gecəni 31 nömrəli
məktəbin rus dili müəllimi, şəhidin həyat
yoldaşı Zərifə xanım belə xatırlayır: - "Aslan şərabçılıq üzrə
texnoloq idi. Həmişə mitinqlərdə iştirak
edər, meydanlarda olardı. O, ehtiyatda olan zabit idi. çox mübariz,
mərd, cəsarətli bir insan idi. Qorxu nə olduğunu
bilməzdi. Dostları onu "partizan" deyə çağırırdılar.
O müdhiş gecədə uşaqlı-böyüklü hamı
"Naxçıvan" mehmanxanasının ətrafına yığışmışdı.
Axşamüstü saat 6 olardı, Aslan işdən
təngənəfəs gəldi və tez də evdən
çıxdı. Paltosunu geyməyi yaddan çıxarmışdı,
çağırdım - soyuq olar, - dedim. özüm yola saldım.
19-dan 20-sinə keçən gün...". Bir anlığa
Zərifə xanımın gözləri yol çəkdi.
Qəhər onu boğdusa da, sözünə davam etdi: -
"Səhərisi 20 Yanvar günü Semaşko
xəstəxanasından xəbər verdilər ki, Aslan ayağından
yüngül yaralanıb. Qohum-əqrəba yığışıb
getdik. Başına gələnləri bizə nəql
etdi. Güllə qarın nahiyəsindən
dəymişdi. 38 yaşında ikən gözlərini
əbədi olaraq yumdu. O qanlı-qadalı, həyəcanlı
günləri Tanrı bir daha xalqımızın başına
gətirməsin... 3 qızım bu məktəbin
məzunudur. Afaq, Şəbnəm, Məsmə. üçü
də ali təhsillidir. 10 yaşlı nəvəmə
Aslanın adını qoymuşam. İşlədiyim 31 nömrəli
məktəb 1995-ci ildən şəhid Aslan Ağaverdiyevin
adını daşıyır... Vətəni sevmək, onu qorumaq lazım
gələndə yolunda canını
əsirgəməmək. Şagirdlərin bu ruhda
tərbiyə olunmasına çalışdığını
deyən məktəbin direktoru Şükufə
Məmmədsalahova qeyd etdi ki, Aslan Ağaverdiyev bu
məktəbin məzunu olub. Aslan 1990-cı ilin 20 yanvar günündə
canını Vətənin azadlığı yolunda qurban
verərək şəhidlik zirvəsinə ucaldı.
Məktəbdə şəhidin büstü qoyulub. Tarix
kabinetində onun portreti asılıb. Aslanın həyatı
ilə bağlı stendlər, guşələr yaradılıb. Məktəbin 102 nəfərlik
müəllim kollektivi, 819 nəfərlik şagird
kontingenti qəhrəmanlıq nümunəsi göstərən
məzunların xatirəsini daim yaşadır, yad
edirlər. Hər il olduğu kimi, bu il də 20 Yanvar
faciəsini yad edib silsilə tədbirlər keçiririk. Xüsusi
istedada malik olan balaca rəssamlarımızın əl işlərindən
ibarət "20 Yanvar
faciəsi şagirdlərin gözü ilə" rəsm
sərgisi hazırlanır. "Şəhidlərimizin
ruhu bizi mübarizəyə səsləyir"
ədəbi-bədii musiqili kompozisiya hazırlamışıq. Məktəbimizin şagirdləri 20 Yanvar
şəhidləri haqqında öz fikirlərini yazılı
şəkildə bizə təqdim ediblər. Onları
oxuyuruq: - Mən əsgər olacağam,
Vətənimizin hər qarışını qoruyacağam,
şəhidlər rahat yatsın. - 20 Yanvar şəhidlik zirvəsidir,
əsla unutmamalıyıq ki, onların ruhu bizi mübarizəyə
səsləyir. - Arzum budur ki, Azərbaycan torpağının
hər qarışından azadlıq nəğməsi
ucalsın... Şükufə xanım fikrini yekunlaşdırıb
dedi: - Xalqımızın qan yaddaşına
əbədi həkk olunan 20 Yanvar faciəsi bəşəriyyət
tarixində insanlığa qarşı törədilmiş
ən ağır cinayətlərdən biridir. O gündən
18 il ötsə də, bu tarixi heç kəs unuda bilmir və
unutmağa haqqı yoxdur. Nə qədər dünya durur
və biz yaşayırıq, şəhidlərimizin ruhu
daim anılacaq, əziz xatirələr yaşayacaq, yaddaşlardan
silinməyəcək. Sifai SƏFƏROVA |