|
|
· Ana səhifə· Rəsmi· Heydər Əliyev Fondu· Əmrlər, sərəncamlar· Təhsil Nazirliyində· Xəbərlər· Pedaqoji yazılar· Məktəblərimiz· Bizimlə əlaqə
|
Bakı şəhərində M.V.Lomonosov adına Moskva Dövlət Universitetinin filialının açılması haqqında Azərbaycan Respublikası Prezidentinin
Sərəncamı Azərbaycan müstəqilliyini bərpa
etdikdən sonra ölkədə təhsil sahəsində genişmiqyaslı
islahatlar proqramı həyata keçirilir, özəl sektor formalaşır,
respublikanın beynəlxalq təhsil məkanına
inteqrasiyası prosesi sürətlənir. Azərbaycan vətəndaşlarının
Rusiya Federasiyasının nüfuzlu ali
məktəblərində təhsil almaq istəyi
respublikada yüksək səviyyədə tədris həyata
keçirən mötəbər bir universitetin filialının açılmasına
zərurət yaratmışdır. M.V.Lomonosov adına Moskva Dövlət
Universitetinin rəhbərliyinin Bakı şəhərində
universitetin filialının açılması ilə bağlı
təklifini nəzərə alaraq qərara alıram: 1. Azərbaycan Respublikasının
Nazirlər Kabineti öz səlahiyyətləri daxilində
M.V.Lomonosov adına Moskva Dövlət Universitetinin Bakı
filialının açılması və onun maddi-texniki bazasının
yaradılması ilə bağlı
məsələləri həll etsin. 2. Bu sərəncam imzalandığı
gündən qüvvəyə minir. İlham ƏLİYEV Azərbaycan Respublikasının Prezidenti
Bakı şəhəri, 15 yanvar 2008-ci
il.
|