|
|
· Ana səhifə· Rəsmi· Heydər Əliyev Fondu· Əmrlər, sərəncamlar· Təhsil Nazirliyində· Xəbərlər· Pedaqoji yazılar· Məktəblərimiz· Bizimlə əlaqə
|
Qış
imtahan sessiyası davam edir BAKI DöVLƏT UNİVERSİTETİ Qış
imtahan sessiyasının gedişini müşahidə
etmək məqsədilə yanvarın 15-də Bakı Dövlət
Universitetinə getdik. öncə zala toplaşan fakültələrin
nümayəndələri - koordinatorlar, müəllimlər,
nəzarətçilər və müşahidəçilər qarşısında
keçirilən imtahanların nəticələri
barədə qısa məlumat verən BDU-nun prorektoru Vüsət
Əfəndiyev bildirdi ki, çoxlu sayda tələbə
imtahan verib, onlardan cəmi 52-si
qeyri-kafi qiymət alıb. Bəzi yoxlamalar və
təhlillər aparıldıqda məlum olub ki, 1-ci
ilə 2-ci yoxlama arasında
müəyyən fərqlər yaranıb. Auditoriyalarda
məsuliyyətin tam olaraq koordinatorların
çiyinlərinə düşdüyünü bildirən prorektor
təsdiq olunmuş neqativ faktların
əksəriyyətinin yerində həll olunduğunu qeyd
etdi. Müvafiq tövsiyələrini verən V.Əfəndiyev
imtahan keçirilən otaqların bölgüsünü və
koordinatorları elan etdi, onlara lazımi sənədlər
təqdim olundu. Sonra imtahanların təşkili və gedişi
prosesini müşahidə etmək üçün bir neçə fakültədə
olduq. Hüquq fakültəsinin dekan əvəzi, hüquq
elmləri doktoru Firudin Səməndərov, tarix fakültəsinin
dekanı, tarix elmləri doktoru Sani Hacıyev və coğrafiya
fakültəsinin dekan müavini Elxan Nuriyevin məlumatlarından
aydın oldu ki, qış imtahan sessiyasına hazırlıq
işləri rektorluğun əmrinə əsasən
təşkil edilir. Müvafiq lövhədə dərs ilinin
əvvəlində bütün qrupların
tələbələrinə imtahan keçiriləcək
fənlərin siyahısı göstərilir, onlara suallar
təqdim edilir. İmtahanların şəffaf və
obyektiv keçirilməsi üçün universitetin tanınmış
əməkdaşlarından ibarət nəzarətçilər
və Tələbə Həmkarlar İttifaqı
Komitəsinin nümayəndələri tərəfindən müşahidəçi
qrupları təşkil edilib. Onlar imtahanların gedişini
izləyərək toplanmış informasiyaları
dəqiqləşdirir, BDU-da yaradılmış
nəzarət qərargahına ötürürlər. Aşağı mərtəbədə
qoyulmuş təklif və iradlar qutusundakı müraciətlərə
dərhal reaksiya verilir. Onlar qeyd etdilər ki, 100 ballıq
sistem əsasında monitorinq üsulu ilə aparılan
imtahanlar o birilərindən fərqlənir.
Tələbələrə cavabları ətraflı
yazmaq üçün xüsusi şərait yaradılıb. Onların
tanımadıqları koordinatorların imtahanlarda iştirakı
isə bu prosesin obyektiv keçməsinə əsas verir. Hüquq, tarix və coğrafiya fakültələrinin
bir neçə qruplarında apardığımız müşahidələr
onu göstərdi ki, öncə otaqların isti və işıqlı
olmasına xüsusi diqqət yetirilib.
Tələbələrin hamısı imtahanlarda iştirak
edirdi. Koordinatorlar lazımi izahlarını verirdilər.
Əsasən monitorinq üsulu ilə keçirilən imtahanlarda iştirak
etdiyimizdən burada tələbələrə öz bilik
və bacarığını üzə çıxarmaq üçün
daha yaxşı şəraitin yaradıldığının
şahidi olduq. Bir neçə tələbədən aldığımız
cavab bunu deməyə əsas verdi.
Keçən semestrə nisbətən bu prosesin daha yaxşı
təmin olunduğunu qeyd edən tələbələr
BDU-nun rektoru, millət vəkili Abel Məhərrəmov
və prorektor Vüsət Əfəndiyevin imtahanlara birbaşa
nəzarət etməsini şəffaflığın
və obyektivliyin qarantı kimi qiymətləndirdilər. Reyd zamanı xırda çatışmazlıqlar
qeyd olunsa da, ciddi problemlər aşkar olunmadı.
AZƏRBAYCAN
DöVLƏT İQTİSAD
UNİVERSİTETİ Bu günlərdə imtahanların gedişini
müşahidə etmək məqsədi ilə Azərbaycan
Dövlət İqtisad Universitetində olduq. Birinci korpusda
universitetin ümumi işlər üzrə prorektoru Elçin Əliyevlə
görüşdük. Gəlişimizin məqsədini bilən Elçin
müəllim dedi: - Universitetimizin əyani və qiyabi şöbələrində
14470 tələbə təhsil alır. Onlardan 10263
nəfəri əyani şöbədə oxuyur və hazırda
həmin tələbələr imtahan verir. Təhsil Nazirliyinin imtahanların keçirilməsi
ilə bağlı əmrinə əsasən İqtisad
Universitetinin rəhbərliyi qış imtahan sessiyasına
ciddi hazırlaşmış və əsas
məsələlər elmi şurada
müzakirə olunmuşdur. Hələ dekabrın
5-də 2007-2008-ci tədris ilinin qış
məqbul-imtahan sessiyasının təşkilinə
və gedişinə nəzarət edəcək komissiyanın
yaradılması haqqında əmr verilmişdir. Bu da
imtahanın obyektiv qiymətləndirilməsində mühüm
rol oynayır. Universitetdə yaradılmış
"qaynar xətt" Təhsil Nazirliyinin "qaynar
xətt"i ilə əlaqəli şəkildə
fəaliyyət göstərir. İqtisad Universitetində qış
imtahan sessiyası dekabrın 7-də başlasa da,
hələ ki, ciddi nöqsanlar
aşkar olunmamışdır. Elçin müəllimdən onu da öyrəndik ki,
hazırda bu korpusda universitetin beynəlxalq iqtisadi münasibətlər
və maliyyə fakültələrinin müxtəlif kurs
tələbələri imtahan verir. Biz beynəlxalq iqtisadi
münasibətlər fakültəsinin dekanı Müzəffər
Məmmədovla görüşdük. Müzəffər müəllim
bildirdi ki, imtahan prosesinin hansı səviyyədə keçirildiyini
özünüz də görürsünüz. Əvvəlki illərdən
fərqli olaraq imtahanların keçirilməsi üçün xüsusi
şərait yaradılıb. Beynəlxalq iqtisadi münasibətlər
fakültəsinin əyani şöbəsində 4 ixtisas üzrə
1500-ə yaxın tələbə təhsil alır. Eyni
zamanda fakültədə ümummilli liderimiz Heydər Əliyevin
təşəbbüsü ilə xüsusi istedadlı
tələbələrdən ibarət qrup da
fəaliyyət göstərir. Hazırda fakültəmizdə
Prezident təqaüdünə layiq görülmüş 38
tələbə oxuyur. Bizdə həmçinin 100-ə yaxın
əcnəbi tələbə də təhsil alır. Bu gün
isə beynəlxalq iqtisadi münasibətlər fakültəsində
15 qrupda 350-yə yaxın
tələbə imtahan verir. Bizim əsas məqsədimiz
beynəlxalq aləmdə fəaliyyət göstərə
biləcək yüksək intellektə malik ixtisaslı
kadrlar yetişdirməkdir. Sonra ümumi işlər üzrə prorektor
və dekanla birlikdə beynəlxalq iqtisadi münasibətlər
fakültəsinin III kurs 888-ci qrup tələbələrinin
beynəlxalq statistika fənnindən imtahan verdikləri
auditoriyaya girdik. Qrupda təhsil alan 24 tələbənin
23-ü imtahanda iştirak edirdi. Bir tələbə isə
naməlum səbəb üzündən imtahana gəlməmişdi.
İmtahan yazılı formada aparıldığı
üçün bilet çəkmiş tələbələr onlara düşən
suallar ətrafında fikirləşirdilər. İmtahan götürən
fənn müəllimi dosent Aynur Cabbarova, assistent Bəhruz
Səmədov və koordinator Elçin Əliyev hər
biletdə olan 3 sualdan 2-sinin nəzəri, 1-nin isə
məsələ olduğunu bildirdilər. 3 nömrəli
bileti çəkmiş Sevinc Əliyeva sualların asan olduğunu
dedi və bu imtahandan yüksək qiymət alacağına
əmin olduğunu bildirdi. Həmin fakültənin III kurs 896-cı qrup
tələbələri isə fəlsəfədən
imtahan verirdilər. Bu auditoriyada da imtahanın şəffaf
keçirilməsi üçün hər cür şərait yaradılmışdı.
Baş çəkdiyimiz başqa auditoriyada
isə maliyyə fakültəsinin I kurs 607-ci qrup (rus bölməsi)
tələbələri ilə Azərbaycan tarixindən
imtahan aparılırdı. Bu qrupda təhsil alan 20
tələbənin hamısı imtahanda iştirak edirdi. İmtahanlar qurtardıqdan sonra koordinatorlar
tərəfindən tələbələrdən yığılmış
imtahan vərəqləri kodlaşdırılaraq
qiymətləndirmə komissiyasına təhvil verildi. Qiymətləndirmə prosesi başa çatdıqdan
sonra məlum oldu ki, 888-ci qrupda 13 tələbə
"əla", 5 tələbə "yaxşı",
4 tələbə "kafi", 1 tələbə isə
"qeyri-kafi", 896-cı qrupda 7 nəfər
"əla", 11 nəfər "yaxşı", 4
nəfər "kafi" qiymət alıb. 607-ci qrupun tələbələrindən
isə 7 nəfər "əla", 13 nəfər
isə "yaxşı" ilə qiymətləndirilib.
AZƏRBAYCAN
DİLLƏR
UNİVERSİTETİ Artıq bir həftədən çoxdur ki, ali
və orta ixtisas məktəblərində tədris ilinin
ən məsul dövrü başlanıb. Qış imtahan
sessiyasının həyəcan dolu günlərini yaşayan
tələbələr bu günlərdə bilik və bacarıqlarını
nümayiş etdirirlər. İmtahandan müvəffəq
qiymət alması hər bir tələbənin özündən
asılıdır. Keçilən dərslərə daim hazırlıqlı
gələn, hər zaman yüksək bilik göstərən
tələbələr təbii ki, imtahanlardan da alnıaçıq,
üzüağ çıxırlar. Dərslərdə iştirak
etməyən, laqeydlik göstərən tələbənin
müvəffəq qiymət alması ehtimalı isə,
demək olar ki, sıfıra bərabərdir. Olduğumuz Azərbaycan Dillər
Universitetinin tələbələri də bütün bunları
yaxşı bilirlər. İmtahanların təşkili,
bu prosesin necə həyata keçirildiyini,
tələbələrin imtahanlara hazırlıq
səviyyəsini müşahidə etmək
məqsədilə yanvarın 14-də adıçəkilən
ali təhsil ocağında olduq. Rektorun müşaviri
Səməd Həsənov bizimlə söhbətdə
universitetdə qış imtahan sessiyası
ərəfəsində görülmüş işlərdən
bəhs etdi. Qeyd etdi ki, təhsil nazirinin əmrinə uyğun
olaraq Azərbaycan Dillər Universitetində imtahanların
gedişinə nəzarət etmək, yaranan münaqişələri
operativ həll etmək üçün qərargah yaradılıb.
Tələbə Həmkarlar İttifaqı Komitəsinin
və Tələbə Gənclər Təşkilatının
sədrləri də 5 nəfər üzvü olan bu qurumun işinə
cəlb olunub. Sessiya müddətində universitetdə şikayətlərin
obyektiv və operativ həllini təmin etmək
məqsədilə "qaynar xətt" fəaliyyət
göstərir. Səməd Həsənovun məlumatına
görə, yanvarın 14-də I növbədə ingilis dili-1
fakültəsinin Azərbaycan və rus bölmələrinin 204
tələbəsi 3 fənn üzrə - ümumi dilçilik, ingilis
dilinin üslubiyyatı və ingilis dilinin praktik fonetikasından
imtahan verirdi. II növbədə isə avropaşünaslıq
və beynəlxalq münasibətlər fakültələrinin
tələbələri öz biliklərini nümayiş
etdirəcəkdilər. Söhbət zamanı onu da öyrəndik
ki, bu təhsil ocağında imtahanlar artıq bir neçə
ildir ki, yalnız çoxballı sistemlə aparılır. Sonra ingilis dili -1 fakültəsinin dekanı
Əfqan Abdullayevlə auditoriyalara gedərək imtahanların
gedişini müşahidə etdik. 501 və 503 nömrəli
otaqlarda 9 qrupda təhsil alan 75 dördüncü kurs
tələbəsi ümumi dilçilik fənnindən imtahan
verirdi. 501-də artıq biletindəki 5 sual üzərində
düşünən 15 tələbə qalmışdı.
İşini başa vuranlar imtahan vərəqlərini
qeyri-ixtisas fənn müəllimi olan nəzarətçi
Azadə Mikayılovaya təhvil verib otaqdan çıxırdı. 502 və 504 nömrəli auditoriyalarda isə
fakültənin dördüncü kursunda oxuyan 9 qrupun
tələbələri ilə ingilis dilinin üslubiyyatı
fənnindən imtahan aparılırdı. Gülşən
Məhərrəmovanın nəzarətçi olduğu otaqda
cəmi 7 tələbə qalmışdı. Qeyd edək ki, Azərbaycan Dillər
Universiteti iki ildir ki, Boloniya prosesinə qoşulub. Onun
şərtlərinə uyğun olaraq həmin vaxtdan
universitetə qəbul olunanlarla tədris və imtahanlar
kredit bal sistemi ilə aparılır. Getdiyimiz növbəti
otaqda rus bölməsinin II kursunda oxuyan 6 qrupun
tələbələri bu üsulla ingilis dilinin praktik
fonetikası fənnindən imtahan verirdilər. Son iki
tələbə də işini tamamlayıb otağı
tərk etdi. Saat 12.00-da imtahan başa çatdı və
nəzarətçi müəllim Səadət Abdurahmanova imtahan
vərəqlərini kodlaşdırma otağına
gətirərək Xatirə Şıxəliyevaya
təhvil verdi. Ə.Abdullayev bildirdi ki, kodlaşdırıldıqdan
sonra fənn müəllimləri elə həmin gün bir neçə
saat ərzində işləri yoxlayaraq
qiymətləndirəcək. çoxballı sistemə uyğun
olaraq tələbələrin semestr ərzində bir neçə
göstərici əsasında ümumi fəaliyyəti (maksimum
50 bal) və imtahanda 5 sualın hər birinin cavabına ayrı-ayrılıqda
verilən ballar nəzərə alınmaqla
qiymətləndirmə aparılır və ümumiləşdirilmiş
nəticə elan olunur. Dekanın sədrliyi ilə yaradılan
apellyasiya komissiyası həmin gün saat 12.00-dək müraciət
edən tələbənin işinə yenidən baxır
və zəruri saydıqda onun yekun qiymətinin dəyişməsinə
qərar verir. "AZƏRBAYCAN MüƏLLİMİ"
|