“Bu il yazı işlərinin yoxlanılmasına Laçından, Füzulidən qoşulan markerlərimiz də var”.
“Azərbaycan müəllimi” xəbər verir ki, bunu Dövlət İmtahan Mərkəzinin Bacarıqların, vərdişlərin qiymətləndirilməsi və markerlərlə iş şöbəsinin müdiri Aydın Qasımov yazı işlərinin qiymətləndirilməsi texnologiyası haqqında danışarkən deyib.
O bildirib ki, yeni qiymətləndirmə mexanizmi sayəsində imtahan və yazı tapşırıqlarının yoxlanılması prosesi şəffaf və obyektiv şəkildə həyata keçirilir: “Yeni sistemə əsasən, hər bir tapşırıq iki fərqli marker tərəfindən qiymətləndirilir. Əgər hər iki markerin verdiyi qiymət üst-üstə düşərsə, həmin nəticə yekun qiymət kimi qəbul olunur. Əgər qiymətlər fərqli olarsa, sistem bu işi üçüncü markerə yönləndirir və üç markerin qərarı əsasında yekun qiymət müəyyən edilir”.
A.Qasımovun sözlərinə görə, prosesin ən mühüm tərəfi ondadır ki, qiymətləndirməni aparan hər bir marker “təkmilləşdirilmiş meyarlar” əsasında təlim keçməli və “kalibrləmə mərhələsini” uğurla tamamlamalıdır. Bu isə qiymətləndirmədə insan amilindən qaynaqlanan səhvlərin minimuma endirilməsini təmin edir.
O əlavə olaraq qeyd edib ki, ümumilikdə 7 milyona yaxın açıq tipli test tapşırıqlarının qiymətləndirilməsi həyata keçirilib.
Digər xəbərlər
Digər xəbərlər tapılmadı
Qəzetimizə abunəlik
"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun
Bölmələrimiz
2025 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.
Şərhlər