“AMEA nəzdində Respublika Seysmoloji Xidmət Mərkəzinin Zəlzələlərin Tədqiqi Bürosunun məlumatına əsasən, bu gün Türkiyə vaxtı ilə saat 12:49-da Marmara dənizində maqnitudası 6.2 olan zəlzələ qeydə alınıb. Zəlzələnin ocağı 10 km dərinlikdə yerləşib və İstanbulda, eləcə də ətraf bölgələrdə hiss olunub”.
“Azərbaycan müəllimi” xəbər verir ki, bu barədə Azərbaycan Milli Elmlər Akademiyası nəzdində Respublika Seysmoloji Xidmət Mərkəzinin (RSXM) mətbuat xidmətinin rəhbəri Vüsalə Rafiqqızı məlumat verib.
O bildirib ki, əsas təkanın ardınca Marmara dənizində Türkiyə vaxtı ilə saat 12:49-dan 13:02-dək olan müddətdə maqnitudası 4.3-dən 6.2-yə qədər dəyişən və ocaqlarının dərinliyi 5–21 km arasında olan daha beş yeraltı təkan qeydə alınıb. Bu təkanlar da İstanbul və ətraf ərazilərdə hiss olunub:
“Hazırda Marmara dənizində baş verən zəlzələ ilə bağlı müşahidələr davam etdirilir. Eyni zamanda, RSXM tərəfindən hadisə baş verən ərazi nəzarətdə saxlanılır. Afterşoklar davam edir. Zəlzələ ilə əlaqədar hazırda RSXM-nin Monitorinq Mərkəzi gücləndirilmiş iş rejimində fəaliyyət göstərir”.
Digər xəbərlər
Digər xəbərlər tapılmadı
Qəzetimizə abunəlik
"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun
Bölmələrimiz
2025 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.
Şərhlər