Müəllimlərin sertifikatlaşdırma imtahanına sayılı günlər qalıb. Bu gün bir çox müəllimi test imtahanında hansı mövzulardan sualların düşəcəyi maraqlandırır.

"Azərbaycan müəllimi" bunu nəzərə alaraq, müəllimlərə dəstək məqsədilə Təhsil İnstitutu tərəfindən hazırlanmış "Sertifikatlaşdırmanın qiymətləndirmə çərçivəsi"nə əsasən ayrı-ayrı fənlər üzrə mövzuları yenidən təqdim edir.

Məlum olduğu kimi, hər bir müəllim imtahanda tədris etdiyi fənn üzrə 50, metodika və pedaqogika üzrə isə 10, ümumilikdə 60 suala cavab verməlidir.

Azərbaycan dili və ədəbiyyat müəllimlərinə 12 sual oxu, 3 sual yazı, 15 sual dil qaydaları, 20 sual isə ədəbiyyat və həyat həqiqətləri məzmun sahələrindən salınacaq.

Azərbaycan dili (dövlət dili) üzrə 22 sual oxu, 6 sual yazı, 22 sual isə dil qaydaları məzmun sahələrindən olacaq.

Riyaziyyat fənn müəllimlərinə gəlincə 6 sual ədədlər və əməllər, 22 sual cəbr və funksiyalar, 16 sual həndəsə və ölçmə, 6 sual isə statistika və ehtimal sahələrindən düşəcək.

Xarici dil (ingilis dili) üzrə 12 sual oxuyub-anlama, 10 sual leksikologiya, 28 sual da dil qaydalarından salınacaq. Bu məzmunlar həmçinin rus dili, alman dili, fransız dili müəllimlərinin imtahanına da şamil olunur.

Rus dili və ədəbiyyat müəllimlərinə imtahanda "Чтение" üzrə 10, "Письмо" üzrə 5, "Языковые правила" üzrə 15, "Литература и реалии жизни" üzrə 20 sual veriləcək.

İbtidai sinif (Azərbaycan bölməsi) üzrə sertifikatlaşdırmada 10 sual oxu, 2 sual yazı, 13 sual dil qaydaları, 8 sual ədədlər və əməllər, 6 sual cəbr və funksiyalar, 5 sual həndəsə, 4 sual ölçmə, 2 sual da statistika və ehtimal sahələrindən salınacaq.

İbtidai sinif (rus bölməsi) müəllimlərinin imtahanında "Чтение" üzrə 10, "Письмо" üzə 2, "Языковые правила" üzrə 13, "Числа и действия" üzrə 8, "Алгебра и функции" üzə 6, "Геометрия" üzrə 5, "Измерения" üzrə 4, "Статистика и вероятность" üzrə isə 2 sual düşəcək.

Fizika fənn müəllimlərinə gəlincə sertifikatlaşdırmada 20 sual fiziki hadisələr, qanun və qanunauyğunluqlar, 15 sual maddə və sahə, qarşılıqlı təsir və əlaqəli sistemlər, 15 sual da eksperimental fizika və müasir həyat məzmun sahələri üzrə olacaq.

Kimyadan 18 sual maddə və maddi aləm, 22 sual kimyəvi hadisələr, 5 sual eksperiment və modelləşdirmə, 5 sual da kimya və həyat üzrə salınacaq.

Biologiya fənn müəllimlərinə 12 sual canlıların quruluş və müxtəlifliyi, 15 sual bioloji proseslər, 11 sual insan və onun sağlamlığı, 6 sual canlıların təkamülü, 6 sual da canlılar və ətraf mühit məzmun sahələri üzrə salınacaq.

Coğrafiya müəllimləri coğrafi məkan üzrə 14, təbiət üzrə 18,cəmiyyət üzrə də yenə 18 sualı cavablandırmalıdırlar.

İnformatika üzrə 11 sual informasiya və informasiya prosesləri, 25 sual formallaşdırma, modelləşdirmə, alqoritmləşdirmə və proqramlaşdırma, 12 sual kompüter, informasiya və kommunikasiya texnologiyaları və sistemləri, 2 sual isə cəmiyyətin informasiyalaşdırılası sahələrindən düşəcək.

Qeyd edək ki, bütün fənn müəllimlərinə həmçinin metodika və pedaqogika üzrə 1 sual hüquqi savadlılıq, 5 sual metodiki səriştəlilik, 4 sual isə pedaqoji və psixoloji yanaşmalar məzmun sahələrindən salınacaq.  

Məlumat üçün bildirək ki, bu il kimya, fizika, informatika, coğrafiya və biologiya fənn müəllimləri ilk dəfə sertifikatlaşdırmada iştirak edəcəklər.

"Qiymətləndirmə çərçivəsi" barədə ətraflı BURADAN tanış ola bilərsiniz!