Azərbaycan Memarlıq və İnşaat Universitetində (AzMİU) Koreyadan gələn nümayəndə heyəti ilə görüş keçirilib. Görüş Elm və Təhsil Nazirliyinin tabeliyində olan Yüksək Texnologiyalar Parkının təşkilatçılığı ilə baş tutub.
Bu barədə “Azərbaycan müəllimi”nə AzMİU-dan məlumat verilib.
AzMİU-nun rektoru professor Gülçöhrə Məmmədova koreyalı qonaqları qəbul edərək universitet haqqında məlumat verib və birgə əməkdaşlıq perspektivlərindən söhbət açıb.
Görüşdə Deltatech – KOREA şirkətinin rəhbəri Seong Ho Lee, Seul Milli Elm və Texnologiya Universitetinin professoru Con Şim, Seul Milli Universitetinin professoru Youngtack Shim, Yüksək Texnologiyalar Parkının İnkubasiya və Texnologiyaların Transferi Mərkəzinin şöbə müdiri Bünyamin Seyidov iştirak edib.
Tərəflər Koreya memarlığı və inşaat sektorunda əldə olunan texnoloji həllər, bu həllərdən AzMİU-nun yararlanma imkanları ilə bağlı müzakirələr aparıb.
Koreya universitetləri ilə gələcək birgə layihələrin icrası və görüşdə iştirak edən qurumların vasitəçi qismində əməkdaşlığa cəlb edilməsi kimi vacib nüanslara toxunublar.
1 /2
.jpeg)
Digər xəbərlər
Digər xəbərlər tapılmadı
Qəzetimizə abunəlik
"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun
Bölmələrimiz
2025 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.
Şərhlər