"Mövcud qanunvericiliyə əsasən, Azərbaycanda doktorantura təhsili ikipilləlidir. Lakin təhsil sahəsində müasirləşmənin vacibliyi nəzərə alsaq, doktorantura sistemində köklü islahatlar qaçılmazdır".
“Azərbaycan müəllimi” xəbər verir ki, bunu elm və təhsil naziri Emin Əmrullayev bu gün keçirdiyi brifinqdə jurnalistlərə açıqlamasında deyib.
Nazir vurğulayıb ki, doktorantura təhsilində kredit sisteminə keçid və təlim komponentinin artırılması vacib addımlardan biridir. Bundan sonra doktorantlar yalnız dissertasiya yazmaqla kifayətlənməməli, həm də daha geniş akademik hazırlıq keçməlidirlər.
Qanunvericilikdə dəyişikliklərin edilməsi məsələsinə toxunan nazir bildirib ki, doktorantura təhsilinin birpilləli sistemə keçilməsi qanunverici orqan olan Milli Məclisin səlahiyyətinə daxildir. Əgər müvafiq qanunlarda dəyişikliklər edilsə, Elm və Təhsil Nazirliyi onları icra edəcək. Hazırda isə mövcud qaydalar çərçivəsində fəaliyyət davam etdirilir.
Digər xəbərlər
Digər xəbərlər tapılmadı
Qəzetimizə abunəlik
"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun
Bölmələrimiz
2025 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.
Şərhlər