Hazırda övladı dövlət məktəbəqədər təhsil müəssisəsinə gedən valideyn uşağını dövlət-özəl maliyyələşmə modeli əsasında özəl bağçaya qoya bilərmi?
“Azərbaycan müəllimi” xəbər verir ki, bu suala Elm və Təhsil Nazirliyinin Satınalmalar və qrantlar sektorunun müdiri Vüsalə Əliyeva Təhsil TV-nin “Təhsil saatı” verilişində cavab verib.
O qeyd edib ki, sistem hamı üçün açıq olacaq:
“Biz əvvəlcədən ictimaiyyətə hansı bağçanın nə qədər boş yeri olduğunu elan edəcəyik. Əmin etmək istəyirəm ki, bu il də proses tam şəffaf və açıq şəkildə həyata keçiriləcək, hər kəsin hüquqları qorunacaq. Biz həm nazirliyin rəsmi səhifələrində, həm də digər elektron platformalarda valideynləri bağçalar və onların boş yerləri barədə məlumatlandıracağıq. Daha sonra valideynlər şəxsi hesabları vasitəsilə övladlarını yerləşdirmək istədikləri bağçanı seçə və həmin bağçanın təqdim etdiyi şərtlərlə, yəni təhsil haqqı və digər məsələlərlə tanış ola biləcəklər”.
O bildirib ki, uşaq dövlət məktəbəqədər təhsil müəssisəsindən çıxarılıb özəl bağçaya keçirilirsə, bu, dövlət bağçasında yeni boş yerin yaranması deməkdir:
“Beləliklə, həmin yer növbədə gözləyən digər uşaqlara təklif olunacaq. Yəni, sistemdə ədalət və balans qorunacaq, hər bir uşaq üçün bərabər imkanlar təmin ediləcək”.
Digər xəbərlər
Digər xəbərlər tapılmadı
Qəzetimizə abunəlik
"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun
Bölmələrimiz
2025 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.
Şərhlər