Bütün xəbərlər
29 sentyabr, 09:45

Hər bir uşağın maraq və xəyalları fərqli olur: kimisi elmə, kimisi idmana yönəlir. Bəziləri isə hər ikisini sevərək inkişaf etdirir. Bakı şəhəri 211 nömrəli tam orta məktəbin 6-cı sinif şagirdi Məryəm Məlikzadə də məhz belə şagirdlərdəndir. O, taekvondo üzrə ölkə birinciliyində qalib gələrək Azərbaycanın yığma komandasına dəvət alıb. Qarşıda isə onu Yunanıstanın paytaxtı Afinada keçiriləcək Avropa çempionatı gözləyir. Bu uğur onun zəhmətinin və iradəsinin nəticəsidir. Məryəm qələbə ilə bağlı təəssüratlarını “Azərbaycan müəllimi” ilə bölüşüb.

“İlk dəfə məşqə gedəndə fiziki yox, daha çox adaptasiya baxımından çətinlik çəkdim”

Məryəm taekvondoya marağının hər zaman ona dəstək olan atasının təşviqi ilə başladığını deyir: “O mənə bu idman növünün mahiyyətini, əsas baza döyüş növü olduğunu izah edərək həvəsləndirdi. İlk dəfə məşqə gedəndə fiziki yox, daha çox adaptasiya baxımından çətinlik çəkdim. Amma Asim müəllimin və motivasiya mənbəyim olan atamın dəstəyi ilə bu çətinliyi aradan qaldıra bildim”.

Məryəm bildirir ki, uşaqlıqdan gimnastika ilə məşğul olduğundan bədəni bu idman növünə hazır idi. Daha sonra taekvondonu seçən Məryəm bu qərarına görə qətiyyən yanılmadığını vurğulayır: “Yarış təcrübəm də mərhələli şəkildə artdı. Əvvəlcə Gəncə və Ağsuda keçirilən klublararası yarışlarda iki dəfə birinci olaraq qızıl medal qazandım. Ardınca isə yay istirahətindən imtina edib Asim müəllimin rəhbərliyi ilə intensiv məşqlərə başladım. Onun peşəkarlığı, valideynlərimin dəstəyi və öz əzmim nəticəsində ölkə birinciliyində qalib gəldim”.

“Bu qələbə ilə dünyasını dəyişmiş babamın arzusunu da yerinə yetirdim”

Yarış zamanı qarşılaşdığı çətinliklərdən söz açan həmsöhbətimiz ən ağır döyüşünün ikinci qarşılaşmada olduğunu qeyd edir: “Rəqibim həm fiziki, həm də boy baxımından məni üstələyirdi. Amma məşqlərdə öyrəndiyim texnikaları tətbiq edərək qalib gəldim. Qələbə anında qürurlandım və özümlə fəxr etdim. Bu zəfər mənə daha çox güvən verdi. Eyni zamanda, dünyasını dəyişmiş babamın arzusunu da yerinə yetirdim. Onun ruhunun mənimlə olduğunu hiss etdim. Bu uğurumda ən böyük dəstəkçilərim valideynlərim, xüsusilə atamdır. O, həmişə mənə insanın inamla istənilən çətinliyi aşa biləcəyini təlqin edib. Mən də bu inamla yola davam edirəm”.

Hazırda Məryəm Avropa çempionatına hazırlıq məqsədilə həm müəlliminin yanında məşq edir, həm də Azərbaycan Taekvondo Federasiyasının təlim-məşq toplantılarında iştirak edir. Onun əsas hədəfi Avropa və dünya çempionu olmaq, olimpiya oyunlarında iştirak edərək ölkəmizin bayrağını dünya arenalarında yüksəltməkdir.

“İdmanla məşğul olmaq özüməinamı gücləndirib, intizam və daxili güc hissi qazandırıb”

O, məktəbdə də dərslərinə eyni məsuliyyətlə yanaşır. Riyaziyyat, coğrafiya, ingilis dili və STEAM dərslərinə marağının olduğunu deyir: “İdman dərslərimə heç bir maneə yaratmır. Əksinə, idmanla məşğul olmaq özüməinamı gücləndirib, intizam və daxili güc hissi qazandırıb. Bəzən valideynlər qız uşaqlarını döyüş idman növlərinə yazdırmaqdan çəkinirlər. 

Mənim sözüm odur ki, biz qədim türk dövlətlərinin varisləri olaraq mərdlik və döyüşkənlik ənənəsini daşıyırıq. Atilla, Mete Xan, Alparslan, Mübariz İbrahimov, Polad Həşimov kimi qəhrəmanların övladları olaraq biz də güclü və cəsur olmalıyıq. Valideynlər övladlarını döyüş idman növlərinə yönləndirsinlər ki, onlar həm intizam, güc və özünəinam qazansınlar, həm də lazım gəldikdə özlərini müdafiə edə bilsinlər”.

Şərhlər

Xəbər lenti

16 oktyabr, 10:42

Elmi məqalə yazanda süni intellektdən istifadə edilsə, elm bitər - Əcnəbi professorla MÜSAHİBƏ

16 oktyabr, 10:13

ADPU-nun Strateji İnkişaf Mərkəzi vakansiya elan edir

16 oktyabr, 10:04

Professor: Rəqəmsal texnologiyalar və süni intellekt dilçilik tədqiqatlarını genişləndirir

15 oktyabr, 17:52

Dövlət bağçasına gedən uşaqlar dövlət hesabına özəl bağçada təhsil ala bilərmi?

15 oktyabr, 17:39

Vüsalə Əliyeva: Valideynlər bağçalarla bağlı qayda pozuntusu müşahidə edirlərsə, müraciət etsinlər

15 oktyabr, 17:35

Dövlət-özəl maliyyələşmə modeli ilə bağçalara qəbul üçün tarix açıqlanıb

15 oktyabr, 17:30

Bəzi bağçalar qrant müsabiqəsində iştirak edə bilmək üçün təhsil haqlarını endiriblər 

15 oktyabr, 17:27

Sabahdan hava yağıntılı olacaq – XƏBƏRDARLIQ

15 oktyabr, 17:24

Bu il 5000-dən artıq uşaq qrant hesabına məktəbəqədər təhsilə cəlb ediləcək

15 oktyabr, 17:04

BSU-da maarifləndirici təlim keçirilib

15 oktyabr, 17:03

DİM: İmtahan proqramları yalnız dərsliklər əsasında hazırlanır

15 oktyabr, 16:41

ADNSU Dayanıqlı İnkişaf Məqsədləri Razılaşmasına qoşulub

15 oktyabr, 16:18

“Məktəblilər arasında respublika çempionatı”nın atletika mərhələsi davam edir

15 oktyabr, 16:15

“Parla” proqramından 27 qız məzun olub

15 oktyabr, 16:00

Nüfuzlu jurnallarda məqalə dərc etmək daha asan oldu: Yeni platforma nə vəd edir?

15 oktyabr, 16:00

LDU-nun baytarlıq klinikasının tikintisi yekunlaşır

15 oktyabr, 15:45

NDU-da Psixoloji Xidmət və Uşaq İnkişaf Mərkəzi açılıb

15 oktyabr, 15:42

Azərbaycan ilə Braziliya arasında təhsil sahəsində əməkdaşlıq haqqında Saziş təsdiq edilib

15 oktyabr, 15:31

BMU Malayziya universiteti ilə əməkdaşlığa başlayır

15 oktyabr, 15:17

UNEC-də narkomaniya ilə bağlı maarifləndirici görüş keçirilib

Digər xəbərlər

Digər xəbərlər tapılmadı

Search not found

Qəzetimizə abunəlik

"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun

2025 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.