Azərbaycan Respublikasının Təhsil İnstitutu tərəfindən ümumi təhsil müəssisələrində metodik xidmətin qurulması və keyfiyyətinin yüksəldilməsi məqsədilə həyata keçirilən “Müasir metodist” müsabiqəsinin təlim mərhələsi hazırda uğurla davam edir.
“Azərbaycan müəllimi” xəbər verir ki, təlim proqramı səriştə əsaslı təlimin təşkili, fənn kurikulumları ilə işin aparılması, standart və təlim nəticələrinin müəyyənləşdirilməsi, tədris prosesində planlaşdırma bacarıqlarının inkişaf etdirilməsi, pedaqoji və psixoloji nəzəriyyələrin tətbiqi, şagirdyönümlü təlimin təşkili və təfəkkürün inkişafına yönəlmiş tapşırıqların – xüsusilə də Blum taksonomiyasına əsaslanan tapşırıqların hazırlanması və.s mövzuları əhatə edir.
Təlim müddətində təşkil edilən interaktiv müzakirələr, praktiki və situativ tapşırıqlar iştirakçıların metodiki bacarıqlarının inkişafına və bu bacarıqların real məktəb mühitində tətbiqinə yönəlib. Təlim iştirakçılarının müzakirələrdə fəal iştirakı və pedaqoji təcrübə mübadiləsi nəticəsində qarşılıqlı öyrənməyə şərait yaradılıb.
Qeyd edək ki, “Müasir metodist” layihəsi çərçivəsində metodist hazırlığı üzrə təlimlər davam etdirilir.
1 /6
.jpeg)
Digər xəbərlər
Digər xəbərlər tapılmadı
Qəzetimizə abunəlik
"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun
Bölmələrimiz
2025 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.
Şərhlər