Bütün xəbərlər
9 yanvar, 16:53

Yanvarın 9-da Azərbaycan Dillər Universitetində (ADU) Elm və Təhsil Nazirliyi yanında İctimai Şuranın üzvləri ilə görüş keçirilib.

Universitetdən “Azərbaycan müəllimi”nə verilən məlumata görə, ADU-nun rektoru, akademik Kamal Abdulla bildirib ki, bu təhsil müəssisəsi QS reytinqlər cədvəlində növbəti dəfə fərqlənməyi bacarıb. Bu göstərici müəllim və tələbələrin yüksək elmi-pedaqoji üstünlüyündən və tədris keyfiyyətinin nəticələrindən asılı olan bir məsələdir.

ADU-da elm və təhsil sahəsində həyata keçirilən layihələr, görülən işlərin əhəmiyyətindən danışan rektor müəllim və tələbələr üçün beynəlxalq təcrübəyə əsaslanaraq yaradılan şəraitdən və gələcək elmi əməkdaşlıq, tərəfdaşlıq imkanlarının mövcudluğundan söhbət açıb.

ADU bir sıra ilklərə imza ataraq, həm yerli, həm də beynəlxalq universitetlərin diqqətini çəkib. Belə ki, ADU-nun elmi-texniki bazası ən müasir  innovativ avadanlıqlarla təchiz olunmaqla tələbələr və müəllimlər üçün daha geniş imkanlar təqdim etmək məqsədini qarşıya qoyub. Universitetdə yaradılan elektron məlumat bazası həm müəllimlərin, həm də tələbələrin bilik və bacarıqlarının inkişafına öz müsbət təsirini göstərir.

ADU-da “Bir günlük xəlifə”, “Səfir saatı”, beynəlxalq mərkəzlərin yaradılması, məzunlarla regionlarda görüş kimi layihələrin əhəmiyyəti vurğulanıb:

“Ötən il ADU tələbə qəbulunda universitet tarixində ən yüksək göstərici ilə 99.9 faiz qəbulla rekorda imza atıb. Bu, sevindirici haldır. Bu nəticə cəmiyyətin ADU-ya münasibətinin və marağının ən bariz nümunəsidir. Demək, biz doğru yoldayıq. Bu yolda həm müəllimlərimizin, həm də tələbələrimizin böyük əməyi var. ADU-da iyirmidən çox xarici dil tədris olunur. Bu dillər sırasında Sanskrit dilini xüsusilə qeyd etmək istərdim. Tələbələrimizin bu qədim dilə marağı böyükdür. Həmçinin dünyanın bir sıra ölkələrində  - Pakistanda, Rusiyada, Belarusda, Rumıniyada, Serbiyada, Macarıstanda bizi təmsil edən mərkəzlərimiz var. Bu nümayəndəliklər Azərbaycan dili və mədəniyyəti mərkəzi kimi fəaliyyət göstərərək həm Azərbaycanı uğurla təmsil etmiş olur, həm də universitetimizin nüfuzunu artırır”.

ADU-nun Beynəlxalq əlaqələr üzrə prorektoru, dosent Jalə Qəribova, Sosial məsələlər və ictimaiyyətlə əlaqələr üzrə prorektor, millət vəkili Tamam Cəfərova və Təhsil fakültəsinin dekanı, professor Hikmət Əlizadə universitetdə yaradılan şərait, mövcud imkanlar və layihələr barəsində ətraflı məlumat veriblər. 

Qeyd olunub ki, elm və təhsil siyasətinin həyata keçirilməsində İctimai Şuranın cəmiyyət və universitetlər arasında dialoqun qurulmasında mühüm rolu var. Bu mənada şuranın aktiv fəaliyyətinə xüsusi ehtiyacın olması vurğulanıb.

Daha sonra çıxış edən İctimai Şura üzvləri - professor Hikmət Əlizadə, Mirzə Cəfərzadə, Günay Əkbərova, Orxan Kərimzadə, Heydər Eminli, Elçin Əzimli, Sevinc Məhəməliyeva ADU-da yaradılan şəraitə görə rəhbərliyə və kollektivə təşəkkürlərini bildiriblər.

1 /7

Şərhlər

Xəbər lenti

4 iyun, 19:10

İki qızıl, iki gümüş: Gülayın ədəbiyyatdakı yüksəlişi 

4 iyun, 17:54

Biləsuvar Təhsil Kompleksində Kembric kurikulumunun tətbiqinə başlanılır

4 iyun, 17:29

Qarabağ Universitetində yaz imtahan sessiyası başlayıb

4 iyun, 17:10

Rəqslə böyüyən istedad – 14 yaşlı Sinayın uğur hekayəsi

4 iyun, 17:09

Kenquru Beynəlxalq Riyaziyyat Müsabiqəsinin nəticələri açıqlanıb

4 iyun, 16:59

“Çəkişmə” hüquq müsabiqəsi yekunlaşıb

4 iyun, 16:36

“Azərbaycanın təhsil imkanları valideynlərimin diqqətini çəkdi” Əlcəzairli tələbə

4 iyun, 16:23

I siniflərin sərbəst qaydada məktəb və müəllim seçimi başlayır

4 iyun, 16:02

İngilis dili müəllimi olmaq istəyənlər üçün MİQ mövzuları

4 iyun, 16:00

Rezidenturaya qəbul imtahanının II cəhdinə qeydiyyat başlayır

4 iyun, 15:58

4 fənnə görə xüsusi seçildi - Kənd məktəbinin böyük uğuru  

4 iyun, 15:45

ADU-da doktorantura təhsilinin təkmilləşdirilməsi ilə bağlı görüş keçirilib

4 iyun, 15:19

Azərbaycanlı alimlərin məqaləsi nüfuzlu jurnalda dərc olunub

4 iyun, 15:17

Zəngilanda məktəblilər arasında idman yarışları keçirilib

4 iyun, 15:14

Gürcüstanın elm, təhsil və gənclər naziri Bakıda konfransda iştirak edəcək

4 iyun, 15:06

AzMİU-da 2025-2026-cı tədris ili üçün qəbul planı artırılıb

4 iyun, 15:04

ADPU-nun rektoru imtahanların gedişi ilə tanış olub

4 iyun, 15:01

İş və istirahət günlərinin yerləri dəyişdirilib

4 iyun, 14:41

Pulpərəst məktəb direktoru – Qəzetin arxivindən

4 iyun, 13:56

Atatürkün şəxsən təbrik etdiyi azərbaycanlı qadın – Öz maaşını kasıb tələbələrə paylayırdı

Digər xəbərlər

Digər xəbərlər tapılmadı

Search not found

Qəzetimizə abunəlik

"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun

2025 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.