|
 Şükür
Ömərli 2000-ci ildə Ağsu rayonunda anadan olub.
Bakıdakı Rauf Hacıyev adına 15 nömrəli Onbirillik
Musiqi Məktəbində Svetlana Əliyevanın sinfində kamança
dərsləri alır. Sənət yolunda ilk addımlarını atan
yeniyetmənin qazandığı nailiyyətlər onu sevdiyi sənətə
bir daha bağlayıb. 2011-ci ildə Mədəniyyət və Turizm
Nazirliyi Mədəniyyətşünaslıq üzrə Elmi-Metodiki Mərkəzin
keçirdiyi Azərbaycan Respublikasının dövlət
müstəqilliyinin bərpasının 20-ci ildönümünə həsr olunan
milli musiqi alətləri ifaçılarının respublika
festivalında uğurlu çıxışına görə III dərəcəli
diploma layiq görülüb. 2012-ci ildə Mədəniyyət və
Turizm Nazirliyinin Bülbül fondu, Təhsil Nazirliyi və
Bülbül adına Orta İxtisas Musiqi Məktəbinin keçirdiyi
Azərbaycan professional vokal sənətinin banisi, SSRİ
xalq artisti Bülbülün anadan olmasının 115 illik
yubileyinə həsr olunan milli musiqi alətləri ifaçıları
və xanəndələrin I müsabiqəsində I dərəcəli, 2013-cü
ildə ümummilli lider Heydər Əliyevin 90 illik
yubileyinə həsr olunan gənc ifaçıların II Respublika
müsabiqəsində II dərəcəli diplom qazanıb. Həmin ildə
Üzeyir Hacıbəyli adına V Beynəlxalq musiqi festivalında
iştirak edib. Gənc istedad xalq artisti Zəhra
Quliyevanın rəhbərlik etdiyi "İstedad" mərkəzinin
üzvüdür. Ş.Ömərli 2014-cü ildə Moskvada keçirilən ''Zimnaya
Karusel'' adlı Beynəlxalq internet müsabiqəsində
Qran-priyə layiq gorülüb. O, Mədəniyyət və Turizm
Nazirliyinin təşkil etdiyi usaq və gənclər arasında xalq
çalğı alətləri ifaçılarının III Respublika müsabiqəsində
də I dərəcəli diploma, Azərbaycan Respublikasının Ailə,
Qadın və Usaq Problemləri üzrə Dövlət Komitəsinin təskil
etdiyi "İstedadlı Usaqlar Festivalı-2014"-də qazandığı
ugurlarına görə diploma, Moskvada keçirilən V.Spivakov
adına XI Beynəlxalq festivalda və Çelyabinsk şəhərində
"Dostluğun ipək yolu: mədəniyyətlərarası dialoq" adlı
layihə çərçivəsində keçirilən festivallarda uğurlu
çıxışlarına görə diplom və fəxri fərmana layiq gorülüb.
O, kamançanın incəliklərini ona öyrədən Svetlana
Əliyevaya və təhsil aldığı 67 nömrəli tam orta məktəbin
direktoru İradə Bayramovaya, məktəbin pedaqoji
kollektivinə təşəkkür edir, istedad və bacarığının üzə
çıxarılmasında əməyi olan hər bir kəsə borclu olduğunu
söyləyir. Qeyd edək ki, Daşkənd şəhərində ilk dəfə
olaraq gənclər arasında "Ana yurdun ahəngləri" adlı
beynəlxalq xalq çalğı alətləri müsabiqəsi keçirilib.
Ölkəmizi təmsil edən Ş.Ömərli kiçik yaş qrupunda 1-ci
yeri qazanaraq diplomla mükafatlandırılıb. |
