"Valideynlər arzulayarsa, 3 yaşına qədər olan uşaqları da "İcma əsaslı məktəbəqədər təhsil" layihəsinə cəlb edə bilərlər. Ancaq burada bir şərt var: onlar uşaqlarının adaptasiya prosesində yaxından iştirak etməlidirlər".
"Azərbaycan müəllimi" xəbər verir ki, bunu “İcma əsaslı məktəbəqədər təhsil” layihəsinin rəhbəri Orxan Cəfərov “Azərbaycan müəllimi”nə müsahibəsində söyləyib.
Bildirib ki, bu layihənin iştirakçıları, əsasən, 3-4 yaşlı uşaqlardır: "“3-4 yaşlı” deyərək məhdudiyyət qoymuruq. Bu layihədə valideynlər prosesin fəal iştirakçılarıdırlar. Hazırda tərbiyəçi-müəllimlərin 70 faizinin əsas iş yeri icmadır. Bu da o deməkdir ki, layihə qadınların iş yeri ilə təminatında da mühüm rol oynayır. Qadınlar sadəcə iş yeri kimi deyil, qrupdakı uşaqların valideynləri olaraq da növbəli şəkildə məşğələlərə qatılırlar".
O.Cəfərov qeyd edib ki, qadınların işlə təmin olunması nəticəsində valideynlərin məktəblə gələcək sıx əməkdaşlığının təməli qoyulur: "Bir sözlə, “bu layihə qadınlara iş yeri, uşaqlara isə təhsil verir”, – deyə o əlavə edib.
Digər xəbərlər
Digər xəbərlər tapılmadı
Qəzetimizə abunəlik
"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun
Bölmələrimiz
2025 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.
Şərhlər