“Finalı Bakıda keçirilən ICPC müsabiqəsi kompüter elmi sahəsində ən nüfuzlu yarışmalardan biridir və qlobal İKT icması üçün böyük əhəmiyyət kəsb edir”.
“Azərbaycan müəllimi” xəbər verir ki, bu fikirləri bu gün 49-cu ICPC Beynəlxalq Universitetlərarası Proqramlaşdırma Müsabiqəsinin dünya finalının açılış mərasimində Mərkəzi Bankın sədri Taleh Kazımov səsləndirib.
O qeyd edib ki, bu gün Bakı şəhərində 70 ölkə, 6 qitəni təmsil edən 140 universitet iştirak edir. ICPC yalnız yeni ideyaların inkişaf etdiyi platforma deyil, həm də gələcəyin texnologiya liderlərinin formalaşdığı yerdir.
O həmçinin vurğulayıb ki, bu tədbir Qafqaz regionu üçün böyük əhəmiyyət daşıyır. “Gənclər üçün texnologiya sahəsindəki imkanlar regionumuzu qlobal xəritədə önəmli edir. Azərbaycan üçün isə bu, ölkəmizin qlobal liderliyə doğru irəliləməsi baxımından mühüm əhəmiyyət daşıyır”, – deyə o bildirib.
Digər xəbərlər
Digər xəbərlər tapılmadı
Qəzetimizə abunəlik
"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun
Bölmələrimiz
2025 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.
Şərhlər